اخواني الاعزاء ، فكرة المقاطعة جميلة لو استخدمت على من تسبب في الغلاء لكن لا نصير مثل القطيع مع بعض يالله يالله قاطعوا المطعم الفلاني ونقطع رزق من يمتلكونه او يعملون فيه برواتب ويعيلون اسر وبيوت ، اذا كان التجار مستوردي اللحوم والمواد الغذائية رفعوا السعر على المطاعم ، فما ذنب راعي المطعم اذا السعر ارتفع عليه واضطر الى رفع سعر الوجبة ، ما الومه لا نه واجه ضغوط من تاجر المواد الغذائية ، ليش ما نركز على التجار هم مستوردي المواد الغذائية والاسعار تبدأ من عندهم
وفي الاخير توصل لنا ، وفقنا الله واياكم

جميل جدا

تحري الدقة مطلوب وواجب قبل كتابة مقاطعة اي منتج او محل وكما هو واضح في القوانين فإن اي عضو يكتب مشاركة فيها تحذير من محل او دعاية لمحل وتكون غير صحيحة فإنه سيتعرض للايقاف وحذف جميع مشاركاته .. ونتمنى من الكل الرد على مثل هذه المواضيع اما بتأكيد صحتها او نفيها

بالنسبة لموضوعك فمقاطعة مطعم ما ستجعل صاحبه يفكر في امرين مهمة:
1- مقاطعة المورد الذي يتعامل معه ان كان الغلاء من المورد
2- تقليل نسبة هامش الربح

وفي نظري كلها في صالح الجميع

يا أخي يحتجون أصحاب المطاعم خلهم يحتجون زي ما أحتجينا حنا لا تقولون وش ذنبهم هم أجل حنا وش ذنبنا بعد يرفعون علينا علشان يتجرون هم خلونا يا شباب نكون أكثر واقعي

الا الوم راعي المطعم ونصف .. والا على اي اساس مثلاً ترتفع حبة الدجاج مع الرز من 20 ريال الي 25 ريال لو حسبتها بالعقل كم بيحط لك مع الحبه كيلو رز !! ترى كل اللي حاطه من الرز مع الحبه للنفرين ما يجي ملي بياله .. بس حرامية مطاعم مثل التجار مابينهم فرق يستغلون اي زيادة لرفع دخلهم على حساب المواطن الضعيف .. لازم يربح 200% يعني ايش فيها لو نقص ربحه 20 او 30% هم قاعدين سنين وهم يشفطون من هالدراهم من ظهورنا ..
انتم تدرون ان نسبة ارباح التاجر في الدول التي تحترم شعوبها ما تتجاوز 20% من رأس ماله .. بينما عندنا توصل نسبة الارباح بدون مبالغة الى 1000% ويمكن اكثر بعد ..

بصراحه انا احاول قد ما اقدر اني احفظ منتجات باسمح عشان ما اشتري منها
لانه هو مورد كبير للمواد الغذائيه و اغلب المطاعم يتعاملون معاه