استفسار عن قطع سيارات هوندا - الفزعة

**مقاطع بن علي** · 12-02-2010, 11:09 PM

السلام عليكم ورحمة الله وبركاته
أخوي معه سيارة هوندا أكورد 2006 وصار معه حادث بسيط ولله الحمد

المطلوب اصلاحه :
زجاج أمامي - كبوت - رفرف

ويريد يسألكم : هل يوجد قطع غير التي في الوكاله ؟ ( لأنها غاليه )

كذلك أعطاه أحد الأشخاص رقم شخص يقول عندهم قطع أرخص من الوكاله
وبالفعل اتصل عليه وحصل( كبوت ) 200 ريال وفي الوكاله فوق 1400 ريال
الزجاج فوق الألف وموجود بالسوق زجاج سعودي 350 ريال

وش رايكم بالقطع هذه هل ياخذ منها أم لا ؟

اللي عنده معلومات لايبخل علينا
وجزاكم الله خيرا

**سنايدي** · 13-02-2010, 10:17 AM

انا شخصيا معي سيارة هوندا ما أشتري القطع الا من محل هوندا السبيعي الي في صناعية أم الحمام أسعاره مره حلوه وتعاملهم راقي.

**مقاطع بن علي** · 13-02-2010, 04:40 PM

الله يعطيك العافيه أخوي ( سنايدي ) ومشكوووووووور

ولو تكرمت إذا مافيه كلفه تعطيني رقم المحل لأنني لست من الرياض

**LiL CAT** · 14-02-2010, 02:04 PM

خذ الكبوت و الرفرف بأرخص قيمه تلقاها لأنها قطع خارجيه و معرضه للتلف بأنواعه

القزاز لازم تاخذه أصلي علشان التمويج حق التجارى يضر العين على المدى البعيد و بالحوادث لا قدر الله نسبة الحمايه حقه معدومه تماماً و تركيبه لازم له من معلم خبره علشان مشاكل دخول الهواء و الأصوات و تهريب البروده حق المكيف .

وقت تركيب القزاز أشرط على اللى يركبه استخدام غراء ألمانى و أتأكد يا تقرا العلبه يا تشتريها بنفسك , هذا يفكك من من صداع واجد و سعره بزياده عن التقليد 15 ريال على الأكثر

و بعد التركيب أصلب السياره تحت الشمس يوم ولا اثنين علشان ينشف الغرا و يمسك مزبوط

خلاصة تجربتى الشخصي ترا
موفق ..

**مقاطع بن علي** · 15-02-2010, 10:22 AM

مشكور أخوي LiL CAT على هذه النصائح القيمة
يعطيك ألف عافية

**مقاطع عنيد** · 21-02-2010, 09:13 AM

سلام عليكم

اول شيء الحمدالله على سلامة اخوك

انا زيك ادور لسيارات اخويا هوندا اكورد 2006 قزاز حق الراكب السياره واقفه قدام البيت تقريباً الساعه 5 الفجر احد كسر القزاز وسرق المحفظه + كان بيحاول يسرق قطعة النيكل الموجوده بالشكمان

سعر الشركه قبل الخصم بــ952 ريال وبعد الخصم يؤصل من لفرع الى فرع 850 ريال بالشركه
(758 ريال علشان قدمت شكوى ) واذا رحت لمحل وخليته يطلب لك القطعه وتدفع عربون 100 ريال مثلاً اعتقد وصل معاي 762 ريال وبالتشاليح ببريمان لقيت قريب من سعر الوكاله وسعرت المستعمل اذا مررره من 300 ريال الى 200 ريال ويمكن اقل التجاري معى التركيب بــ150 ريال

اولاً شيء سجل سعر الوكاله سعر الاساسي وبعد الخصم اتصل على كذا فرع .
ثانياً روح محلات القطع لهوندا واطلب القطع وشوف كم يحسبوها لك بعد يا يطلوبها من الشركه روح كذا محل . كلها مجرد اتصال وبعدها انزل التشاليح اذا بجده شوف تشاليح بريمان وعندك قويزا سعرهم كلهم ما اقدر احدد لك احسن تشليح سعرهم كلهم علشان بالنهايه ترتاح وتأخذ شيء يستاهل السعر ونظيف

تشليح النهدي بقويزا 026209995 او عندك موقع مصدوم دت كم بقسم ملاك التشاليح وبعده اقسام التشاليح للمناطق الغربيه والوسطى والجنوبيه دق على اللي بمنطقتك

نصيحتي لك سعر قبل الشراء وبطريقك اذا لقيت معاك قزاز حق الراكب لا تنسانا