امس عطتني المعزبة ورقت أغراض رمضان وحشى ما هيب ورقة ولكنها جريدة

المهم نصيت كارفور علشان عندهم عروض ممتازة وهي كالتالي :

1- سكر 10 ك مع هدية بـ 14 وشلقة
2- تانق بـ 19ونص
3- ثلاث زيت مازولا بـ 19ونص

المهم يوم رحت اثر الدعوى ضحك على الدقون كل ما سألت موظف عن العرض يقول خلص

المهم زعلت وقلت الشرهه علي ان اخذت منكم شي ياعيال ...

يوم جيت اطلع قلت خل اسعر بعض اغراضي وكتبت بطرف القلم سعر بعض الأغراض وأذكر منها :

- التانق بـ 26 وشوي
- دريم ويب بـ 5 وشوي
- جبنم فراسان موزاريلا بـ 25 وشوي للكيلو مع واحد صغير هدية

المهم طلعت من عندهم وللعثيم مباشرة وعلى طول رحت اقارن الأسعار لقيت التانج عندهم بـ 33 !!
ولقيت الموزاريلا أغلا بس نسيت بكم .. ولقيت دريم ويب بـ 6 وشوي ..

بس لقيت عندهم الجبن المثلث ( ابو ثمان حبات ) بريال وخمسة وتسعين هلله يعني بريالين والله واقوم واضف عشرين حبه واطلع !!

رحت للبساتين قلت يمكن عقلوا مع رمضان واول ماشفت التانج بـ 35 !! والله وانحاش وعلى طول لكارفور وآخذ منهم باقي الأغراض واجيك تافلن العافية اللهم ياكافي وجيبي والحمد لله خاوي .. وعلى الله العوض وحسبنا الله ونعم الوكيل ..

وسلامتكم ..