السلام عليكم ورحمة الله

اليوم وبعد صلاة الجمعة توجهت لشراء (مقاضي ) البيت وكان من ضمنها



المهم

كان خبري به قبل فتره بـ 280 ريال وكان قبلها بـ 320ريال

ويوم سألت راعي المحل وهو نفسه البائع وهو (شايب سعودي )
سألته بكم ؟
قال :250 ريال .
قلت في نفسي ياذيبان لاتفوتك الفرصة
طاح من السعر القديم 30 ريال

المهم مالكم في الطويله
توكلت على الله وشريته .

سألته عن السكر الخشن
قال :ماعندي

رحت لمحل ثاني علشان السكر

دخلت وإذا بالبائع السوداني

وبعد السلام
سألته :عندكم رز أبو كاس ؟
قال : أأأأأأأأأأأأي
قلت : بكم ؟
قال: 240
قلت في نفسي : أمحق ذيبان
قلت : طيب عندك سكر خشن ؟
قال: واللهي مافيه .

بعدها خرجت وأنا مغبون من ذاك الشايب اللي لطش مني 10 ريال

وتذكرت كلام أبوي زمااان لما قال : إذا بغيت تشتري الحاجه (سَعرها ) من كذا محل

بعدين أشتر

بعدها رحت لمحل ثالث ودخلت ولقيت البائع باكستاني

وبعد السلام سألته عن عن السكر الخشن !!
قال: موجود .
قلت : بكم
قال: 140 ريال
قلت : كممممممممممممممممممممم !!!!!!!!!!!!!!!
قال: هذا سكر في غالي

قلت : ياعمي قبل حوالي شهرين ماوصل 100 ريال
والحين 140!!؟؟؟؟
قال: السكر كل يوم هو في زياده سعر .
قلت في نفسي طيب خلني أختبره وأشوف هو صادق في الأسعار وإلا نصاب
قلت : عندك رز أبو كاس ؟؟
قال: موجود
قلت بكممممممممممممممممممممم ؟؟؟؟؟؟؟؟؟؟؟؟؟؟
قال: 245ريال بس

قلت في نفسي وأنا أطلع فلوس السكر

البضاعة واحدة
السعر مختلف !!؟؟؟

ياللعجب

واسف على الإطالة

نعم هذا الحاصل وكل محل تروحله زي البنشار لجيت تغير زيت او اذا تبيلك مواد سباكه او مواد غذائيه

وتذكرت كلام أبوي زمااان لما قال : إذا بغيت تشتري الحاجه (سَعرها ) من كذا محل

بعدين أشتر

هذا مهوب كلام
بل تعتبر قاعدة ذهبية لفن الشراء
ادعي لابوك بالجنة وامش على نصيحته
---------
اختلاف السعر ناتج عن قل الرقابة
الكل يتلاعب حتى يحقق ربح اضافي
لا تستهينوا حتى بالريال

اكثرالسلع بأختلاف انواعها لابد من اختلاف في السعر من محل لآخر
ليش مايصير فيه توحيد للاسعار؟؟؟؟؟؟؟؟؟؟؟؟؟؟؟؟؟؟؟؟