الظلم في جامعة الملك عبدالعزيز!

**xaymans** · 09-10-2010, 09:19 PM

السلام عليكم

انا طالب في التعليم عن بعد في جامعة الملك عبدالعزيز ( طيب الله ثراه ) التحقت وهدفي اكمال دراستي الجامعيه في تخصص إدارة الاعمال,
بحكم الظروف اخترت التعليم عن بعد لأن كنت اظن ان الدراسه مريحة ولا راح احس بالتعب ابدا,
سجلت في الجامعة لانها من الجامعات العريقه في المملكة وايضا بسبب وجود التخصص المذكور, وتحملت تكاليف الدراسه المبالغ فيها من الجامعه وهي الـ8000 ريال للسنة التحضيريه ومبلغ 2000 ريال عشان اختبر في الرياض, وغير من مصاريف الكتب والملخصات توصل 1000 ريال, وبعد مرور عام من الدراسه وصرف المبالغ المذكوره للجامعه, جبت معدل بعد مجهود, وكنت ( فرحان ) بأني راح اكمل دراستي الجامعيه في تخصص ادارة الاعمال, وكنت اخطط باني راح ادرس في الصيف عشان اتخرج , وحتى حفظت الخطه الدراسيه للتخصص ! من الحماس واحصل على الترقيه في العمل واضبط اموري المستقبليه, لكن نسيت بأني .. ! قصدي طالب تعليم عن بعد..
وبعد اعلان التخصيص الفوري في الاودس, دخلت الموقع حتى اظن بأني اول واحد دخل الموقع بعد الاعلان من قوة السرعه والفرحه واختيار التخصص المرغوب ( ادارة الاعمال ) فتحت صفحة ثانيه مكتوب فيها سيتم نشر الجدول بعد 24 ساعه, لكن للأسف تفاجأت برسالة على الجوال تقول ( الرجاء اعادة اختيار التخصص ) وجاء في بالي بحكم اني على نياتي وافكر بان الجامعه محترمه ! انه حصل خراب او شي كما تعودنا.. لكن للأسف لم اجد الا تخصص الاداره العامه فقط !!, رفعنا شكوى للجامعه ولم يعيرونا اي اهتمام, ونطالب بحقوقنا منهم لكن شياطين الانس يحسسونا اننا نشحذ !, لا احترام لطلبة العلم ولا لمشاعرهم ولا لأنسانيتهم ولا قيمتهم ! لو جامعة في دولة كافرة كان احترمت مشاعرنا !

طبعا انا اشوف ان هذي سـرقـه ونـصـب وتعدي على الحقوق, ضاعت سنه دراسه وضاعت فلوسي, وتعبت نفسياً,
من ينصفني ؟ ابغا اروح لجهة مسؤوله تحترمني كـ بني آدم وتاخذ حقي منهم ؟

وين اروح مركز شرطة العليا ؟
حقوق الحيوان ؟
ديوان المظالم ؟
اكتب شكوى للأماره ؟

وين اروح ؟

======

طبعا احنا مجموعة كبيره من الطلاب والطالبات ممكن اختارو التخصص مسبقا ,, وبعدها اصدر قرار مفاجيء وتعسفي بإلغاء القسم بعد ارسال رساله من الجامعه تفيد باعاده اختيار التخصص ولم نجد الا الاداره العامه مسار المستشفيات !
======

اللي حاب يتأكد يدخل منتدى التعليم عن بعد
http://www.skaau.com/vb

خطاب معالي وزير التعليم العالي ( لجميع المتضررين من الغاء ادارة الاعمال ) !!! ‏
http://www.skaau.com/vb/showthread.php?t=261575

**عادل آل ابوعليان** · 09-10-2010, 09:29 PM

صدقت في كل ما قلت نعم تم إلغاء القسم بناءً على قرار الاكتفاء بحجم خريجي الدفعات السابقة
وهناك حل جذري لك أنت وإخوتك أن تقدموا على جامعه الإمام حيث تم فتح باب التعليم عن بعد منذ أكثر من سنتين وتم إستقطاب جميع الطلبة بناء على رغباتهم في التخصصات ولا يوجد تخصصات في جامعه الأمام سوى ( الاقتصاد وإدارة الأعمال ، الشريعة ، الدعوة ، اللغة العربية )
ورسومها الدراسية 2500 ريـال فقط في كل ترم هذي نصيحة لك يا أخي الفاضل

**xaymans** · 09-10-2010, 10:35 PM

ناخذ حقنا منهم ويرجعون فلوسنا وننقل !

**جمرة غضا** · 10-10-2010, 11:01 PM

الله يعينكم يا اخوي

**خالد 1** · 10-10-2010, 11:43 PM

أفكر في الجيل القادم مع نظام التعليم الغبي
كيف بيكون حالهم .

**مقاطع معنده امل** · 11-10-2010, 01:24 AM

الله لايوفقهم نصابين كل ترم 3000والاختبارات تعجيزيه
انا كنت انتساب وطلعو كبدي حراميه

**xaymans** · 11-10-2010, 10:34 AM

اقتباس:

المشاركة الأصلية كتبت بواسطة مقاطع معنده امل

الله لايوفقهم نصابين كل ترم 3000والاختبارات تعجيزيه
انا كنت انتساب وطلعو كبدي حراميه

نظام التعليم عن بعد الترم تدفع 4000 وفوقها اختبار المناطق 1000 ريال

**xaymans** · 11-10-2010, 10:54 AM

اقتباس:

