السلام عليكم ....

مرحبا بالشباب جميعا .....

انا ما ادري الي باكتبه بمثابة تحذير او مهاجمة المهم انها تكون نصيحة انشالله افيد بها من عانوا مثلي .....


في البداية حصلت قصتي من حوالي سنة ووصلت الى ديار وزارة التجارة بدون اي فائدة واليكم التفاصيل ...

قمت بشراء سيارة كديلاك موديل 2005 في نهاية السنة وكان عليها تخفيظ وطبعا قالوا ليي فيها كل

شي مثلا :تلفزيون ودي في دي وجي بي اس ( الخارطة ) ومسجل سي دي وبسعر معقول ...

طبعا كانت تحويشة علشان اخدها وكان حلم حياتي اني اخد كديلاك ... ما كنت ادري انها بتكون اكبر غلطة في حياتي ....

شريت السيارة ودفعت 150 الف ريال علشان اتفاجئ بتعطل التلفزيون في اول يوم اشتري فيه السيارة ..

فقاموا بالأعتذار وقالوا سنصلح العطل وستستلمها في اليوم الثاني فقلت ( انا لله وانا اليه راجعون )...

في اليوم الثاني قالوا ستتأخر لمدة قصيرة وسنعطيك سيارة بديلة ؟؟؟؟؟؟؟؟

اعطوني سيارة بديلة لكن لمدة اسبوعين بدل المدة القصيرة ....

المهم استلمت السيارة بعدها لأتفاجئ بمفاجئة اخرى وهي انه جهازة الجي بي اس لا يعمل في الشرق الأوسط

وطبعا الشباب ما قالوا لي الة بعد ما دفعت ثمن السيارة ؟؟؟؟

المهم قلنا ( لا حول ولا قوة الا بالله ) ويش نسوي بعد .....

وتوكلنا على الله وبعد مشي السيارة ل 30 الف كيلو متر فقط تعطل جهاز الدفرنش ؟؟؟؟؟؟

فرجعت لهم وقالوا سنأخد السيارة ليومين لنتأكد من الدفرنش واعطوني سيارة بديلة بعد ما بح صوتي

المهم بعد اليومين اخدنا السيارة للتجربة واذا بها اصوات غريبة فقالوا الدفرنش معطل ويجب تبديله ؟؟؟؟

يا سلام يا سلام ؟؟؟؟

المهم قلنا ( الحمد لله ولا حول ولا قوة الا بالله ) ....

اخدوا السيارة لمدة شهرين واعطوني سيارة تعبانة بدلها يعني لم اتهنى بالسيارة ابدا ......

المهم توجهت لوزارة التجار وسوف ارفق لاحقا خطاب من وزارة التجارة ......

لأني توجهت لأرفع قضية وتوجهت وكل امل بأن حقي سيرجع لي ...

لم اتمنى اي شي خيالي طبعا ... فقط تصليح السيارة او استبدالها على الأقل ؟؟؟؟

جلس معي الأخ من وزارة التجارة وهو يقول انسى ان تتبدل السيارة ؟؟؟؟

بسم الله الرحمن الرحيم ؟؟؟؟؟

هادي اولها ؟؟؟؟؟؟

وحصلت هذه المحادثة ..

انا : طيب والحل

وزارة التجارة : بنعطيك خطاب تقدمه لهم وتخلي واحد يقابلنا

انا : لكن لي ما في امل اني استبدل السيارة وهي توها جديدة واخترب عليي الدفرنش يرضيك يعني

وزارة التجارة : شوف حبيبي احنا عندنا قضايا كثيرة بالنسبة لشركات السيارة لكن انك تاخد فلوسك او يستبدلوا لك السيارة فأنسى

وزارة التجارة : وخد هذا رقم المحامي حق شركة الجميح

المهم يا شباب توجهت من هناك بالخطاب وانا

ونسيت ما قلت ليكم محادثة صارت بيني وبين الي استلم السيارة وهو من احد الدول الشقيقة ....

لأنه استلم السيارة وبدون ما يتأكد من العداد ولما رحت استملها لاحظت انه عداد السرعة تغير..

ناهيك انه بعد اسبوع لما رحنا بنجرب السيارة لاحظت اقدام قطط داخل السيارة ؟؟؟ اين كانت السيارة واقفة ....

المهم اخدوا السيارة بعد خطاب وزارة التجارة وهم يقولوا ليي احنا مو خايفين من وزارة التجارة ترى ؟؟؟

قلت طيب بس صلحوا السيارة وامري لله ...

طبعا الخرابات بعد ثلاثة اشهر من الأستعمال هي ...

ربلة الزجاجة الأمامية طارت عليي وانا امشي

قطعة في الديكور الداخلي الخلفي انخلعت من مكانها
( صلحوها ورجعت انخلعت من جديد )
الدفرنش طبعا

واشارة ال air bag

حتى اني حاولت ابيع السيارة او استبدلها عندهم قالوا ب 70 الف بناخدها بعد ثلاثة اشهر فقط

المهم في كل مرة اخد موعد حق الصيانة لازم يعطوني موعد قدام اسبوع بحجة زحمة ( وطبعا هالكلام

في كل مرة اطلع موعد لها )

المهم يا شباب انا طولتها شكلي وفي اشياء كثيرة ما ذكرتها ..

بس حبيت انوه انه الكديلاك سيارة ممتازة عالمية لكن الوكيل لما ما يقدر المنتج الي قاعد يسوق له

شقول غير ( حسبي الله ونعم الوكيل )

بالتوفيق للجميع ... اخوكم goldi