اخوكم هذا حياته رز بصراحه الوالد الله يحفظة كان يسميني ابو رز ، لاني بصراحه لو القى سندويتش رز صباح اكلته .

اخوكم برضه له تجارب وصدقوني اكثر انواع الرز جربتها ولا عمري استمريت على نوع واحد مدة اكثر من ثلاثه شهور لازم اغير واذا غيرت الله يعين حتى يخلص الكيس طبعا التجارب اشتري ابو خمسه كيلو ما اكثر علشان ما اورط .

كتبت الموضوع علشان شي واحد وهو مسميات الرز طبعا يصعب ان الواحد يذكر صفاته ولكن بقرب له بامثله :

( ملاحظة الكلام التالي كله من واقع تجربه فقط )

الرز المستورد عندنا يعرف على حسب البلد المنتج ( امريكا - الهند - باكستان ) هذي اللي اعرف يمكن فيه بلدان اخرى طبعا يذكر ان تايلند من اكبر المنتجين ولكن لم اجربه ولا اعلم هل يصل عندنا ولا لا .

1. النوع الامريكي نوع واحد ( المقصود بنوع واحد اي اسم واحد ( رز امريكي) - مثل ( ابو بنت - ابو بنتين - ابو سيوف - ابو سيف - انكل ننز) هذه الانواع واحده الطعم قريب جداً من بعض لا يختلف كثيراً يعني اذا كنت من الناس اللي يفضلون هذا النوع الأرخص وصدقني لا يوجد فرق .
-==== ملاحظة : رز ابو سيوف كان بلد المنتج له اسبانيا والان عدل الى امريكا وهو الاساس في السابق ، كما انه يوجد منه نوع هندي ولكن المقصود هنا الرز الامركي حبه قصيره ====.

2- النوع الهندي :

أ . رز مزه بسمتي : مثل ابو كاس ( اي رز يحتوي كيسه على هذا الاسم فقط يعني ( رز هندي مزه بسمتي ) تجد ان الطعم واحد ولا يوجد اختلاف .

ب . رز سيلا بسمتي : مثل رز الوليمه - الشعلان ( اي رز يحتوي كيسه على هذا الاسم تجد ان الطعم واحد ) هذ النوع مشهور في مطاعم البخارية .

ج . رز مزه بسمتي ابيض : مثل رز تلدا ( يميز هذا النوع ان لونه ابيض وكما ذكرت اي رز يحتوي كيسه على هذا الاسم تجد الطعم واحد ).

د . رز بنجابي : مثل بنجابي المهيدب ( يتميز هذا النوع بنكهته ولونه الابيض ).

هـ. رز بسمتي عنبر : مثل رز باب الهند او رز عنبر بوه .

3. النوع الباكستاني : اعرف نوع واحد هو (كرنل) طعمه جيد ويستخدم عادة لعمل البرياني .


=========
ماكتب اعلاه كله من التجربه وحتى تحصل على اختلاف في الطعم والنكهة لابد ان تنتقل من نوع الى اخر حتى تحس بالفرق يعني ( من مزه بسمتي إلى رز سيلا او بنجابي او عنبر ) هنا تحس بفرق في الرز اما اذا كنت تأخذ من نفس النوع فصدقني انك تجد ان الطعم واحد .

مادعاني لكتابة هذا الموضوع هو للتسهيل لاختيار نوع اخر من الانواع التي تفضلها والتي ارتفعت اسعاره حالياً .

في الاخير شوف ايش مكتوب على الكيس حق الرز اللي تستخدمة تلقاه خلف الكيس او تحت اسم النوع اذا سعره مرتفع روح شوف نوع سعره مناسب لكن لابد ان يكون نفس النوع وجرب وتلقاه ان شاء الله نفس الشي او افضل باذن الله .


قايل لكم حق رز .