ابشركم زبطت اموري تمام اتفقت مع راعي العماره ان الأيجار ينزل بحسابه كل شهر وراعي البقاله لا نزل الراتب نقفل حسابه وراعي المغسله وقسط السياره ياخذونه قبل ماشوف الراتب يعني من الفرن علي طول المهم كله اخر الشهر مصفي قلت ياولد وشوله الخساير نشري محفظه وهي مايطبها شي يعني دايم مغبره بقي بس النت وحلينا ها صرت اروح التحليه هناك افرش كرتون علي الرصيف بين محلات الكفي وخذ تسدح وسميته الرصيف البطران للشباب الطفران وحقين الكفيات يحسبوني مراقب البلديه ورجائي ياشباب لايجي بكرا القي محلي رايح تراي حاله قبلكم بدون إحراج تراه قبل سيدار بثلاث مواصير مقابل فتحة اليو تيرن الي يبي يتكي معي الله يحييه والي يجي قبلي يشوف الكرتون مربوط بماصورة الكهرب يفرشه لين اوصل تراممنوع العوايل وإصطحاب الأطفال تحياتي ملاحضه الي يبي يزبط برنامج حياته وإلا طريق مستقبله حسب الخبره يراسلنا