ال 5% هي بدل مثل بدل النقل وغيرها من البدلات وليس لها علاقة بالراتب الاساسي الا انها ستكون نسبة منه فقط ولكنها لن تضاف على الاساسي وستكون ضمن البدلات.

مثال توضيحي:

اذا راتبك 4000 ريال (هذا الاساس)

وتستلم شهرياً 400 ريال بدل نقل

سيضاف لك في خانة البدلات مع بدل النقل شي اسمة (بدل غلاء معيشة) وهو 5% من راتبك الاساسي

اذا راتبك 4000 ريال بيكون بدل غلاء المعيشة هو 200 ريال

وهذي ال200 مالها علاقة في راتبك الاساسي ولن تدخل فيه بل ستكون مع البدلات الشهرية

الفرق بين بدل غلاء المعيشة وبدل النقل ان الاول لمدة 3 سنوات فقط وبعدها ينقطع (ماعاد يجيك ويرجع دخلك مثل اول) اما الثاني والي هو بدل النقل معاك على طول.

ارجوا التفرقة بين البدل والزيادة فما تم الاعلان عنه هو البدل اما الزيادة باقي ما اعلنوها

انا الي استغربه هو تحديد (البدل) بنسبة مئوية وليس مبلغ مستقطع لان كذا فيها ظلم الي راتبة 15000 يجيه بدل 750 ريال والي راتبة 3000 ريال يجيه بدل 150 ريال وانا متأكد ان ابة 3000 ريال احوج من ابو 15000 ريال.

كان المفروض ان البدل يكون ثابت يعني مثلاُ 500 ريال لجميع الموظفين كبيرهم وصغيرهم مثل بدل النقل وغيرة.

وهذا تأكيد لكلامي

وزارة المالية : بدل غلاء المعيشة تحسب من الراتب الأساسي ولا تتضاعف خلال السنوات الثلاث

الرياض (سبق) أيمن الغامدي :
علمت (سبق) أن الزيادة التي أقرت مؤخراً في رواتب موظفي ومستخدمي ومتقاعدي الدولة بنسبة 5% تحت مسمى بدل غلاء معيشة ولمدة ثلاث سنوات كبدل ثابت ليس لها علاقة بالعلاوة السنوية ولا تتضاعف خلال السنوات الثلاث .

جاء ذلك في توضيح من مصدر مسؤول بوزارة المالية بعد تداول مواقع ومنتديات الانترنت لموضوع الزيادة وكيفية حسابها ، حيث أوضح المصدر أن الزيادة تحسب من الراتب الأساسي ولا علاقة لها بالعلاوة السنوية .

http://www.sabq.org/inf/news.php?action=show&id=4702

.

.

حاسبينها صح

(فتات )

رخص واستمارات وجوزات اقامة

وعشمنا نفسنا قلنا نصبر ثلاث سنين وتصير15%

لو انهم ساكتين احسن لهم

قهرونا ومسخرونا بين الخلق

المشاركة الأصلية كتبت بواسطة مقاطعتهم&حارقتهم

وعشمنا نفسنا قلنا نصبر ثلاث سنين وتصير15%

وعلشان كذا لا عاد تعودونها وتعشمون انفسكم بأي شي

اللهم اكشف هذه الكربه عن المسلمين

هناك تحليل آخر ومنطقي بعد
كلمه 3 سنوات تعني الوقت الذي يتضاعف فيه البدل
يعني السنه الأولى 5%
الثانيه 10%
الثالثه 15 %

بعد الثلاث سنوات ينتهي تضاعف العدد وتبقى في راتبك
يعني العدد يتضاعف كل سنه لمدة 3 سنوات وبعدها خلاص يتوقف التضاعف
ويبقى البدل مثله مثل اي بدل آخر موجود في راتبك مايشيلونه

بدل بالتقسيط المريح ؟؟؟؟؟؟؟؟؟؟

لا حول ولا قوة الا بالله