ماهو الحل مع جشع البنوك؟

**زلزاال** · 03-08-2011, 02:13 AM

ذهبت امس لبنك الرياض لاستخراج بطاقة صراف بدل فاقد فطلبوا مني الموافقة على خصم

100 ريال من رصيدي مقابل تستخراج البطاقة !

والاستثناء الوحيد هو ان اكون من العملاء المميزين !

ولما هددت بالغاء تحويل الراتب لهم لم يمانع مدير الفرع وكانه يقول اذهب غير ماسوف عليك!

علماً بان الجشع بدأ منذُ فترة فصار كشف الحساب بمقابل والتحويل بين الحسابات برسوم !

**بدر11** · 03-08-2011, 02:24 AM

يحق لهم يسوون فينا اللي يبون مادامت الدوله مكبره المخده ولا همها اللي يصير للمواطن من ذبح ...حسبي الله على هالبنوك مايكفيها كل ربع سنه تكسب بالمليارات

**5faya** · 03-08-2011, 03:55 AM

اذهب للبنك اللي يحترمك وبدون مايخصم على حسابك ولا على البطاقه مثال

الانماء والبلاد وبنوك اسلاميه

ثانيا ادخر قدر ماتقدر ابعد عن القروض والفوائد عشان ماتتعلق مع احد

بالتوفيق

**اسحيكه** · 03-08-2011, 09:39 AM

حصل معي مع مصرف الراجحي بالأمس تم خصم 75 ريال عند تجديد بطاقة الصراف الآلي

**ksabbn** · 03-08-2011, 03:04 PM

توجد بنوك اخرى كبنك الكويت الوطني والامارات والانماء والبلاد

**لحظات** · 03-08-2011, 03:11 PM

يـازين البلاد والانماء وغيرهم لا تدور

**هذا انا** · 04-08-2011, 02:18 AM

انا مجرب البنك السعودي للاستثمار عندهم خدمات حلوه + البنك راقي ولا تجد عندهم زحمه ابد يعني كانك متميز بدون تميز لاوعندهم خدمه الرسائل مجانا ممو مثل الراجحي يصقعك ب 50 ريال
المشكله نتمسك ببنك خلاص كانه مافي الا هو دائما اذهب للي يقدم لك الافضل
بنك البلاد يمدحونه بس ماجربته

**أبوخالد** · 04-08-2011, 02:31 AM

المشكلة عندما تضطر للتعامل مع بنك معين، يكون راتبك عليه، مثل ماتعرفون... الموظفين كعكة ضخمة
تتقاسمها البنوك عن طريق الدولة اللي توزعنا على البنوك كل بنك على حسب علاقته بالدولة تكون
قسمته من الكعكة أكبر.

وإن أردت تحويل الراتب، هاتك ياتعقيد وعندما يتم لك ذلك تنتظر يوم أو يومين بعد نزول الراتب لتحويله
للبنك الآخر، الله يعين.. الشق أكبر من الرقعة، ونحتاج حلول جذرية لهالطغاة من تجار وبنوك وخلافه.

الله يصلح الأحوال.

**أسلوب 100** · 04-08-2011, 03:18 AM

البنك الذي يأخذ رسوم على البطاقه حول لبنك آخر بدون تردد المهم ما يصير عليك التزام

ولقد حصلت على أعفاء من رسوم بطاقه الصراف عندما طلب مني رسوم على البطاقه طلب فوراً أخلاء طرف وتم أعفائي من رسوم البطاقة

**زلزاال** · 04-08-2011, 03:50 PM

ابشركم طلبت اخلاء طرف منهم ومواعديني بعد 4ايام عمل !