لي ثلاث سنين ( قصدي سنتين ) ماجاني خبر وآعنا قلب المولع وآعناهـ

**أبو محمد 1395** · 28-11-2009, 11:17 PM

بسم الله الرحمن الرحيم

نهاية عام 2007 لميت لي قرشين وكنت أبغى أشتري سيارة ، وخذيت وآحد من الزملاء فــــــــــاهم في السيارات وركز على كلمة فاهم !

ورحنا للوكالة وبغيت أشتري فورتشنر 2007 وشاورت الرجال وقال لابأس به وقد فلوسك بس لا تآخذ الا السته سلندر والقير تماتيك

وقلت له شورك من هداية الله

وأخترت اللون الأبيض

ويوم جينا للجد والمفاوضة مع موظف العملاء مسكني خويي على جنب وقال لي صادق أنت بتشتري قلت أجل وش هو له جايين

قال وين خلوها تصدي

مدري كيف أقنعني بمبدأ المقاطعة ولا أخفيكم أقتنعت لأنه فعلاً أسعار مبالغ فيها وسرقه عيني عينك

ومن ذاك اليوم وأنا صابر على الكامري الضيقة مره على أسرتي ولا أنتهت المقاطعة ولا أنخفضت الأسعـــــــــــــــار

الان قررت أشتري سيارة جيب ولا أريد أشتري مستعمل ولا أريد مخالفة خلوها تصدي

شورو علي وش السواة !!!

والله يرعاكم

**يارب عفوك ورضاك** · 29-11-2009, 05:49 AM

الحين الوكالات ترفع اسعارها
والسبب: الكارثه اللي صارت بجده (الله يرحم جميع اموات المسلمين)

زاد الطلب على السيارات والعرض قليل

**جبال نجد** · 29-11-2009, 11:18 AM

بالنسبة لنا كنا منظمين للمقاطعه ولكن ضيق السياره لم تتحمله الاسره فاضطريت ان اشتري سياره اكبر في شعبان الماضي0 لو ان السياره القديمه كبيره ماغيرتها ولكن ازدياد عدد الاسره جعلتنا نضطر لتغييرها 0

**mr_saad** · 29-11-2009, 03:51 PM

اقتباس:

المشاركة الأصلية كتبت بواسطة صمعه

الحين الوكالات ترفع اسعارها
والسبب: الكارثه اللي صارت بجده (الله يرحم جميع اموات المسلمين)

زاد الطلب على السيارات والعرض قليل

ابدا اخوي معظم اللي تضرروا من الكارثة ان لم يكن جميعهم اناس بسطاء ليس لديهم القدرة على شراء سيارة جديدة ...
والدليل لاحظ انواع وموديلات السيارات المتضررة ....

الله يكون في عونهم ....

**المستعين بربه** · 29-11-2009, 11:28 PM

للظروف أحكامها ، و انت مضطر ..

**يارب عفوك ورضاك** · 30-11-2009, 05:33 AM

اقتباس:

المشاركة الأصلية كتبت بواسطة mr_saad

ابدا اخوي معظم اللي تضرروا من الكارثة ان لم يكن جميعهم اناس بسطاء ليس لديهم القدرة على شراء سيارة جديدة ...

والدليل لاحظ انواع وموديلات السيارات المتضررة ....

الله يكون في عونهم ....

يا أخي لاتغرك المظاهر الخداعه.
إحنا كشعب سعودي نحب المظاهر والفشخره الفاضيه . نشتري اي شي جديد . ومادام الشغله بها تقسيط مو مهم.

صدقني اعرف واحد من اصحابي لامتوظف ولا شي .(جالس بالبيت)
اشترى سياره جديده وتقسيط . ولما كلمته من فين بتقسط .قال: ربك ماينسى عباده.

************************************************** **********

وانا كنت اقصد بكلامي السابق ان التجار مايصدقون اي شي يحصل بهالبلد سواء كان جيد او سيء عشان يرفعون من اسعار بضاعتهم ويقولون احنا متضررين زيكم .

**LiL CAT** · 19-12-2009, 08:51 PM

محترمك و نارك نار الكثير منا
إذا ولا بد ,, أشترى مستعمل من ثقه " تعرفه و يعرفك "
أو خذ الكيا الجيب سنتين بجيبك و بعد كده يحلها ألف حلال " يا ترمرمها يا تبيعها "

بس أهم شئ و حط تحتها خط : لا تفرط بسيارتك الحاليه لو إيش ما يصير

**اول واحد** · 20-12-2009, 10:01 AM

اخوي الله يسهل امرك اذا تبي اشتر سيارة استعمال امريكي

يوكن ولا تاهو من موديل 2006 الى 2003

انا مثلك دورت في المعارض الي في الرياض

اهم شي خذ رقم الشاصي للسيارة واطلب تقرير من موقع كار فلكس اظن اسمة زي كذا

فية شباب يقدمون الخدمة مجانا وبعضهم ياخذ 20 ريال المهم

لاتحمل نفسك ديون الدنيا كل يوم بزيادة

والحمد لله معي يوكن 2003 دبل وفتحة ومركب شاشة GPS وفديو امن ابدع مايكون

**Abu Hmaid** · 16-01-2010, 04:34 PM

يا بويا روح اشتري بي أم ولا مرسيدس حتى لو موديل قديم شوية بس ما تكون ماشية زيادة، تلاقي الرفاهية والاضافات اللي في ال بي ام ال2000 احلى من الياباني ال 2009 على ظمانتي

**ابو عواد** · 16-01-2010, 05:44 PM

فعلا انا سيارتي صدت كل شهر وهي بالصناعيه بهذلتني بهذله للعلم انها ليس قديمه بس هذا نيسان شركه فاشله ابستنا لين 2011 سوا ترخص ولا تغلا