امس العصر كنت جاي من الدوام قرفان تعبان حطيت راسي ابي انام شوي ويدق جرس الباب قالت المدام فيه واحد عند الباب يبيك لبست قميصي وطلعت له اثاريه راتبي ايوالله تصدقون الراتب قلت له خير يبو الشباب قال علي طول وهو معصب وبعدين معاك انت إلي متي وانت حاقرني حتي مسميني رويتب ياخي إذا كنت ماني مالي عينك خلني اروح ادور واحد غيرك يقدرني قلت مثلك عارف الظروف من جهه وإرتفاع السعار من جهه هي الي خلت الواحد مايثمن كلامه قل اسمع !! يارجال تحترم نفسك وتعدل سلوكك معي وإلا ترا هذي اخر مره تشوفني فيها انا الصراحه تسرعت وقلت له ظف وجهك من زينك راز عمرك والله حتي البنقالي مايعطيك وجه المهم ياالربع انا شكلي تسرعت وندمان علي كلامي وابي فزعتكم شوفو لي حل تكفون ابي لي فكرة مشروع صغير وإلا عمل حليو يحسن دخلي واحفظ كرامتي قدام راتبي الي غلط علي او انكم تتوسطون عنده يرجع ونتصالح بس يتعهد لكم انه ما يهزئني مره ثانيه !!!!!!!!! الله يوفق كل من سعا باالخير ..... تحياتي اخوكم شيخ الطفارا المحترمين