ماذا أفعل؟

**azeez55** · 15-08-2008, 05:13 AM

السلام عليكم ورحمة الله وبركاتة

الشغالة عاملة إضراب بعدم الشغل حتى ارفع أجرها الى 1000 بدل 800 ماذا افعل هل اردها للمكتب مع اني تجاوزت مدة تجربتها.
لها تشتغل عندي 10 شهور دلوني ماذا افعل ؟ مع اني كلفتني الشئ الكثير حتى حضرت....!

**مقاطعهم&حارقهم** · 15-08-2008, 02:26 PM

الله يكون بعونك

شكلها تاثرت بموجة ارتفاع الاسعار فرفعت اسعارها مع من رفع

اعتقد مالك حل الا انك تزيدها اذا كانت تستاهل طبعاً بس مو مثل ماطلبت هي

يعني زيدها خمسين او مائة ريال ( حل وسط ) وفك نفسك من دوامة ومشكلة لها اول مالها آخر

وربي يعينك

**alzuhary** · 15-08-2008, 02:43 PM

حياك الله

انا حصلت لي نفس مشكلتك بس كانت تبي تسافر .. فكلمت المكتب وقلت لهم عن المشكلة قالوا لي خلها تتصل فينا

والله يا اخي بعد المكالمة تغيرت 180 درجة وقالت ما عاد تبي تسافر واصبحت مثل العسل

الصراحة ما ادري ويش قالوا لها لكن ربما انهم هددوها بعواقب السفر وتبعاته أو شي من هذا القبيل

لا تترد بالاتصال على المكتب دون علمها وتخبرهم بالمشكلة ، وبعدها تخليها تكلمهم وهم يدبرون أمرها

طبعا خادمتي لها سنة وعليها يعني لا تهتم بانها تعدت وقت التجربة

ولا تنسى تقول لنا عن الي يحصل بعد المكالمة .. والله ييسر امرك

تقبل مروري

**جمرة غضا** · 15-08-2008, 02:51 PM

ودها للمكتب تاخذ لها كلمتين يمكن تعقل
لن بينكم عقد براتب محدد لمدة سنتين مالها اي حق بمطالبة لرافع راتبها

لكن المشكلة لو كانت تعرف من احد من اللي يسترون ويشغلون الخدمات الهاربات هنا الخوف تهج منكم .
علشان كذا
امنع اي خدامة تدخل بيتك او هي تطلع من البيت < يخربون بعض
اي اتصال تقول امي ابوي زوجي تراها تضحك عليكم لا تعطونها التلفون
ويعينكم مشاكلهن اكثر من نفعهن

**نورة** · 15-08-2008, 08:19 PM

الحل زي ما ذكر الأخوان اتصل بالمكتب اللي استقدمها يسنعها وربنا يعينك ويبطل نواياها الشريرة ويجعل تدبيرها في تدميرها ..
والله مشكلة الشغالات مشكلة الله يخارجنا منهم ...شغالة أمي الأندنوسية ممتازة بس صرحت قبل فترة لشغالتنا الثانية وهي من جنسية أخرى وأقدم منها وبيني وبينكم أخلص منها المهم صرحت بانها تنوي الهرب بس تبغى الكفيل يعطيها رواتبها المتبقية " حوالي 5 شهور" عشان تهج لأن أختها اتصلت بها وقالت لها لا تخافين راح يكون راتبك أكبر" وسوف تتدبر أمر هروبها علماً بأنها تستلم 1100" ومرتاحة تقريبا ، لكن والله جد خايفة انها تسويها ، ...و بدأنا نحتاط منها أكثر من أول وربنا يستر علينا..
مع العلم بأنها أخذت سنتين وسافرت ثم رجعت وستكمل السنة الثالثة في رمضان.

جنس الله يصرف أذاهم عنا ....

**لاتدف** · 15-08-2008, 10:16 PM

تبي الصدق حسب علاقتك بالمكتب لكن لو انا بمكانك ازودها ميتين وافتك من هالمشكله عارف ليش لان الطاسه ضايعة كما انك رح تخسر اكثر لو سفرتها فيه حل اخير هو اعلن عنها في الجريدة ورح ينكبوا عليك البشر يبغونها وبيع غقدها وافتك منها