هذه القصة قرأتها في إحدى مواقع البيع وأردت أن أنقلها لكم أعزائي ..
شيء مخيف جدا يبين إلى أي مدى وصل الغش وفوضى العمالة في البلد

قصتي انا ورفيقي في حراج الغنم بالمدينه وكشفي للحقيقه المرررره
والله العظيم يأخوان روحتي كانت صدفة انا وزميل لي في العمل نبي نشتري ذبيحة رمضان الله يبلغناه واياكم وجميع المسلمين ونحطها في المزرعة قبل غلاء الذبايح مشينا وسمنا الذبايح وحنا نسوم لفت انتباهنا احد الاخوة من الجالية ***الرجال ملتحي وحرك من مكان لمكان وحنا واقفين سمعناه يقول ابشتري منك الذبيحتين ب40 ريال والبياع يقول لا اخر سعر بمية ريال قلت لصاحبي معقوله فيه ذبايح بها السعر وش ها الذبايح انا اقول ذبايح صغار بس تعال ورفيقي قدامي رايحلهم المهم تقدمنا شويه عند الشاري ورفيقه البايع المهم دفع الميه الشاري وشال الذبايح صاحبي من النوع الفضولي قال لي والله غير اعرف قصة الشاري وذبايحة جلست اتكلم عليه اترك الناس وانا وراي شغل ماني فاضيلك المهم حبه على الخشم وقالي تحملني تابعنا الرجال جاب سيارة مكتوب عليها اسم المصلخ ركب الذبيحتين وراح وتبعناه شويه الا ووقف عند المصلخ ونزل الذبايح الا كل الثنتين ميتات المهم دخل الرجال المصلخ وتبعناه قلت لصاحبي كلهن ميتات قال كلهن قربنا من الذبايح الا والله العظيم ما يتحرك فيهن عرق طلع الرجال الا معه اكياس حط الذبيحتين في الاكياس ودخل المطعم نظرت في رفيقي.. هولحقه وانا جلست برا.... شوي الا يوم رفيقي زهمني بنغمه على جوالي الرجال في المطبخ وحده وكنه شك فينا المطبخ ما فيه غيرنا خرجت وتصلت على الشرطه في ثواني الا والدوريتين محضره عندنا امسكو النصاب وقربنا على الذبيحه المصلوخه والله يامسلمين الذي لا اله الاهو ماتشوفون لحمها من الدود منظر مقزز المهم الذبيحه الثانيه اختفت اخفاها انا ورفيقي نحلف غير يطلع الذبيحه الثانيه الشاري يحلف والله مافيه غيرها مسكوه العسكر بكفوف الا تطلع الذبيحه الثانيه مع كل الضرب انكر جات دوريه ثانيه وجلسوا يفتشون المحل فوق تحت في كل مكان وبعد ما داخوا لقوها تحت كنب في احد الغرف وحضرنا بطاقاتنا ووقعنا وجات ملحق للدوريه وتصوير للذبايح والمحل ..واحد من الاخوان الواقفين سمع الكلام تقدم للضابط وقاله والله العظيم قبل يومين جبت للمطبخ هذا ذبيحه شاريها ب900 لضيف عندي يوم جاتني ذبيحتي ماهي هي مره صغيره وانا شاك فيه المهم اعترف اخينا انه امبدله بذبيحه صغيره بدال ذبيحته وطلب الضابط منه يلحقهم ويكملون الحضر في الشرطه .. وتم تغريم العامل وحكموا عليه بالسجن والترحيل النهائي..... هذي قصتي انا ورفيقي وعذروني على الاطاله وعدم ذكر اسم المطبخ مو تستر لاوالله ولكن خوفا من تضرر صاحبه وما ابغى اقطع رزقه ( اخوكم / ابو تركــــــي )
منقول من إحدى المواقع الخاصة بالبيع