اليوم ودي اشارككم في معنى الالتزام .

الالتزام (بدون همزة طبعاَ) لا تحت ولا فوق .

وجاب الطاري عميدتنا التميمية . ..........

(إن أكرمكم عند الله أتقاكم .)

هذا الأستاذ محمد .............. من قبل 45 سنة . شف الابداع والالتزام .




وأبو نورة ما تغير . دايم على الميعاد . بعد 45 سنة . قال يا بنت النور وقال الأماكن . بس الأهم . في سن 60 .

الالتزام .

الالتزام .

هذا اللي احنا نسميه في الإدارة .... معنى الالتزام .

60 سنة ملتزم .. بالطرب الأصيل.

الله يكبرنا في طاعته.

هذا لغز؟

مافهمت المقصد من الموضوع ؟؟؟؟؟؟

المشاركة الأصلية كتبت بواسطة abuhisham

60 سنة ملتزم .. بالطرب الأصيل.

الله يكبرنا في طاعته.

(كل ميسر لما خلق له) أستاذي أبو هشام .

هو اختار طريق والتزم فيه .

ودنا ان الباقين - كلُ في مجاله - يكون عندهم نفس الالتزام . فقط .

ابو نورة ما عنده شهادة دكتوراه أو تعليم عالي عشان يكون أمين مدينة الرياض أو جده او يكون وزير او غفير . انسان بسيط يحب الفن ويرى ان هذا المجال اللي يمكن يبدّع فيه . أخلص لمجاله واجتهد وبدّع . بس ابداع غير طبيعي !

عموماً الشعوب دائماَ تقدر مكتسباتها . لما راح زاهي حواس الى كندا ليسترد توت عنخ آمون . راح لأنه هذا من مقدرات مصر اللي انتهت من 3000 سنة . وحنا عندنا مقدرات لازالت عايشه .

أبو هشام ، أنا أسمع فن لكن شوي . لكن اللي يقهرني انوه في سيارتي ما أقدر اسمع شي في اذاعاتنا المحلية في البرنامج الأول و الثاني شي غير الغناء . انقلبت اذاعاتنا المحلية خلال السنتين الأخيرة لتكون نسخة للـ mbc fm . وهذا شي سيئ .

ودي أن يكون المسئولين في إذاعاتنا أن يتنبهون إننا نحب نسمع أشياء ثانية غير الغناء . لأنه إذا ودنا نسمع غناء ، نعرف وين نلقاها ، في الوقت اللي نبيه ، ما شاء الله متوفرة . لكن ودنا نسمع في سياراتنا Something Else. أذر وايز ، بتكون غصب علينا ، وحنا شعب لا يمثله اذاعات وقنوات العهر والفساد اللي الله يهديهم تكفلوا فيها .

غيرنا حط قنوات تغير حياة الشعوب . وحنا ما غير حطينا استثمارات بقنوات تهتم فقط بعرض الأزياء وما تحت الأزياء .

_______________________________________________

أبو حميد ، اكيد مهوب لغز على مثلك ؟
_______________________________________________
مجووووووود ، أبد قصدي فقط الالتزام . أغلبنا في حياتنا ما نطبق هذا المبدأ .

سنة ملتزم .. بالطرب الأصيل.

الصراحه اسوا مبدا تحط ابونوره مثل بالاتزام
هذاالاتزام بمعصيه الله ليس مثل لنا كمومنين الصراحه ماعندك سالفه
اعذرني في قلبي مااقدر اكتمها

هذا ماينقصنا بالوطن العربي هو الالتزام ونستطيع أن نقول عنه تأدية عملنا على أكمل وجه الاتقان خانك التعبير والمثال لو أنك أوردت مثل أقضل من الغناء لوصلت فكرتك بشكل أفضل لقد وضعت يدك على مكان الخلل جميعنا وبدون تعميم لانتقن عملنا في مجالنا ابتداءا من أصغر موظف لأكبر مسؤول وهذا سبب وصول حالنا لهذا الوضع عجبني ايضاحك أكثر من طرحك للموضوع وهذا يدل على غيرتك وتحليلك الصحيح للأمور شكري مع مروري

المشاركة الأصلية كتبت بواسطة مواطنه عايشه

خانك التعبير

يمكن يا مواطنة انوه خانني التعبير !

لكن فيه ناس خانوا الأمانة .




اذا ابو نورة أدى واجبه في الغناء والتزم . وغلط في دينه ، ما أحد متضرر منه .





وإذا الأمناء المستؤمنين على حياة الشعب غلطوا . هذا غلط .