تويوتا ... الفرق بس في الصدام وفرق السعر 10000 ريال

**كاش** · 16-09-2007, 07:51 AM

جي إكس .... جي إكس آر ... في إكس ... في إكس آر ... لكزس 470 ... كلها نفس البدي والمكينة والشكل ... لكن الفرق ... صدام .. أنوار ... جلد داخلي ... أنوار خلفيه ... والمهابيل يطبلون .. اللي يقدر يدفع كاش ... ما عنده مشكله .. واللي يروح للاجار .. والتقسيط تفرق معه .. صحيح ان الواحد لازم يمد لحافه على قد رجلينه ... لكن برضوا الواحد يحب يونس نفسه بشي ولو بالاقساط .. عموما ... لعب على الدقون .. والفرق عشرات الآلاف من الريالات بين السيارات .. والمصاريه المدراء امتلت جيوبهم .. والسعوديين اللي في التسويق .. محلك راوح .. ويبقى النصب شعار .. محمود جميل ... قولوا لي انت غلطان اذا كنت غلطان .. وسلامتكم.

**ابوانس** · 17-09-2007, 11:54 PM

كلامك 10000%

**معاً ضد الغلاء** · 29-09-2007, 01:55 AM

اقتباس:

محمود جميل

كل كلامك سليم 100%
بس الاسم هو محمد عبداللطيف جميل الاندونوسي

**ولد السوق** · 05-10-2007, 12:27 PM

شكرا حبيبي

ولكن الفي إكس 8 سلندر والجي إكس 6 سلندر

وبحكم التجربة الثمانية أوفر في البنزين!!

وفي نظري البرادو أفضل منها وأرخص وأجود بكثير

**ابو المكارم** · 09-10-2007, 05:10 AM

100% صحيح .

**al 7azeen** · 19-10-2007, 11:25 PM

أخي الكريم
أنت تقول أن الفي اكس والفي إكس آر والجي إكس والجي إكس آر واللكزس 470
كلها نفس البدي والمكينة والشكل ... لكن الفرق ... صدام .. أنوار ... جلد داخلي ... أنوار خلفيه

اسمح لي أقول لك أنت غلطاااااااااااااااااااااان
نفس البدي والشكل صح عليك
لكن الفرق بقوة المكينة
والنشاط
بعضها 8 سلندر وبعضها 6 سلندر

وفيه إختلافات كثيره
يعني اللكزس أغلى شي وذالك يرجع لأنه لكزس
ولأنه فيه مميزات وأشاء تخليه أغلى من الفئات الباقيه

أما بالنسبه للفكس آر
فيه أشاء ماتلقاها بـ باقي الأنواع الثانية

كلامي هذا ما يعني إني أدافع عن جميل

بالعكس

بس أنا حبيت أفهمك وبس

أما بالنسبه للأخ ولد السوق اللي يقول البرادو أحسن
يعني أنا أبغى أعرف
من وين عرف السيارات
إذا البرادو أحسن من اللاندكروزر
فأنا أهنيك صراحة بخبرتك هذي

**ابو اياد الشهري** · 12-11-2007, 09:23 PM

معلومات خاطئه جدااااااااااااااااااااااااااااااااااااااااااا ااااا

بالنسبه للجي اكس بجميع فئاتها كلها 6 سلندر

اما الفكسار كلها 8 سلندر

لا مجال لمقارنة جيب اللكزس بها السيارتين لانها فخمه وتحتوي علي مواصفات
تختلف كليا عن السيارتين ولن اكتب عنها لانها معروفه

طبعا الاشياء اللي تفرق في الجي اكس والفي اكس كلها اختياريه مثل
الدفلك (الهزاز)
ونش امامي
فتحات السقف
الجلد
مراتب كهرب

طبعا الرد سريع ومختصر

بالتوفيق للجميع

**مُقاطع** · 20-11-2007, 03:23 AM

وازيدك من الشعر بيت

سمعت ان الكثير من قطع الغيار هي نفسها في جميع الانواع التي ذكرتها

ويبقى فرق السعر بينها يختلف بإختلاف التجهيزات والاكسسوارات

الاخ al 7azeen

خف على الرجال شوي,, تظل وجهات نظر

**مقاطعه معكم** · 04-01-2008, 05:13 AM

يزودون لمبه هنا و جناح هنا و فتحه هنا ويلا يزيد السعر 10 الآف.. و رزق الهبل على المجانين

**qms** · 08-01-2008, 04:15 AM

فعلاً صحيح هذه الشركة ذات أسعار خيالية . فسعر الهايلكس غمارتين كاش 64 ألف ريال وسعرها بالأقساط 84 ألف ريال وسعرها بالتأجير 94 ألف تشمل المقدم والمؤخر وّإذا ما سددت المؤخر يقسط عليك من جديد مع أخذ نسبة ربحية أخرى غير التي في الأقساط مع تأمين شامل مدة التقسيط " اللي لو صدمت مرمطوك حتى يصلحونها " .

يعني إيش رايكم مع أن الفرق بين الأقساط والتأجير إن الأقساط يجب إحظار كفيل غير عسكري يتجاوز راتبه 10ألاف ريال أو كفيلين يتجاوز راتب كل منهما 5 ألاف ريال . باإضافة للتأمين الشامل مع التأجير المنتهي بالتمليك .

طبعاً في هذه الحالة أرى أنهم يحدون المواطنين على الحرام والربا من خلال إجبارهم من التعامل مع البنوك بطريقة غير سليمة . ... وهلم مجرة . والله هالوكلات ما وراها إلا " أن تأكلك لحم وترميك عظم " .