غيرت كفرتين ماركة قووديير
وبعد 3 اشهر غيرت الكفرتين الخلفية
وكان الفرق بينهم في العمر 3 اشهر
بعد شهرين أو اقل حبل كفر من المجموعة الأولى وغيرته بصيني لأن الفاتورة ضاعت
وبعد اسبوعين حبل الكفر الثاني وغيرته بصيني بس احتفظت فيه
وبعد شهر وشوي حبل كفر ثالث من المجموعة الثانية اخذته مع الكفر اللي قبله ورحت للشركة
كيف تتوقعوا يحسبوا العملية ؟

طبعا الكيل بميكيالين زي اي شركة او بنك او وكالة في هذا البلد المعطاء آمن للعقوبة .........
قام الفني بقياس العمق المتبقي في الدعسة واحتسب الأستخدام 46% مع ان الشوك باقي موجود وبكثرة والكفر الثاني اقل شوي
قلت اذا كان هذا مستهلك بنسبة 46% فكم عمق الدعسـة الجديدة ما اشوف فرق كبير
المفروض ما يوصل حتى 30%
طبعا رفضوا وقال المدير ان باستطاعة الفني اللي اخذ القياسات يثبت لي بالمقارنة بين المستخدم والجديد وطبعا دفعت الفرق عشان يجيبوا الجديد
وكانت المفاجأة !!!!!!!!

الموظف اختفى ومكتبه مقفل وقالوا لي دوامه انتهى علماً ان المدير كان يقول لعميل ثاني الدوام لوحدة ونص
يعني دوام هذا انتهى قبل اخوياه بـ45 دقيقة عشان يزحلقوني
ورجعت للمدير وتلوت عليه مطلع سورة المطففين وتحسبت عليهم ورحت وانا اقول

توبة من ذي النوبة
إلا GOODYEAR توبة ما أشريها لو بريال

عُلِم...!
ماني مشتريها لو مابقى في البلد غيرها ، وبعلّم أصحابي بعد .

السلام عليكم
اذا رحت تبي تقرير من شركة مضادة يبين لك******* وحماية المستهلك ماعندها لا مواصفات ولا خرابيط بس يؤثث التاجر المكتب ويزحلقون المواطن من الدريشه

للأسف ان مالك قبيل مع التجار وجشاعتهم !! وزارة تجاره اسم لافعل وغرف تجاريه والله ماأدري وش دورها !! الطاسه ضايعه

غريبة والله أنا ماستخدم إلا جود يير وماشفت تحبيل ولله الحمد
لا يكون معاد تصنيعه من كفرات مصانع دبي الخايسة ..

يوجد عيوب مصنعية في كثير من الكفرات
النوع الى يفشل في المقاييس العالمية يجيبوه لنا
احس طريقة قبل ماتشتري كفرات اذا تعرف بنشري كويس اسئله عن الكفرات الى فيها عيوب وانحش عنها

يا اخي الفاضل انت تشتكي من مين هذا الشركة احدى شركات الراشد تعرف مين الراشد هذا حكومة مثله مثل الراجحي مقومين الاقتصاد الوطني يعني الشكوى عليه وعلى شركاته في سلة المهملات الحل في المقاطعه منتجات شركاته و منها كفرات الجوديير

اناعندي سياره جيب صيني راكب عليهاكفرات جودير من بلدها الى الأن ماشفت فيهاشي وماشيه 60الف كيلو والكفرات مصنعه في الصين وممكن تمشيني40الف ثانيه وباقي ماجربت اللي عند الراشد

نصيحة من مجرب من يريد كفرات 100% لا يشتري غير بريجستون يركبها ويتوكل على الله وينساها بصراحة كفرات . هي غالية شوي بالنسبة للشركات الأخرى بس تستاهل .

السلام عليكم
لدي تجربة مع كفرات قووديير قبل كم سنة والله على ما أقول شهيد .

بعد تركيبي للكفرات بكم شهر .في يوم قررت تغيير الزيت للسيارة وقلت ودي أشوف تحت السيارة وتفاجأت بأن الكفر الأمامي من الداخل منفتح (بمعنى وجود شرخ في الكفر) وأروح للكفر الثاني وأشوف نفس الشيء والكفر الثالث نفس الشي .
رحت للشركة على طول وغيروا لي الكفرات بعد أن دفعت قيمة استخدامها كم شهر .

وبعد كذا حرمت أستخدم هذه النوعية من الكفرات .