السلام عليكم ورحمة الله وبركاته
طفلي يبلغ من العمر سنة وثمانية اشهر فترة الحمل كانت طبيعيه ما استخدمت اي علاج فقط حبوب الوحم لمدة ثلاث شهور
ولد في آخر اسبوع من الشهر الثامن ولادة طبيعية ولله الحمد جلس في الحضانة يومين فقط وما كان محتاج الاكسجين الحمد لله فقط اول خمس ساعات حطو له اكسجين عادي ليس عن طريق الفم تطور بشكل طبيعي بدا بالمناغاة بعمر ثلاثة اشهر لكنة تاخر من ناحية النمو الحركي لانه مصاب بمتلازمة اهلرز دانلوس بعمر عشرة اشهر وضعنا له الجبس بعد عملية الخلع فكان لايستطيع عمل شيء *فكنت اظعه طوال الوقت امام قناة طيور الجنة من الصباح حتى المساء كان يتفاعل معهم وينبسط انا قلت الحمدلله في شي يلهييه لانه كان صيااح وملول استمر على هذا الوظع الى أن تم عمر سنة وشهر لاحظت عليه عدم التركيز واذا ناديت عليه مايرد ولايفهم علي مثلا اذا طلبت منه شي *بيده مايمده لي مثل الاطفال تداركت الوظع وحسيت اني اهملته اربع وعشرين ساعه ما اكلمه ولا شيء بس جالس على التلفزيون قللت من جلوسه عند طيور الجنة وبديت اتكلم معه واعطيه اوامر الحمدلله تحسن بدا يرد اذا ناديته ويفهم بعض الاوامر مثل اذا قلت وين الكورة يجلس يدور عليه اذا اعطيته كرتون وقلت افتحه يحاول يفتحه من اسبوع تقريبا بدا يناديني ماما وابوه يناديه باه اذا رحنا المستشفى يرفظ احطه على السرير ويجلس يصيييح ويتمسك فيني الى الان مايمشي فقط يحبي ماعنده كلمات فقط ماما بابا دادا هدا هدا يقلد الاناشيد لمن يقولون هييييه يقول مثلهم
اذا حسسته بالحنان وضميته وقبلته يفرح يناظرني بتركيز ويبتسم*
سؤالي هو :
1-ابني الان تركيزه ظعيف اذا احد كلمه يناظره نظره وحده وخلاص يشيل عيونه ويلهى باي شي الا اذا كان الشخص ينشد او يسوي حركات تلفت انتباهه يركز معه*
2-مايأشر بيده اذا يبي شي
3-كثير الحركة مايحب يجلس بس اذا بياكل احطه بالجلاسه وخلاص مايتحرك
4-يناظر بزاوية عينه
5-مايتكلم مثل اللي بعمره كلماته فقط ماما بابا دادا اذا وقفته احاول امشيه يقول هدا هدا لاني دايما اقولها
6-مايقلد الحركات مثل التصفيق مايعرف لكنه يقلدني ببعض الالعاب مثل اذا حطيت لعبه على راسي يحطه على راسه اذا مسكت التلفون وقلت الو وعطيته يحطه على اذنه
7-كثير البكاء وعصبي اذا اخذت منه شي يجلس يصيح بقوة اذايبي شي يطلبه بالبكاء
احساسي يادكتور يقول ان طفلي مختلف عن باقي الاطفال فنظراته مختلفه عنهم هم ينظرون للشخص بتركيز ولفترة طويله ابني لاا حتى مهاراته احسه متاخر فيها*
ياليت يادكتور تفيدني وش اللي عنده بالظبط وترشدوني للطريق الصحيح لاني فعلاً بهم لايعلم به الا الله.*
جزاكم الله خير ووفقكم لمايحبه ويرضاه


*
* **

مبدئيا/
متلازمة Ehlers–Danlos من المتلازمات النادرة وغالبا ليس لها علاقة بالذكاء او التاخر اللغوي لكن.
يضل تاثير هذة المتلازمة مقتصرا على التحفيز اللغوي المرتبط بالحركة!!!!
لهاذا, كل ما يحتاج ابنك هو الزيادة والمضاعفة في التحفيز اللغوي .....وهذا يحتاج لتدريب الام اولا قبل البدء بتدريب المريض


تقبلي تحياتي
Mr.vague

جزاك الله خير دكتور ...
طيب دكتور كيف تدرب الام ؟
هل اذهب إلى اخصائية تخاطب واخذ منها الطريقة.
انا يادكتور خايفة عليه حاسة عنده تاخر كثييير عن اللي بعمره خايفه يكون عنده تأخر عقلي والا توحد ياليت تطمني
وعندي استفسار بخصوص المتلازمة هل ممكن تتكرر بطفل ثاني لان هذا اول طفل؟؟
وفقك الله لمايحبه ويرضاه .

تدريب الام يكون عن طريق اخصائية تخاطب لها خبرة في التحفيز اللغوي للمرضي ذوي المتزامنة....
بالنسبة ل متلازمة Ehlers–Danlos فهي نادرة الحدوث تقريبا حالة لكل 10000 حالة لكن هذا الرقم مختلف تماما لدينا..
لان الامراض الجينية بشكل عام تزداد نسبتها في الخليج العربي عموما والسعودية خصوصا بنسب تتجاوز 1000% للاسباب يطول شرحها
لهذا بالنسبة لحالتك
يفضل زيارة اخصائي امراض جينية ليفيدك بشكل اكبر خصوصا مع تقنيات تحديد الجين المسبب سيساعدك كثييييييير في االانجاب دون الاصابة.

الله يعطيك العافية ...
طيب دكتور انا قلقة عليه خايفه يكون عنده توحد والا تاخر عقلي لاني اقارنة بالاطفال اللي بعمره واللي اصغر منه باشهر واحسه متأخر باشياء كثييير عنهم طمني عليه الله يريح بااالك ..

لالالا ليس تخلف عقلي او توحد...
فقط تاخر في الكلام..... للاسباب اللتي ذكر اعلاه