العيديه في مطاعم الهدوج بـ 1200 ريال

**محايد ومقاطع** · 13-10-2007, 04:24 PM

توجهت كعادتي السنويه في الاعياد لمطاعم الهدوج التي يزعم موظفيها قبل ملاكها انهم يحاربون الغلاء واستغلال العملاء وكان املي ان اجد عندهم بغيتي ( ذبيحة العيد ) ككل سنه ، الا اني صعقت عندما افادني الموظف انه لايوجد لديهم سوى ذبائح كبيره فقط بمبلغ 1200 ريال !!! او ذبائح المندي وعندما اجريت اتصالاتي وجدت في مطاعم اخرى اكثر من خيار وبأسعار منافسه للهدوج.
وسؤالي هو هل مطعم الهدوج لم يجد في السوق الا هذه الذبائح الكبيره واذا كان كذلك فكيف وفرها غيره من المطاعم ، ام ان الهدوج لا زال مصرا على كذبته الكبيره بأنه يوفر امهر الطباخين السعوديين .
عموما انكشف القناع وطهر الاستغلال جليا يامطبخ الهدوج اقصد ( مطبخ بنقلاديش )

**جمرة غضا** · 13-10-2007, 06:00 PM

اغلب المطابخ تغيرت اسعارها
وان جيت على طبخ تراجع كثير

عندك مطاعم المنجف الذبيحه1000للثني
الهريفي 850
لكن خذ طبخ مظبوط وذبايح تواجه

**مقاطع من الجبيل** · 14-10-2007, 03:06 AM

يارجال لقوا ماعندك احد

العالم تدفع ماتكاسر وتلقاه يرفع على هواه

شكرامقاطعه لتوضيح المطابخ وعدتم على العيد

**مغلواني** · 29-02-2008, 04:53 PM

يارجال كلهم حراميه بس الهدوج حراميه ومدعين انهم الاحسن

**جمرة غضا** · 11-09-2008, 03:06 AM

عيد بأي حال عدت يا عيد
هالسنة الهدوج وصل الثني للـ 1400 ريال

ولا ينقص ولا ريال سواء ذبيحة او اكثر
وش هالحاله !

,,,,,,,,,,,,,,,,,,,,,,,,,,,,,,,,,
المنجف الهرفي (كبر الكتكوت) 1000 ريال

.,,,,,,,,,,,,,,,,,,,,,,,,,,,,,,,,,,,,,
اللي يعرف مطبخ زين وارخص من هدوج يعلمنا

**alzuhary** · 11-09-2008, 03:05 PM

من لم يقدر على اسعار الاضاحي لا يضحي فقد ضحى عنه الحبيب صلى الله عليه وسلم
(اللهم أن هذا عني وعن من لم يضحي من أمتي )

أما المستطيع فعليه أن يتوجه لسوق الغنم ويترك عنه المطابخ لأنها غالية .

**الرئيس** · 11-09-2008, 04:18 PM

ارفع ايديك انت سعودي

**booky** · 22-10-2008, 09:30 PM

يعني الحين الرز ارتفع من 140 ريال الى ما يقارب 400 ريال و قيمة الخروف ارتفعت من حوالي 550 الى 850 و المحلات زادت ايجاراتها و اقل زيادة بمعدل 25 % و تبي تقنعني ان صاحب المحل يقول معليش كلش يهون في سبيل الزبون !!!!!!!!!!

يا اخي حتى سلم الرواتب ما بقى على حاله كلش زاد

و لازم تعرف ان الاجانب اللي كانو في السابق من المستضعفين في الأرض اصبحو يركبون افخم السيارات و يأكلون في أفخم المطاعم تدري ليه ؟؟؟ زاد معدل دخلهم

و انا من وجهة نظري ان الشخص اللي ما تناسبه الأسعار يترك المطعم و الله لا يهينه يخلي مكان للآخرين ..... و ترى السالفه مهوب رفع أسعار من راس صاحب المطعم

انت حط نفسك في مكانه

يا اخي حتى ابسط المواد الأوليه زادت مثل الملح و الزيت و الكثر و الكثير

لا نجلس نكثر حكي و حنا مو داريين وش اللي حاصل

اختتم بقصة قالها لي راعي محل ان راعي العقار زاد عليه الايجار من 60 الف إلى 100 الف بالسنه
تبي و إلا اطلع من المحل !!!!! ويش بيسوي المسكين ؟؟ و يوم يبي دجاج عشان يبيع للناس قالو له لا و الله الدجاجة اللي كانت بـ 7 صارت بـ 9 و في النهايه هو الغلطان عشان ليه يرفع الأسعار يعني يبيع بخسارة عشان يصير احسن واحد و يرضيكم صح ؟؟؟؟