مشكلتي مع سيارتي اللومينا

**remixan** · 19-11-2009, 04:01 PM

السلام عليكم ورحمة الله وبركاته

اخواني و الاداره القائمه على هذا المنتدى ،، ارجوا منكم المعذره اذا طرحت موضوعي في غير محله المناسب لكن من باب البحث عن افضل استشاره ومساعده منكم تم طرح موضوعي هنا لعلي اجد احد الاخوه قد مر بنفس مشكلتي و يفيدني بالحل

القصه كالتالي و بسردها بالعامي افضل

سيارتي لومينا موديل 2002
عندي فيها مشكله كانت في يوم من الايام بسيطه ،، لكن الان تطورت المشكله وصارت صعبه
المشكله كانت لما اروح اي مشوار و اطفي السياره و ارجع اشغلها بعد خمس دقايق او حتى بعد ساعه ما تشتغل ،، وحتى تشتغل لازم اقفل الباب بالريموت و افتحه مره ثانيه و ترجع تشتغل على طول ،،
رحت فيها لورشه و فحصوها بالكمبيوتر وقالوا المشكله مع الحساس و قيمة تصليحه 900 ريال

تطورت المشكله و صارت السياره ( تتف تف

) وبعدها تطفي و انا اسوق ،، ترجع تشتغل لكن تتم معاي 5 دقايق بالكثير وبعدها تطفي نهائي و بعدها ما تشتغل الا بعد 12 ساعه او حتى 24 ساعه
توقعت مشكله الـ ( تف تفه ) من الطرمبه ووديتها و رشه و قال الطرمبه سليمه ميه ميه
لكن قال لي المهندس مشكلتك في الـ ( ريموت السياره )

قلت بسيطه
ورحت على محلات العمودي ( الدمام ) وقلت غيروا الريموت
لكن للاسف ماقدروا يبرمجوا المفتاح ،، يقولون الكمبيوتر مو راضي يتعرف على المفتاح الجديد

ارجوكم يا اخوان اللي عنده حل يدلني عليه
انا طقت كبدي من هالسياره
وحالتي الماديه ماتسمح لي اني ابيعها و اشتري سياره جديده

واعذروني ان كان موضوعي في غير محله

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
الانتقال إلى العرض العادي الانتقال إلى العرض المتطور العرض الشجري