إخواني الأكارم .. أيها الأحرار ...

تسمحوا لي أقول لك .. أحببتكم .. لصدقكم .. أحببتكم لحرية رأيكم في الحق .. أحببتكم للرغبة في التغيير ... أحببتكم لكل هذه الأشياء وأكثر ... أسأل الله لي ولكم التوفيق ..


لدي كلامٌ كثيرٌ لأقوله .. ولكن لعله ليس الوقت الأنسب ( أتكلم عن موضوعي وليس عن المنتدى ) .. خاصة أن هذا هو الموضوع الأول لي ...


يا جماعة الخير ... بدون إطالة .. أنا عندي مشكلة حالياً وحاب آخذ رأيكم فيها ...
عشان أستفيد من خبرتكم ..


أنا أبغى أشتري سيارة جديدة ... والله سامع بالحملة حقكم ومريت على الموقع من وقت ما جا الغلا العام الماضي ... وكنت ناوي أشتري سيارة جديدة .. وفعلاً بطلت وكنت سعيد بالحملة .. وشاركت الناس في المجتمع بنشرها بدون ما أسجل معكم ...


المهم يا جماعة .. جيت السنة هذي .. خلااااااص سيارتي انتقلت إلى رحمة الله تعالى .. شريتها مستعمل وخدمتني ست سنين الله يعطيها الصحة والعافية ...
ومع الاحتياج .. وربي نسيت الحملة .. ونسيت حتى نفسي الله المستعان ...


ورحت زي الأهبل أنتظر العروض الرمضانية .. ولفيت كل المعارض ما خليت معرض ما لفيته ... لين ما ربي هداني للمنتدى الرائع حقكم هذا وساقه إلي قبل ما أشتري .. وبطلت أشتري خااااااااااااصة من تويوتا بعد ماكنت والله ناوي ..



طولت عليكم سامحوني أعتذر <<<< حكيت للناس قصة حياتك الله يهديك !!!


المهم يا إخوان ... الآن أنا ما عندي سيارة ومتعطل ولازم أشتري ..

سؤالي الأول : إذا كنت رح آخذ بالحملة وأحط ( × ) ع الوكالات .. إيش رأيكم باللي يطلع سيارة من شركات التقسيط والتأجير هذي ؟ هل هذا جيد ؟ وهل في شركة جيدة وتخاف الله عز وجل في الناس ؟ ولا كلهم نصابين مع الشلَّة ؟


سؤالي الثاني : لو ما نصحتم بشركات التقسيط .. كيف ممكن يكون في طريقة أشتري سيارة جيدة وممتازة ... علماً بأني والله تعبت من المستعمل ( لي أشتري فيه قريب الـ 15 سنة ) خلاص كرهته وودي في الجديد !!! بس كيف ؟؟


سؤالي الثالث : أكثر شركة شعرت عندها بشيء من المصداقية والراحة .. هي هوندا .. وكنت أسأل عن الأكورد 2010 ... وأعطاني الموظف عرض بس عن طريق البنك الأهلي ؟ فهل تشوفوا إنه هذول كويسين ، ولا مثل إخوانهم ؟


مشكلتي إني ما أقدر على الكاش ، حتى في المستعمل النظيف جدا .. ( الاستخدام الأمريكي مثلاً ) بس أقدر على الأقساط !!


فكيف ممكن يكون في حل لمشكلتي وأقدر أشتري لي سيارة ؟؟

بانتظار آرائكم النيَّرة .. ومقترحاتكم المباركة

ودمتم بخير وسلامة ؛؛؛