مصرف الراجحي وكشف حساب - الصفحة 2

**جمرة غضا** · 27-03-2012, 10:27 AM

اقتباس:

المشاركة الأصلية كتبت بواسطة لاتدف

قولي والله زين وفروا علي مشوار البنك

عاد كنك تشوفيني الحين قاعد اصور الجوازات الحين عشان ببدأ اجراءات التشنغن

تسهلت اجراءاتهم كثير ... الحين اسبوع وتطلع ,,وترى مركز التاشيرات الموحد نقل من موقعهم اللي قدام وردة الصلاحية ,,
شدوا جنب بنده ام الحمام

**لاتدف** · 27-03-2012, 10:36 AM

اقتباس:

المشاركة الأصلية كتبت بواسطة جمرة غضا

تسهلت اجراءاتهم كثير ... الحين اسبوع وتطلع ,,وترى مركز التاشيرات الموحد نقل من موقعهم اللي قدام وردة الصلاحية ,,
شدوا جنب بنده ام الحمام

وش مركز التأشيرات الموحد اول مرة اسمع عنه بالعاده اسوي تأشرتي من السفارات مباشرة.. هذا جديد؟؟

**جمرة غضا** · 27-03-2012, 10:54 AM

اقتباس:

المشاركة الأصلية كتبت بواسطة لاتدف

وش مركز التأشيرات الموحد اول مرة اسمع عنه بالعاده اسوي تأشرتي من السفارات مباشرة.. هذا جديد؟؟

المركز تلقاه بشارع ام الحمام جنب بندة رح للي بالدور الثاني .. فيه مكاتب لدول تاخذ منها الابلكيشن وتعبيه ..او تخلي اللي بالدور الاول يعبيه طبعا يعبيه بخمسين ريال اعتقد
الحين يطلبون فقط تعريف للراتب مترجم ومصدق ..
حجوزات السكن ..
واستخراجها ياخذ اسبوع

**شاطئ الغروب** · 27-03-2012, 11:36 AM

لا تدف ---- لا تنسى تآخذ الذراية معك هههههه
أتمنى لك إجازة ورحلة سعيدة وممتعة

**لاتدف** · 27-03-2012, 11:42 AM

اقتباس:

المشاركة الأصلية كتبت بواسطة جمرة غضا

المركز تلقاه بشارع ام الحمام جنب بندة رح للي بالدور الثاني .. فيه مكاتب لدول تاخذ منها الابلكيشن وتعبيه ..او تخلي اللي بالدور الاول يعبيه طبعا يعبيه بخمسين ريال اعتقد
الحين يطلبون فقط تعريف للراتب مترجم ومصدق ..
حجوزات السكن ..
واستخراجها ياخذ اسبوع

الابلكيشن مافيه مشكلة انا اعبيه لكن سؤالي السفارات ما اعاد تعطي تأشيرات تشنغن الا عند طريق المركز؟؟ معليش ياعميدة وسعي صدرك حبتين دبلت تسبدك بالاسئلة

**لاتدف** · 27-03-2012, 11:46 AM

اقتباس:

المشاركة الأصلية كتبت بواسطة شاطئ الغروب

لا تدف ---- لا تنسى تآخذ الذراية معك هههههه
أتمنى لك إجازة ورحلة سعيدة وممتعة

هلا وغلا بشاطئ نصف القمر والنصف الثاني ضايع
وش الذرايه قصدك الذرا
شكلك فلاح الذرايه معروفة حقت الحصد
بس آخذها وشوله كلش جنبك

**جمرة غضا** · 27-03-2012, 11:56 AM

المعذرة يا الوسام تحمل لاتدف شوي

اقتباس:

المشاركة الأصلية كتبت بواسطة لاتدف

الابلكيشن مافيه مشكلة انا اعبيه لكن سؤالي السفارات ما اعاد تعطي تأشيرات تشنغن الا عند طريق المركز؟؟ معليش ياعميدة وسعي صدرك حبتين دبلت تسبدك بالاسئلة

ايه المركز الموحد تقدم من عنده طلب التاشيرة وتاخذها من عنده ...

**ابولين** · 27-03-2012, 12:32 PM

دخلنا في الفيز والذرايه وتركنا الراجحي ورسومه المهم
الراجحي يذكرني بعبداللطيف جميل ونصبه وجهين لعمله واحده الله مواسعه في البنوك الثانيه (( المحترمه)) شرهكم على اللي فاتح حساب عنده او تعاملت معه بشكل مباشر الا كان من بعيد لبعيد من طلعت على الدنيا وانا اكره الراجحي لشدة نصيه وتعاملهم الجاف عندك بحسابك 100 ريال او مليون كلكم كأنكم شحادين عنده

**لاتدف** · 27-03-2012, 12:37 PM

اقتباس:

المشاركة الأصلية كتبت بواسطة جمرة غضا

المعذرة يا الوسام تحمل لاتدف شوي

ايه المركز الموحد تقدم من عنده طلب التاشيرة وتاخذها من عنده ...

ههههههه الوسام وسيع صدر ومهب مقصر اذا كان الموضوع يخدم احد بدف ولا بدون
نرجع لمحور حديثنا حق الثمانطعش شهر حاول تشوف لك واسطه بالراجحي واحد يطبع لك الكشف بطريقه وديه وجب له الورق انت عشان ماحد يجردها عليه او اذا قدرت تدخل حسابك عن طريق النت وتطبع الكشوفات اذا كانت تعطيك فتره طويله انا صراحه ماجربت
عميدتنا مشكورة على المعلومات ورح ارسل واحد يجيب لي الابلكشن

**saud-net** · 28-03-2012, 12:15 AM

اتصلت على الراجحي المحترمين وسالت عن عروض التمويل قال لي النسبة 2.5 قلت له باقي البنوك وصلو ا1.99 وانا راتبي له 14 سنة ينزل في جيب الراجحي ما تعطونا عرض خاص تكفون والا بروح البنوك الثانية والله قال لي شوف البنوك الثانية امحق رد ؟؟؟؟ لا ويقولون بنك اسلامي والاسلام يامر بحسن المعاملة وهم اسوأ البنوك معاملة