في بداية شهرمحرم تقريبا1\1430هـ اتصلت علي مرأة وقالت أن اسمي مرشح عندهم
بأن يعرضوا علي منتج شركة تجميل بيولورbiolor
وأصرت بأن تعرض علي المنتج
وطريقة العرض مغري
وقالت بأنها ستعمل لي برنامج تنظيف بشرةيكلف تقريبا1000ر
ولكن مقابل موافقتي للعرض ستنظف بشرتي مجاناقلت يابنت فرصة خلني اجرب
وانا مافنيتي أشتري أصلا...!!
والغريبة إنه مواعيدهم في عز الظهر أو بعد المغرب !!
المهم جاتني الأخت س2في الظهر
كان الوقت غير مناسب
وبدأت تشرحلي المنتجات
وقبل لاتبدأتنظف بشرتي قالت إذا تشتريها أعملك البرنامج كامل
وفرصتك فقط الآن
قلتلها طيب ليين تتوفر الفلوس عندي على الشهر الجاي
رفضت وقالت لااااازم الآن حتى لوتاخذي الصابون وإذا أخذت الصابون لااازم تشتري
المنظف الي بعده ...لأن المياه اللي بنغسل فيها ....المهم..خرااابيط..الخ
وقيمة الصابون بالمنظف 300ر هذا أقل شئ
وقالت مواصفات عديدة للصابون مماجعلني أوافق!!
المهم واشتريته
وقالت اني أعطيهارقم ناس تعرض عليهم
الغريب إنه أخذت الفلوس واعطتني سند عليه طويل وعريض
وراحت وقالت بارسلك السائق بالمنتج
راحت وخفت ماترجع!!
بس الحمدلله جا السائق وأحضر البضاعة
المهم لاأدري ماذا يرجع المنتج
بيولور من أدوات التجميل
made in switzerland
أرجو إفادتي أين هذه البلد وهل تقاطع؟؟
وبعد أياااام اتصل رجل قال
إحنا شركة دولية
اسمك مرشح عندنا من قبل أخت(...)
عندنا عرض لمكنسة كهربائية
ولكم هدية طقم قدور مجانا إذا اشتريت
وإذا ماشتريت برضه لي هدية
مقابل اني قبلت العرض
وشرط نكون أنا وزوجي
المهم جا الرجال
وعرض المكنسة
أنا خبلت من العرض
مفيدة للي عندهم حساسية في الصدر
ملطفة للجو
تنظف الستاير والجدران والزرع والنجف
وشال تراب من مخدة بنتي ..انبهررت!!
وتنفخ بالونات
و......المهم أنا بأعرضلكم ترويج
لكن خبلت أمام العرض
وقلت في نفسي لااااازم اشتريها
انصدمت بالسعر!!
10000رتقريبا
لكن بعد الخصم 9000
وممكن بالتقسيط المريح
الدفعة الأولى لااااازم 2000ر
وكل شهر1200
وقال انه عشاننا بيننا وبينه بدون ماتعرف الشركة يقسطلنا الألفين كمان
في البداية قلنا كيف نشتري وعندنا ديون لازم نسدد ديوننا أول
قلناله مانقدر نشتري
قال فرصتكم الآن العرض ولا بعدين مافش !!
والهدية مقابل العرض
طلعت سكاكين !!
المهم قلت صحة أولادي أهم من الفلوس
والفلوس تروح وتجي
ودفعت القسط الأول
وقال حنرسلكم مندوب يعلمكم عليها
وأخذ أرقام ناس أرشحهم للعرض
ولما سألته عن الشركة إش صناعتها
قال أمريكي!!
صدمت!!
بعد ماراح وانا بس أفكر
كيف اشتري أمريكي وأنا أنصح الناس بالمقاطعة
ومااستخدمت المكنسة
وهو قال إذا بإمكانكم تردوها بعد أسبوع إذا ماعجبتكم
المهم بعد أحداث غزة قلت لزوجي اتصل على الرجال
وقله مانبغاها!!
وراحله زوجي ع المقر
يقول زوجي المكان مخيف
فيلا ماعليها لوحة ولا شي
ظلمة غريبة !!
ناس كأنهم عصابة!!
يقول حمدت ربي إني رجعتها!!
المهم انتبهوا من الشركات الوهمية اللي بتدور في البيوت
وهذا الخبر من المدينة المنورة
15-01-2009, 05:06 PM
شركات وهمية تقتحم منازلنا
العرض الشجري