ابي الفزعه تكفون ياعيال الديرة

**ليل وتراحيب** · 10-04-2010, 06:02 PM

السلام عليكم ورحمة الله وبركاته
اخواني الكرام انا قدمت على مكتب الزفت الي يسمونه الحمود للاستقدام بالخبر شارع 10 من بداية شهر 12 2009يعني صار لي الان اربعه اشهر وعشرة ايام تقريبا المشكله اني اروح لهم كل اسبوع او اسبوعين ويعطوني من هاذي المواعيد واخيرا قالوا وحسب الشرط في العقد انه يحسب العقد من وصول التاشيرة الى سفارة الممكلة في اندونسيا ولمن سالتهم قالوا وصلت في تاريخ 24/1/2010 كثير مره انا اعرف انه ممكن بالكثير خلال اسبوعين توصل وقد سالت اكثر من مكتب استقدام قالوا تاخذ اسبوع اسبوعين على اكثر تقدير وابغى اقدم شكوى بس ناس قالوا على الامارة وناس قالوا على مكتب العمل ... حقيقه الوضع ما ينسكت عليه لانه مو بس انا شفت ناس عندهم وربي قالوا من سنه وبعضهم من ثمانية اشهر وقريت عنهم بالانترنت شي يطلع الشيب في الراس - ليت القراءاه كانت قدام اقدم عليهم - ابي اعرف الجهة اللي ممكن اقدم عليها شكوى وش هي اجراءاتهم وش راح ممكن يسوون لهم وبعدين ماذا لو اوكلت مكتب محاماه لاني والله جالس اطبخ من الداخل على هالمكتب وكل اللي يشتغلون فيه ونصيحه لكم ان لا تتعاملوا مع المكتب فلوسهم اخذوها والله على داير مليم من اول يوم بس اقول حسبي الله عليهم ونعم الوكيل واسال الله العظيم رب العرش الكريم ان يجعل الفقر بين اعينهم وان لا يمتعهم بما يتمتع به عامه وخاصة المسلمين قولوا امين لاتنسون تقولون لي الجهة المسؤله عن زي هيك مكاتب خايسه مع التحيه ويشهد الله على كل ما اقول

**جمرة غضا** · 10-04-2010, 06:12 PM

حياك اخوي
عندنا كم عضو كتبوا عن مكتب الحمود !

هنا
رد على كل اتهام لمكتب عبد العزيزالحمود بالخبر لأستقدام

مكتب عبدالعزيز الحمود بالخبر ‏(

1 2 3)

الحل ممكن يكون هنا اضغط
اوفوا بالعقود ....كيف نتعامل مع مكاتب الاستقدام التي لاتلتزم بالعقد .(1) ‏(

1 2)

**ليل وتراحيب** · 10-04-2010, 07:13 PM

اختي جمرة غضا
اسعد الله اوقاتك بكل خير وبارك في عمرك وجهدك ولا حرمك من الاجر
من بكره او بعده باذن الله تعالي على المحكمة الجزئية ان كان لنا في العمر بقية بس اتوقع انهم راح يحيلوني الى الاماره اولا او مكتب العمل وعن طريقهم يحال الامر الى المحكمة الجزئية اولا
وثانيا انا طابت نفسي من المكتب ولست بحريص على اكمال اجراءات الحصول على الخدامه عن طريقهم لانه عندي احساس انها ماراح تجي الى ماشاء الله وارغب بمقاضاتهم عن التماطل والتاخير ودي عطيهم راحتهم شهر شهرين وامشي معهم الى اخر المشوار وابي في نفس الوقت اقدم على خدامه - (الحرمه حامل وراح تولد خلال شهر بالكثير انشاء الله )-عن طريق مكتب اخر بس اخاف تجي خدامة المكتب الاول اقعد بها وش اسوي بخدامتين في البيت اقول هل ممكن اوقف اجراءات استقدام الخدامة الاولى واقاضي المكتب على المماطله ولا ودي اخلي لهم عليه طريق انه السبب كان انا الي انهيت اجراءات الاستقدام ارجو التكرم بالرد تحياتي