ليش انتم زعلانين؟؟

**مقاطع نستلة** · 25-08-2007, 05:13 PM

سلام عليكم صباح الخير جميعا للي يقرأ بالصباح
ومساء الخير للي يقـرأ بالمسـآء

اخواني اخواتي اعزائي ابارك لكم جهودكم الطيبة في مقاطعة كل من يتلاعب بالاسعـآر

بس انا عندي وجهة نظر الحين ........ لازم الاسعـآر ترتفع

هذا شي طبيعي يعني الشيبان يسولفون لنا انه على ايامهم كان النعيمي((نوع من انواع الغنم)) بـ30 ريـال وخيشة الرز بـ5 ريـآل وانه 80 ريـآل تعيش البيت شهر كـآمـل.. الكلام هذا قبل 40 الى 50 سنه خلت

ارتفاع الاسعار والتضخم شي طبيعي ولازم ترتفع الاسعار لانه مو الاسعار اللي ترتفع في الواقع قيمة الريـآل هي اللي تهبط عرفتوا ليه ترتفع الاسعـآر؟؟؟؟؟؟!!!!!!!!!!!!

المعادلة بسيطة يا اخوان الريال تقل قيمته = الاسعار ترتفع = الدوله تزود الرواتب

بس المشكله ان رواتبنا ما زادت

الحل الوحيد انه تزود الرواتب 50 بالميه عشان نقدر نعيش ,,,بس

او ان الريـآل ما يربطونه بالدولار دهورنا الدولار هذا... سوو مثل الكويت سلة العملات...

بس لا حيـآة لمن تنـآدي

هذا وانا ما انكر ان فيه تلاعب وزياده بالاسعار واهمال من وزارة التجـآرهـ بس مو بالشكـل اللي حن متصورينه .......

كلمة اخيـرهـ

ابارك لكم جهودكم والى الامام وانا تراني مقاطع معكم ........

**حتف** · 25-08-2007, 05:17 PM

اقتباس:

المشاركة الأصلية كتبت بواسطة خادم الحرمين مقاطع نستلة

ابارك لكم جهودكم والى الامام وانا تراني مقاطع معكم ........

هذا أهم شيء ..

الباقي بعدين نتفاهم عليه .

**جمرة غضا** · 25-08-2007, 05:46 PM

ليش كنا زعلانين
علشان ماعشنا بزمن الخيشه ام 5ريال
وسلامتكم

**دكتور على بند اجور** · 25-08-2007, 06:28 PM

مقاطعتهم
هههههههههههههههههههههههههههههههههههههههههههه

تصدقين انتي لازم تواجهين الوزير احس انك انتي اللي بتاخذي بحق الوطن منه

واخووي العزيز الظاهر انك مشالله عليك بخير ونعمه ومطحطح ولا بالله فيه دكتور على بند يستلم خمس الاف حتى الدكتور المصري ابو اقامه بسبع الاف

سأقاطع · 25-08-2007, 06:40 PM

يزيدون الرواتب 50%

؟؟؟؟؟؟؟؟؟

**سالم 2008** · 25-08-2007, 06:48 PM

صدقت الغالي بس الحين مطيرين الاسعار وانا اخوك

حيل رافعينهن ولو مارفعو الاسعار فوق الخيال كان ماصار هالموقع

والله يجزاكم خير

**فارس زماني** · 29-08-2007, 12:36 PM

قمت بتحرير الرد

قهوة الصباح

**ابو ماريانا** · 29-08-2007, 12:46 PM

قد يكون في كلامك نوع من الصحة في امور

ولكن الكل استغل ذلك و اصبح رفع الاسعار لمجرد ان كل شي ارتفع !! بدون اسباب ولا مبررات

ارتفع كذا ، اذا نحن نرفع ايضاً !!

**ابو مالك** · 29-08-2007, 01:09 PM

اخوي ابد لازعلانين ولا شئ ولكن يوم كان النعيمي 30 كان راتب العسكري 300 ريال يعني 10% من راتبه قيمة ذبيحه .

اما الان فراتب العسكري 3000 ريال او يمكن اقل والنعيمي من 700 الى 1000 ريال يعني اكثر من 25%

ابد مانزعل يزيدوا الرواتب حتى ترجع نفس النسبه و نقولهم مشكورين بعد .

**المراقب العام** · 29-08-2007, 01:11 PM

اقتباس:

المشاركة الأصلية كتبت بواسطة حتف

هذا أهم شيء ..

الباقي بعدين نتفاهم عليه .