سلسلة مطاعم الرومانسية ترفع الأسعر من 26سعبان

**snmt** · 08-09-2007, 01:57 PM

بعد عدة إجتماعات بين أصحاب المطاعم الشعبية ( اليمنية الجنسية ) تم الإتفاق على رفع أسعار جميع الأصناف 2ريال بدأً من 26\08\1428هـ لتكون اسعار الدجاج 24ريال واللحم للتيس 37ريال و الهرفي المندي 42ريال
وقد تأكدت بالإتصال على فروعهم وتم رفع السعر من اليوم
المطاعم المشاركة ( الرومانسية - غوزي - الناضج -الركن السعودي )
والغريب أن الهدوج لم يرفع السعر حيث أفادو بعد الإتصال أن الأسعار لم تتغير !!!!!!!!!!
خوش هدية بمناسبة العام الدراسي الجديد يابو يمن

**الدائرة مستطيلة** · 08-09-2007, 03:01 PM

البديل موجود ..

( الهدوج - نثرية - ريـدان - التخصصي - الرواسي - المكي ) .. وغيرهم واجـد ولا توقف على كم لص

**غاسل يدهـ** · 08-09-2007, 04:17 PM

حتى ابو يمن !!

اقول البديل طبخ البيت ،،، والله العظيم ان طعم ذبيحة البيت أطلق من وصاخة هالمطابخ بس الحريم صار فيهن عجز !!

**جمرة غضا** · 08-09-2007, 08:03 PM

اقتباس:

المشاركة الأصلية كتبت بواسطة غاسل يدهـ

حتى ابو يمن !!

اقول البديل طبخ البيت ،،، والله العظيم ان طعم ذبيحة البيت أطلق من وصاخة هالمطابخ بس الحريم صار فيهن عجز !!

وشفيك ما تصير نشيط وتطبخ انت مانقول ماشاء الله على اليماني
ماطبخنا دجاحه تقول اطبخوا ذبيحه

**الدائرة مستطيلة** · 08-09-2007, 08:16 PM

الله يعـظم أجـرك يا ( أميمتي ) .. أكثر من 17 سـنة تـخصص في طبخ الذبـائح
من ناحية كـسل فالحريم الله يهديـهم مدري وش صارلهم من تـالي

**عــلاج** · 09-09-2007, 08:31 PM

هذا المطعم مقاطعة أكثر من سنتين الخدمة عنده مدحدرة مليووووووووون

لا يستحق ولا حتى المرور من عند الشارع اللي عليه المطعم . . . . . .

الهدوووووج وبس خدمة طعم لذيذ طلبات تاصل بسرعة وأحترام لزبون وتعامل جيد

**انتظار** · 10-09-2007, 10:47 AM

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآه يالقهر

شلة زيود صارت تتحكم بالاسعار

لو نفتك من اليمانيين كان حنا بخير

**squall** · 13-09-2007, 03:26 PM

لا حول ولا قوة الا بالله.. قبل فترة كنت آخذ دجاجة مضبي او مندي مع الرز بـ20 ريال.. الحين صارت بـ22 ريال.. لا ويبون يزيدونها زيادة وتصير بـ24!!

يعني الزيادة 20%

**رجل يحب الهلل** · 10-10-2007, 03:30 AM

بما ان الغلا حاصل حاصل في اغلب المطاعم انا في رايي اخذ اكلي من الزيود اهل الصنعة والخبرةولا اخذها من مطعم الهدوج اللي اذا دخلته كنك داخل بنقلادش او سيريلانكا .وبعدين بما اننا كلنا شايفين ارتفاع اسعار المواد الغذائيه يكون من المنطقي رفع اسعار الدجاج واللحم في المطاعم وتأكدوا ان اللي مارفع اسعاره مثل الهدوج اكيد انه اخل بأشياء اخرى واهمها الجودة .

**ضد الطمع** · 10-10-2007, 03:39 AM

يازين طبخ البيت وبس ..

وحتى لو بشتري ما راح اشتري من الرومانسية .. الله يديم النعمة يخمرون الرز في موية ويبيعونه .. لا طعم ولا هم يحزنون ..

وزود على كذا رفعوا السعر .. والله ( شيـــــن وقـوي عيــــــــن )