انا انسان مدمن مشروبات منبهه شاهي وقهوة .. فصار عندي خبرة في اغلب الانواع .. وتكلمت في موضوع سابق عن القهوة في هالموضوع اتكلم عن الشاهي .


شاهي ليبتون المعروف والشهير لو اقولكم اني لي مدة طويييلة لم اشربه لاني بعد ماعرفت الشاهي الكيني كرهت الشاهي السيلاني المر .

ليبتون طاح ولحد سما عليه اسعار جنونيه اخر مره شفته فالسوق كان سعره 18 ريال لعلبة 100 حبة ابو خيط . سعر جنوني لسلعة رخيصة مثل الشاهي .طبعا كان قبل ب 15 ريال زي ماكلنا نعرف حتى جاءت الراتبين اللي ماشفناها الى الان وارتفع بعدها كل شي .

لكن الله المستعان مافيه والي ولاحامي للمستهلك الا الله ثم وعي المستهلك .

البديل جاهز فالطريق وافضل من الليبتون

اولا الشاي الكيني وانواعه وطبعا كلها نفس الطعم ونفس الشاهي لكن اسماء تختلف .


عندنا شاهي ربيع اكسبرس شاهي كيني ممتاز ولذيذ سعره غالي لكن الباحثين عن الانتاج الوطني ماراح يلقون افضل من ربيع اكسبرس ب 14 ريال اليوم ماادري بكره يمكن يزيد .

شاهي ممتاز العماني ممتاز على اسمه ب10-11 ريال... شاهي كيني طازج وافضل من ليبتون السيلاني اللي قطع البحور السبعه حتى صار علبة سكر كاملة ماتخفف مرارته .

شاهي الكبوس ..10-11 ريال نفس ممتاز كيني وكويس لكني افضل العماني عليه لان عمان دولة متقدمه من حيث الجودة .


ثانيا لعشاق الشاي السيلاني

فيه شاهي العلامة الحمرا red label ممتاز ايضا ب 10 ريال .. مجرب وممتاز .وعلامة تجارية عالمية .

شاي الوزة 10 ريال .. شاي سيلاني طازج وله عطره جميله انصح بتجربته .

ايضا شاي ديمه رخيص بزياده لدرجة اني ماجربته 5 ريال لعلبة 100 حبه .لكن قد يكون سعر تشجيعي الله اعلم .

شاي هالي العثيم 8 ريال .. ممتاز ورخيص .من تجربه .




والانواع لاتنتهي لكن سعر الشاهي المعقول الجيد لايزيد عن 10 ريال خصوصا السيلاني اما الكيني فقد يصل 11 ريال اما 15 ريال فهو سعر مبالغ فيه لسلعة رخيصة كالشاي .


كل ماتكلمنا عنه سابقا نوعية الشاي الاسود ابو خيط 100 حبة .اما الفرط فافضلها بلامنازع ربيع وابو جبل وهذي عاد مزاااج وصعب تغيرها وبالحقيقة ماجربت غيرها

بخصوص الشاهي الاخضر فلست من عشاقه ولكني انصح بشاهي المدينة الاخضر الطازج مجرب .. طعم + لون+ فايده .. لاشبيه لها فالصيني ولا فالكيني .


اتمنى ان نكون خرجنا من هذا الموضوع بفائدة وهي زيادة وعي المستهلك وعدم اللهث خلف العلامات التجارية واللتي تحمل الزبون تكاليف الاعلان وتكلفة العلامة وهو يبحث عن شاهي فقط فلماذا يخسر نفسه مبالغ لاعلاقة له بها؟؟ لنعلنها مقاطعة لليبتون ولكل جشع .

احسنت تقرير كامل الا شي بسيط احذر منه
الشاي الايطالي انحش عنه وسعرة مايتعدى التسعة

شاهي ايطالي غريبه اول مره اسمع به .. ممكن تعطينا اسمه جايز مر علي ولااذكره

السوق مليان شاي رخيص وممتاز

انا بحكم اني كييف شاي كل شئ ادور البديل

ماعدا الشاي شاي شاكر هندي

نفس الشكل ونفس الطعم

ونفس العلبه

مشكلته غالي

شاهي ابو جبل من أقدم أنواع في جدة

وهي شاهي تلقيمة وليس خيط

سلمت على المجهود

الربيع و ردليبل ممتازين مجربهم

السلام عليكم
ان شاء الله يكون في وعي عند المستهلك
افضل انواع الشاي هو ربيع
انا من سنين ما اغير عنه واسعر جيد جدآ وفي شاي احمد جدآ ممتاز
تحياتي لكم

ألف شكر لك ؛ موضوع مميز ؛ ونصيحة موفقة ...

شاي الوزة ممتاز بالفعل اخي الكريم