انا طبعاً وظيفتي (((محصل))) ومن طبيعة عملي اني افرفر على شركات الرياض ومن ضمن الشركات الي مريتها اليوم
لفت انتباهي شركه كبيرهـ ومعروفه وهي شركة عجلان وأخوانه

القصه
جيت عند مقر الشركه وشوف مبنى فخم جداً جداً وفيه سيارهـ (روز رايز ) مصفطه قدام الشركه اتوقع انها حقت صاحب الحلال
المهم وجي أوقف سيارتي المتواضعهـ جنب ال روز رايز......

يوم نزلت ابي ادخل الشركهـ فيه كشك جنب البوبه شوي و
واحد طلعلي لابس شماغ وعقال وثوب ونعال الله يعزكمـ ويوم طلع متجهلي ويثبت العقال بيده الصراحه انا قمطت قلت لايكون مسوي شي غلط....الرجال جايني مندفع وشكله شكل واحد اسعودي لاكن يشبه الي في الدعايات الي يسون انفسهم سعوديين يلعبون علينا المهم قال ميدي

صديق...
قلت هاه انهبلت قلت ذا شكله بيطقطق علي
قال صديق مافيه وقف هينا هاذا موقف صاحب حلال
قلت ميده ونا ماني مصدق أأبشررر
قلت ميد حالي ونفسي طيب ليش لابس ثوب وشماغ وعقال حسبالي انه سعودي طلع بنقالي
ونسى الموضوع وروح اشيل سيارتي وأحذفها في اخر الدنيا
ورجع مره ثانيه ودخل داخل في الشركه وأناظر شركه فخمهـ جداً وأحصل الاستقبال
وفيه صور صاحب الحال مع الامير سلمان ابن عبدالعزيز ولامير سطام ابن عبدالعزيز

وفيه اربع شباب
سلمت عليهم
وسبحان الله نفس اشكال البنقالي
شماغ وعقال وثوب
وطلعوووو الشباب كلهم 2 سودانين و 1 نيجيري و 1 يمني
وتفاهم معهم طبعاً بليااااااالله فهمو اني ابي الماليه
وطلع برا الشركه ابي امشي طبعاً منقهر وواصل حدي
وأقز على اليسار وفيه واحد قاعد يدخن برا مع اثنين لابسين بدل

قلت تدري ياولد هاذا بيقطع الشك بليقين..

وامر جنبه وأسلم عليهم ويردون السلام كلهم الا الي لابس ثوب وشماغ وعقال
طبعا انا ابي اخذ وعطي بلكلام مع الي لابس شماغ وعقال وبغا افتح
اي موضوع عشان اعرف هو سعودي ولا لا قلت ميدهم ابصرف يعني انا مضيع ابيكم اتوصفون لي

كلهم يتكلمون ماعاد الي لابس شماغ وعقال وقول ميده هاذا شارع العلياء واناظر فيه شوي يوم رد علي
.
اه يابشا ده شارع العليا

طلع مصري

ليش طيب وصلت لدرجه ذي ماعاد فيه سعودين في السعوديه
غصب الاجنبي يصير اسعودي يعني

والله حرام عليهم شبابكـ السعودي بدون وظايف وهو موظف سودانين ويمني ومصاروه وهنود وبنقاليه
وملبسهم الزي السعودي الرسمي حتى مايعرفون يشخصون وشكلهم فاشل وواضح انه اجنبي
يعني لدرجه ذي الزي السعودي رخيص عند صاحب الشركه

حبيت اني اشاركم في هاذا الموضوع

والسلام ختااام