15-05-2011, 09:21 PM
|
#1
|
|
مقاطع جديد
رقـم العضويــة: 12805
تاريخ التسجيل: Jul 2009
المشـــاركـات: 14
|
الموتر والتلاعب بالضمان وخطتهم لإلغائه وتحميل العميل الخطأ
السلام عليكم ورحمة الله وبركاته :
احكي لكم اليوم قصه صارت على مع معرض الموتر اللى بالدائري الشرقي بطولة الزول ابو عبدالله والمصري اللى بمركز الصيانه .
ضمان الموتر يكون على المكينة -القير -الدفرنس-المكيف-التهريبات محدود المسافه او ثلاث سنوات .
كنت اشترى منهم سيارات ولا أعترف بضمانهم يعنى ان خربت اروح للصناعية واصلحها بنفسي لان الخرابات ما هي لذاك الحد لين اشتريت من عندهم فورد 500 موديل 2007 للإبن نواف وشغاله زي الحلاوه و مره صار المكيف حار طبعا الابن كان يغير الزيت حسب الاتفاق مع المعرض عند بترومين عشان يكون الضمان ساري .
قلت لنواف رح للكهربائي وخله يزيد الفريون ان كان ناقص , راح عنده وجانى وقال ان الكهربائي يقل ان الفريون ما هو ناقص والمشكله بالكمبريسور ضعيف يبي له تغيير !
قلت فرصه خل نشوف ضمان الموتر وشلون يصلحونه :::
أول ما رحنا لورشة الموتر قال لى المصري الضمان لاغي كذا على طول بدون حتى ما يشوف الاوراق قلت له خير ليه ملغى قال لى ان فيه تغييرة زيت ما غيرتها عند بترومين قلت وخير يا طير هذى الفاتوره معاها قال ابد راسي والف جنى ان الضمان لاغي قلت طيب على خير .
رحت للزول ابو عبدالله فى معرضهم اللى حط الشمس بيد والقمر بيد قلت على السالفه قال لى دام الموضوع كذا فالضمان لاغي قلت يصير خير وأقوم وافك لوحات السيارة وارمي المفتاح عليهم قلت له امرك بعد يومين يا انك تصلح السيارة بالتى هي احسن او ترجع لى فلوس السياره , ولحقها كم كلمة .
بعد الشد والجذب رفع الموضوع للرئيس ووافقوا على اصلاح المكيف اللى قعد عشرة ايام لين جابوا كمبريسور من جده !!!!!!!
السالفه ما هي هنا ......
السالفه يوم صلحوا السيارة ورحت استلمها من الورشه قلت لهم وين كرت الضمان ؟؟
قال لى المصرى انها فى جده عند المركز الرئيسي يراجعونه قلت طيب متى تجيبونه قال يومين كده ,,, بعد اربعة ايام كلمتهم وين المصري قالو لى مسافر !!!!! والى يومكم وهو مسافر ولا احد يعرف عن كرت الضمان شي لا الزول ولا غيره وكل ما جيتهم قالوا لى انه ضايع وما احد يعرف عنه شي ..........
الدرس المستفاد : مثل هالمعارض لا احد يتنازل عن حقه ولو بريال .
لا احد يصدق ان الضمان يكون سارى طول المدة المحدده .
ثالث شي لو الواحد يشترى سيارته بنفسه من امريكا عن طريق المزادات ويسوى لها صيانه بالورش يكون اوفر واحسن .
الرجاء من الاخوة اللى يردون على بقولهم ليش تشترى منهم او تستاهل ما جاك يخلون ردودهم لهم لانى عانيت من هالاشكال يوم مشكلة الازيرا .
|
|
|
|
|
|
|
|
العرض الشجري