نفسي الامارة بالسوء تسول لي ان اشتري خروف (لسكان الدمام استفسار)

**صرخة مواطن** · 12-09-2007, 12:49 PM

بصراحة انا اكاد اكون اتخذت قرار مصيري اليوم وهو ان اذهب الى سوق الحيوانات

في الدمام لأشتري خروفين ثلاجة (الخروف: حيوان اليف ذو شعر كثيف له اربع قوائم ورأس واحد)

طبعاً مثل ما انتم عارفين سوق الغنم يبعد عن الدمام مسيرة يوم وليلة

وما ودي اروح وتفاجئني الاسعار وارجع بعد المشوار فاضي وما خذيت غير التعب.

انا لي تقريباُ شهر ما رحت سوق الحيوانات

الي راح السوق قريب يفيدنا بأسعار الخواريف (على وزن فعاعيل)

علشان نعرف هل الاسعار مقبولة او مبالغ فيها.

اذا معقولة رحت واذا مبالغ فيها مالي الا ابو صابر (راعي ملحمة) يمدنا بالكيلو .

ولا مانع ان يتحفنا اهل الخبر بأسعار سوق الثقبة.

**احمد111** · 12-09-2007, 12:59 PM

خلك حذر من نفسك الامارة بالسوء
احيانا توهق وتأخذ خاروف ابو راسين

**صرخة مواطن** · 12-09-2007, 01:03 PM

اقتباس:

المشاركة الأصلية كتبت بواسطة احمد111

خلك حذر من نفسك الامارة بالسوء
احيانا توهق وتأخذ خاروف ابو راسين

لا ما عليك انا اتأكد دائماً ان الخروف اخذ التطعيمات الاساسية وسجله نظيف وما عليه اي سوابق ... اصلاً من نظرة عيونة تعرف اذا هو جيد والا لا ...

**مقاطع محترف** · 12-09-2007, 01:08 PM

الله يوفقك اخوي اليوم وتشتري الخروف اللي نفسك فيه..

بس انصحك قبل ماتروح تاخذ معك ميزان ..ايه ميزان .. ميزان لحم طبعا

عشان توزن الخرف او الكبش قبل ماتشريه وتشوف كم وزنه وتضربه في سعر الكيلو

يطلعلك سعر الخروف بالملي .. وبكذا تعرف ان ماحد غشك او زاد عليك السعر...

ملحوظه.. يفضل استعمال الميزان الزنبركي خاصة للخراف والكبوش

تمنياتي لك بالتوفيق

**المراقب العام** · 12-09-2007, 03:38 PM

فيه طريقه سمعت عنها وهذة تعتبر موضه جديدة مع موجه ارتفاع الا سعار ها اليومين

وهي ان اثنين من الشباب يتقاطون في ذبيحه وحده وكل واحد ياخذ النصف

يعني اذ الخوف سعره 800 ريال يطلع على الواحد 400 ريال والله يديم الرخص

بس لا وصيك دورولكم على خروف اجودي و مزيون مثل هذا

**ناصر** · 12-09-2007, 03:51 PM

مساك الله بالخير يا صرخة مواطن
انتبه وأنت رايح وخذ معاك مرافق
الشي العجيب اللي أنا ملاحظه
أنه من ساعة ما نقلو السوق عند الصناعية الثانية
والصناعية فضت من أجلكم الله ( الكلاب )
كانت الصناعية مرتع للكلاب لكن هالايام بالموت يمر
كلب أبن ستين كلب
والله خايف البنغالية ورا هالموضوع
هههههههههه
خلاص بعد هالكلام العضو صرخة مواطن بيشيل موضوع الخروف من راسه

**فني ومفتش صحي** · 12-09-2007, 03:52 PM

لاتتعب نفسك بالمرواح
مسافة بعيدة وارهاق وانتظار واهدار للوقت ويمكن توفر 20 ريال وبعدين تسلخ الخروف ب 15 ريال يعني وفرت 5 ريال
أذا بغيت أنا أدلك على مكان ممتاز هرفي صغير حق الشربة

**صرخة مواطن** · 13-09-2007, 06:36 AM

انا الحين رايح للسوق وبوافيكم بالتقرير ومعزم اخذ حبتين خروف نخب اول مقاس small ابيض معتق بأسود

والله اني متعود على غنم ام خالد بس شكلي هالمرة بغير الصنف

لان ام خالد حلالها غالي وانا قررت اقاطعها.

اذا رجعت لكم مني لائحة الاسعار

**صرخة مواطن** · 14-09-2007, 04:57 AM

الاسعار في سوق اغنام الدمام الرئيسي من 700 للهرفي الى 900 انا شخصيا كنت ناوي اخذ ذبيحتين ورجعت خذيت ذبيحة فقط مقاس متوسط بدون تغليف ب 750 بعد اخذ ورد متعب مع البائع

ونصيحة الي يروح لا يذبح في المسلخ الي هناك لانه بينقع اقل شي 4 ساعات لعدم توافر العمال.