اقسم بالله العظيم وفي هذا الشهر الفضيل ما اذكره حقيقة

في يوم من الايام وعند دوار المعارض بجدة دخلت مطعم بخاري وطلبت ربع دجاجة مع الرز المهم

اخوكم منهمك مع الاكل وطبعا مع الطلب سلطة مطحونة وسلطة خضراء يوم قربت انتهي من الاكل قلت يا ولد زود السلطة الحارة وكانت المفاجئة الكبرى بعد ان وضعت السلطة في صحن الكبسة وعند التحريك وش تتخيلون والله العظيم ذاك الصرصار الميت المهم اعصابي صارت مشدودة وقمت اصيح على عمال المطعم المهم جاء المحاسب طبعا افغاني وانا متاكد انة صاحب المطعم ويقول لي صديق معليش المهم قمت اتصل على الامانة ولحسن الحظ ان جوالي ما فية رصيد المهم شفت سعودي في المطعم وقلت ايش رايك قالي يا شيخ تراك بتقطع رزق العمال ومن طيبتي
صرفت نظر عن الموضوع حتى المحاسب رفض ان ادفع الحساب ولم اخرج الا بعد ان دفعت المبلغ
وحلفت يمين ما اكل بعد اك اليوم في اي مطعم بخاري لا بارك الله فيهم

المصيبة الاكبر والله لو تدرون العمالة الفاشلة كيف طريقة تذويبهم للدجاج المجمد والشاورما انكم ما عد تاكلونها

ياخي وسخيييين ... بس مانتوب

ليه ماتتوب ياحلو .. عادي كل في البيت وكذا تصير تبت ولله الحمد

وبعدين والله العتب ماهو عليهم العتب على أن الدولة الله يعطيها العافية ماحرصت على تفعيل الأمور الي تهتم بالمواطن من رقابة أسعار - رقابة صحية .. الخ ولا لو هم عارفين أن فيه من يدعس على وجيههم إذا أخطوا والله ماتلاقي كل يوم سامعين لنا قصة الي لقى ثعبان في الأكل والي لقى ديناصور !!

الحمد لله كرهت والله أكل المطاعم زي ماكرهت المراعي ^_^

مع احترامي لك انت غلطان انك ما اتصلت على عمليات صحة البيئة
اذا انت اسكت والثاني اسكت رحنا كلنا وطي
لا بد اذا كان لك حق تبحث عنه وتطرد وراه الى ان يبين الحق

فيه مطعم شهير في الرياض بعد مااكلت كم لقمة واحصل فيه كم ذبانه بعد مااكلت كم وحده مع الرز وانا ماادري قاعد اسولف مع خوي قعدت اصايح عليهم طلع لي صاحب المطعم في جلسه جنبي اخذا الصحن وراح للعمال وقال غيرو له الصحن وراح جلس كما كان في الجلسه وكانه يقول لي بلسان حاله عادي

المطعم مشهور وخصوصا بالرز حقه وله فروع في الشرقية

أشكرك يا أخوي على طيبتك

بس هالزمن معليش ما يرحم الناس الطيبة

و بعدين وش اللي حادك و تاكل بمطعم (ملقوف ..... صح )

بس نصيحة ما في أحسن و أكرم و أعز من أكل البيت

و السلام مسك الختام

الحمد الله والشكر يارب

ياأخوان خففوا من المطاعم

والله العظيم اخويه يقول الرز مايغسلوه ،، يكبوه بالقدر بالخيش حقه

ايش تبغوا بعد

ياحليلك هذا اللي انت شفت

اجل وشلون لو تشوف طريقة تحضيرهم

ياشيخ لو جات عليك

ولا علي ما تفرق

لكن لو على عيالنا ؟؟؟؟؟؟؟!!!!!!!!

حرام ما يصير

وش ذنبهم ذول البزارين