المشاركة الأصلية كتبت بواسطة عادل آل ابوعليان

صدقت في كل ما قلت نعم تم إلغاء القسم بناءً على قرار الاكتفاء بحجم خريجي الدفعات السابقة
وهناك حل جذري لك أنت وإخوتك أن تقدموا على جامعه الإمام حيث تم فتح باب التعليم عن بعد منذ أكثر من سنتين وتم إستقطاب جميع الطلبة بناء على رغباتهم في التخصصات ولا يوجد تخصصات في جامعه الأمام سوى ( الاقتصاد وإدارة الأعمال ، الشريعة ، الدعوة ، اللغة العربية )
ورسومها الدراسية 2500 ريـال فقط في كل ترم هذي نصيحة لك يا أخي الفاضل

ليه تجي انت ترد على موضوعي بكل برود تقول حول لجامعة الامام؟ يمكن لانك ماجربت القهر !
وليه مايكون في تخطيط من اول؟
ليه مابلغونا قبل مانلتحق بجامعتهم الفاشله وقبل ماندفع اموالنا؟
ليه صدر القرار بشكل مفاجي وعند بداية الدراسه ؟
وليه حصل الغاء التخصص بعدما اخترناه انا وزملائي, وارسلو لنا برساله تفيد باعاده اختيار التخصص ولم نجد الا تخصص ادارة عامه ؟
ليه جامعة كبيره مثل جامعة الملك عبدالعزيز لاتهتم بمشاعر طلابها ؟
ليه المسؤولين مايتعذرون على مابدر منهم من اساءه لنا ؟
ليه مايعوضونا ؟
ليه مايرجعون حقوقنا ؟
ليه الاجانب يجون من انحاء العالم يدرسون في جامعة الملك عبدالله , واحنا في جامعة الملك عبدالعزيز ندرس من تعبنا ومانلاقي الاحترام وينلغي التخصص بالهطريقه الظالمه ؟
احنا دفعه طلاب وطالبات التعليم عن بعد - الدفعه العاشره - يعني ماتوقع اننا كثيرين مره وراح نأثر على استيعاب الجامعه العريقه !

طبعا بعد هذه تقبلت الامر الواقع واعلنت الهزيمه لان ماباليد حيله وبحكم اني في الرياض اتصلت بعميد القبول والتسجيل بعدما راسلت التعليم عن بعد, بشان تحويلي لتخصص اللغه الانجليزيه لان كان من رغباتي, لكن للأسف عميد القبول والتسجيل يتهرب! ويقول بأن تخصص اللغه الانجليزيه يحتاج لمتطلبات ومعايير كالحصول على امتياز في مادة اللغه الانجليزيه,, وطبعا زملائي اللي اخترو تخصص الانجليزي صرحوا بأن لم يكن هناك متطلبات للتخص في اللغه الانجليزيه..

ماأقول الا حسبي الله ونعم

**سيل النفود** · 11-10-2010, 12:12 PM

يااخي جامعة الملك عبد العزيز طريقتهم هي استغفال الطالب حتى يعطيهم المبلغ ثم يروغون كما يروغ الثعلبي او اسرع انا الله يسلمك قدمت عليهم قبل فترة وكان عندي تاريخ الشهادة قديم لم اجده في الموقع وقبل ارسل اوراقي اتصلت فيهم وقلت ياجماعه كيت وكيت قالو لي ابد عادي حط اي تاريخ وأرسل اوراقك عبر البريد ماعليك من التاريخ وفعلت بناء على كلامهم وتعبت وخسرت ورفعت صورتي لهم مشخص مستانس بعد متابعتي للطلب شفت ايكونت تم استلام الطلب ووضع إشارة صح فرحت زيادة بعد يومين فتحت الموقع وجدة ايكونه تم رفض طلبك لأن تاريخ الشاهدة غير مطابق .

حسبي الله ونعم الوكيل فيكم وصدقت اخي الكريم الله يعينك بس من شاف مصيبة غيرة هانت مصيبته والله مصيبة عندما تقفون اما من يرغب في اتمام دراسته الجامعية

وفي الختام نقول

شكراً لجامعة الامام محمد بن سعود الاسلامية في التعامل وفي التسهيلات وفي المصداقية هذا ليس ترويج بل حقيقة .

**xaymans** · 11-10-2010, 01:05 PM

اقتباس:

المشاركة الأصلية كتبت بواسطة سيل النفود

يااخي جامعة الملك عبد العزيز طريقتهم هي استغفال الطالب حتى يعطيهم المبلغ ثم يروغون كما يروغ الثعلبي او اسرع انا الله يسلمك قدمت عليهم قبل فترة وكان عندي تاريخ الشهادة قديم لم اجده في الموقع وقبل ارسل اوراقي اتصلت فيهم وقلت ياجماعه كيت وكيت قالو لي ابد عادي حط اي تاريخ وأرسل اوراقك عبر البريد ماعليك من التاريخ وفعلت بناء على كلامهم وتعبت وخسرت ورفعت صورتي لهم مشخص مستانس بعد متابعتي للطلب شفت ايكونت تم استلام الطلب ووضع إشارة صح فرحت زيادة بعد يومين فتحت الموقع وجدة ايكونه تم رفض طلبك لأن تاريخ الشاهدة غير مطابق .

حسبي الله ونعم الوكيل فيكم وصدقت اخي الكريم الله يعينك بس من شاف مصيبة غيرة هانت مصيبته والله مصيبة عندما تقفون اما من يرغب في اتمام دراسته الجامعية

وفي الختام نقول

شكراً لجامعة الامام محمد بن سعود الاسلامية في التعامل وفي التسهيلات وفي المصداقية هذا ليس ترويج بل حقيقة .

كيف الدراسه في جامعة الامام ؟
وتحضر وقت الاختبارات فقط ؟