مطاعم الوجبات في الكويت

**LunarDream** · 02-02-2008, 08:04 AM

السلام عليكم يا اخوان
ثلاثي نجوم امريكانا في الكويت رفع اسعاره بلا حرج و بدون حتى اعلان!! يا اخوان انا من الناس اللى عشت في امريكا و تعودت احفظ اسعار الوجبات (لزوم الغربة و التقشف) و لكن ليما رفعوا الاسعار في امريكا وضعوا لافتات و اعتذروا عن الرفع و برروه بحجج مقنعة.
ولكن اصحابنا في امريكانا ما يعرفون اصول البزنز شكلهم. يرفعون و لا كأنه في شي غلط و طبعا الموقف هذا صار معاي من قبل 3 سنين ليما عديت على كنتاكي سيئ الذكر و طلبت و لاحظت انه زايدين سعر الوجبات بمعدل 100 فلس فسئلت و اتصدم الكاشير ليما شاف انى عارف الاسعار و حافظها. يا ناس وجبة الكولونيل اللي هي صايرة شبه سرية في كنتاكي لرخصها (وجبة همبرجر لحم) و ماكان يدري عنها الا العمال و البنغالية واحنا الشباب لانها وجبة كاملة بسعر 750 فلس!!! تدروا ليما اعرفوا الناس فيها عملو حبايبكم ايه؟ رفعوا فيها الي 950 فلس و وصلوها لي دينار و 150 فلس!! شوف الحرامية!!!
هارديز اللي كان محد يأكل عنده ليما فتح ماكدونالدز و برغر كينغ كان سعر وجباته ب دينار و 150 فلس, تخيلوا كم وصلهم الحين؟؟..... دينار و نص.
ماكدونالدز تحداهم في البوق و لوحة الاسعار زي ماهي في خدمة السيارات (فرع جنوب السرة على سبيل المثال) مايغير فيها شي و ليما توصل الكاشير تسمع بالسعر الجديد, زيادة 100-200 فلس!!! ناس ماتخاف الله!!

abuhisham · 02-02-2008, 09:21 AM

يعني النصب و الإحتيال مو بس عندنا في السعودية؟؟

بس ملاحظة صغيرة ... المطاعم الأجنبية من السهل مقاطعتها و إستبدالها بمطاعم وطنية .. على الأقل تضمن مصدر الأكل و جودته.

الله يكون في عون الجميع.

**كاش** · 02-02-2008, 10:54 AM

ما قصرت LunarDream .. الله يعطيك العافيه .. وهذي دعوه للي يزور الكويت ونصائح من اخونا LunarDream حول الاماكن اللي رفعت اسعارها واللي متقيده بالاسعار المحدده .. ما قصرت

**حبر قلم ازرق** · 23-02-2008, 11:36 PM

الامريكان شاطرين في حقوق الانسان ويحترموها ماعدى حياته يعني اتمنى ان يضمن المقتول حقه او يطالب ورثته او اي شي من هالقبيل روحك هديه لاي واحد سواء فيه حاله نفسيه او سكران او مليونير ومو مطالب انه يعتذر حتى لاكن في رفع السعر او ان تجد ذباب في كوب القهوه فانه يجب عليهم الاعتذار مع مبلغ وقدره

**ابو بندر** · 18-03-2008, 01:12 AM

الجشع موجود في كل مكان