أحد عنده علم عن مؤسسة أو وكالة إسمها "توزيع" ؟

هم من وكلاء بلاك بيري الذي يباع عن طريق إكسترا.

فيه رقم جوال على كرت الضمان لكنهم ما يردوا عليه.

أبغى طريقة أوصل لهم ..

ابو هشام هنا

http://tawzihksa.com/beta/ar/?p=63

شكرا لكي عميدتنا ..

عندي الموقع من اول و ماحطيت طلبي إلا و قد حفيت من محاولات الوصول لهم.

حتى الخريطة فرحت يوم شفتها قريبة من المنطقة اللي أسكن فيها .. فرفرت الحارة اللي محدد فيها الموقع ما لقيت لهم أثر .. ما كان باقي قدامي غير إني أنزل أدق على أبواب البيوت باب باب أسأل عنهم.

و جوالاتهم سواء اللي في الموقع أو اللي في كرت الضمان الأول ما يمسك الخط معاه (كأنه غير صحيح) و الثاني محد يرد عليه.

ماتتوقع اكسترا يفيدونك لو طلبت عنوانهم او ايميلهم

لسه ما رجعت لإكسترا لكني في البداية رحت بحكم إن الجهاز من عندهم فقالو لي راجع الشركة صاحبة الضمان .. حاولت أوصل لهم و مثل ما شفتوا.

الآن باقي أمامي مراجعة إكسترا و النشبة في حلوقهم (حسب رأي الكثيرين و منهم موظف التجارة حق 8001241616) و إن ما طلعت بنتيجة منهم لي تصرف أخر و عودة للرقم المجاني ومن ثم الإعلام الجديد.

الله يعينك وقعت في اكسترا وفي توزيع اسوء شركتين

اجهزة البلاك الي تجي عن طريق الحداد وتوزيع واكسترا مضروبة

على العموم موقع صيانة توزيع في شارع فلسطين مركز بامجلي

واتوقع لهم فرع ثاني جنب اكسترا الي في شارغ الامير سلطان

هم لهم فرع ثاني في الشارع اللي في المستشفى السعودي الألماني لكني دخت و ما لقيته .. ما فيه أي لوحات إرشادية أو تعريفية للموقع غير الخريطة اللي في موقعهم أعلاه.

و لمن رحت أدور عليهم لقيت في نفس المبنى محل نسائي (صالون و كوافير) تحت الإنشاء .. سألت حولهم محد يعرف مكانهم.