مطعم ماكدونالدز تلغي "ماك كرسبي" بعد صدور الأوامر الملكية !!

**هولستن** · 29-03-2011, 10:56 AM

السلام عليكم ورحمة الله وبركاته

اكيد اغلب الشباب وانا ضمنهم

احب الوجبات السريعة مثل ماك وهرفي او حتى كودو ..!!

وبصراحة الوجبة المفضلة بالنسبة لي "ماك كرسبي" اللي (كانت) متوفرة لدى جميع فروع مطاعم ماكدونالدز .

المهم بعد صدور الأوامر الملكية .

قرر المطعم انه يقول "ماعاد فيه" او "للحين ما وصل" او "الظاهر لغوه"

تخيلو
معقوله ماك كرسبي يخلص بهالسرعة في فروع الرياض؟
انا بصراحة ما انكر
انا بحثت بكل أحياء الرياض وللأسف مالقيته
لا تقولون تبي تاكل هالوجبة بالذات
بس ابي اشوف هل هم منافقين والا لا؟

فاتضح لي انهم منافقين فعلا ً

وجبة "كرسبي" الثلاث قطع بـ20 ريال مع كولا وبطاطس والمايونيز المخلوط مع الثوم.

وتخيلو من صدور هالحزمة من الأوامر الكريمة من والدنا الغالي "يحفظه الله"
إلى حتى كتابة وتحرير هالموضوع

ماك كرسبي غير متوفر بالماكدونالدز..

طبعاً شي اكيد ان مطاعم ماكدونالدز اصبحت "بعضها" غير صحية لتوفر سوء البيئه من الحشرات او الحيوانات الصغيرة كالفئران وغيرها .

لكن انا اللي اثق منه بصفة ان صديق لي يعمل في أمانة مدينة الرياض وهو أحد مفتشين البيئه الصحية ماعرف ايش اللي يفتشون بالمطاعم
يشهد ان اكثر من 5 فروع لمطاعم ماكدونالدز بيئتها صحيّة 100% .
من ضمنها الفرع اللي بالحي اللي انا فيه .

فهذا اللي دفعني وخلاني اكتب هالموضوع

ونتمنى شوركم ومساعدتكم

وانا ماقلت قاطعوها
انا قلت وش رايكم وش اللي تشوفونه

بينما بالعكس ماكدونالدز أغذيتها ممتازة
خصوصاً البطاطس مقرمش للغاية < يشهويكم ههههههههههههههههههههه

**Abu Hmaid** · 29-03-2011, 10:59 AM

ماك كرسبي؟ أوامر ملكية؟ وش اللخبطة هذي؟

**هولستن** · 29-03-2011, 11:04 AM

اقتباس:

المشاركة الأصلية كتبت بواسطة Abu Hmaid

ماك كرسبي؟ أوامر ملكية؟ وش اللخبطة هذي؟

مو ذنبي والله اذا

مخك مو معك

**Abu Hmaid** · 29-03-2011, 11:33 AM

اقتباس:

المشاركة الأصلية كتبت بواسطة هولستن

مو ذنبي والله اذا

مخك مو معك

هههه
كأنك مكثر هولستن ولا ايش

**meto** · 29-03-2011, 11:41 AM

هل تقصد إنهم يرغبون في إعادته بعد فترة ولكن بزيادة في سعره أم ماذا تقصد ؟

**Abu Hmaid** · 29-03-2011, 11:45 AM

اقتباس:

المشاركة الأصلية كتبت بواسطة meto

هل تقصد إنهم يرغبون في إعادته بعد فترة ولكن بزيادة في سعره أم ماذا تقصد ؟

**جمرة غضا** · 29-03-2011, 11:48 AM

ربما ينزلون منتج جديد يعطيهم ربح اكثر

حياك هولستن
عالميا ماك سمعته بالحضيض مش عشان فار او حشرات بل من الناحيه الصحية للوجبات ,,
صحيا وجباته خطيره على الصحة .. امريكا اجبرته على وضع لوحه تحذيريه من منتجاته

وفيه دراسة على الناجتس لقوا داخل بها مواد نفطيه خطيره !

هنا

وجبة اطفال تقدمها مطاعم ماكدونالدز ، يوجد بها مواد مصنعةبترولية خطيرة على الأطفال

أمريكا تجبر ماكدونالدز‎ على ....

**هولستن** · 29-03-2011, 12:35 PM

ياشباب

انا اقصد ان مطعم ماكدونالدز كان عندهم وجبه اسمها "ماك كرسبي"

وهو من زمان عندهم

لكن يوم صدرت الأوامر الملكية
فيه حاجات تغيرت

من ضمنها مطعم ماكدونالدز قالو ان "ماك كرسبي" هالوجبة ماعاد صارت موجودة .

السؤال هنا غريبه الوجبة صارت ماهي موجوده من بعد الأوامر الملكية ..
ياترى ليش؟؟

فهمتو الحين؟؟

ابو حامد اعتذر لك .. طلع الأسلوب التعبيري عندي مخربط

فأتمنى اني وضحت لكم

**][][ سااهرر الطائف ][][** · 29-03-2011, 12:42 PM

ما فهمت شئ بصراحه

بحاول اقرأ الموضوع مره ومرتين لين اشوف المعنى

واضح افكارك حلوه بس التعبير او تسلسل او ترابط او تبسيط الفكره عندك صفر على الشمال

شكل الهولستن هلوس بك

حاول مره اخرى يا ماك كرسبي

**meto** · 29-03-2011, 12:55 PM

ياخي صارت حزورة أطرح الي عندك وخلنا نفهم ، تقصد إن الوجبه فيها أشياء ممنوعة وبعد خطاب الملك وتأكيده على وزارة التجارة بحماية المستهلك ألغيت علشان ماتنكشف ؟