نار في نار والشعب انهار

**جمرة غضا** · 25-08-2007, 10:16 AM

السلام عليكم

صباح / مساء الخير

بدون مقدمات .. كما جات

لكم ونيابة عنكم اقول :

doPoem(0)

يالله .. يالمعبود .. يالنافـع .. الضـار

ياللي علـى امـرك تستخيـل المخيلـه

بامرك تسوق الريـح خيـرات وامطـار

تحيـي هشيـم القـاع ويسيـل سيلـه

يالله .. بوجهك عـن صودايـف الاقـدار

يالواحـد اللـي كلـنـا نلتـجـي لــه

يالله .. تلطف ستـر ستـرك يـا ستـار

مـا عـاد باقـي فـي يدينـي وسيلـه

افكار .. تقبل بـي وتقفـي بـي افكـار

ولاهـو بغـادي فالطـريـق الدليـلـه

صـدري غـدا بـه مثـل نقطـه ودوار

هموم تقفي عنه .. واخـرى تجـي لـه

كنـي علـى تفصـيـل الاخـبـار رادار

سمعت واللي شفـت انـا اشيـا مهيلـه

كلـه سبـب زود المعيشـه يالاخـيـار

والزنـد يقـدح فـوق خشـم الفتيـلـه

لا والله الا ولعـت نــار فــي نــار

عـزي لكـم ياهـل الفلـوس القليـلـه

لعبـه محاكـه بالخفـا بـيـن تـجّـار

وعذر الموزّع .. ( زاد سعـره وكيلـه )

من عقب الاسهم .. ضاع مشروع الاعمار

وقصرت يديـن اهـل اليديـن الطويلـه

ضحايا الاسهم ..( نصهم ) راح للشهـار

(والنص الاخر ) .. عاش عيشـه ذليلـه

والشعب هلّ الدمـع مـدرار .. مـدرار

كنّـه علـى وهّـاج حــام المليـلـه

ما عـاد يقـدر يدفـع قسـوط واجـار

والهمّ .. ياكل مـا بقـى مـن حصيلـه

ماهيـب ملّـي صـارت القصـه امتـار

وكبـد المعنّـى مـن غثاهـا عليـلـه

حتى البهايـم تشتكـي رفـع الاسعـار

زاد ( الشعيـر ) ويـن تلقـى مثيـلـه

تكفى يا ابو متعب تـرا شعبـك انّهـار

وضعـه تـردّا والغـلا شــد حيـلـه

قايـد مفـدّى عنـد شعبـك وبيـطـار

يالقايـد اللـي مـا رضيـنـا بديـلـه

يا حـر ياللـي جاذبـك ماكـر احـرار

مالـك مكـان إلا بــراس الطويـلـه

لا جـات عنـدك تنتهـي كـل الاشـوار

يصنـع لـك الممكـن مـن المستحيلـه

عاين بالعين العطف وتشـوف الاضـرار

شـوف الغـلا اللـي مبتلينـا بميـلـه

يا سيـدي حنـا لكـم وقـت الاخطـار

عون ٍ على الشـدّه .. سيـوف ٍ صقيلـه

حنـا قبايـل .. بـس لا ثـوّر غـبـار

من دوم عـرض الـدار نصبـح قبيلـه

مـن دونكـم حنـا متاريـس وجــدار

يـوم العميـل يخـون رفقـة عميـلـه

والله يديـم الامـن وطـوال الاعـمـار

والله يحفـظ الـدار واهـل الفضيـلـه

وسلامتكم جميعا ,,
منقوله من شعر الشاعرجزاء البقمي

**المراقب العام** · 25-08-2007, 11:22 AM

**أتعبتني جروحي** · 25-08-2007, 11:25 AM

صح لسانك
يقول المثل ضربتين في الراس توجع واحنا مساكين ترتفع الاسعار وترتفع معها ضربات الراس اييييييييييييييييه كم ضربه على راس المواطن؟

**ناصر** · 25-08-2007, 01:11 PM

تسلم ايدك على النقل

السمين · 25-08-2007, 02:41 PM

صح لسانك ولسان قايلها

**دكتور على بند اجور** · 25-08-2007, 02:43 PM

صح لسااااااااااااااااااااان الشاعر ولو تنفع القصاايد نجيب تركي الفين للمنتدى ونخليهاا مساعي للردع المراعي

**الساهر1** · 25-08-2007, 03:35 PM

صح لسسسسسسسسسسسسسسانك

على الجميع المقاطعه بالوقت المحدد ادناه:/

**مقاطع الله لا يعوق** · 25-08-2007, 03:50 PM

صح لسان الشاعر بس بشروا الشاعر ان المراعي بكره راح تسلفه عشان نرحمهم

وبتفهم المراعي ونستله اننا اقوى منهم