بنات ......كفتريا جامعة الامام (النفل)مادري وش فيهم انهبلوا واقعدوا

تصدقون اختي راحت الاسبوع اللي راح للكفتريا بتشتري حلويات (جالكسي سنكرز بونتي )لنا هديه

يوم قالت للموظفه (سعوديه)وش فيه عندكم

قامت قشت من حلاو مقصفهم من كل نوع وحده وحطتهن قدام اختي

الى هنا ياسلام

اخذت اختي بوكها تبي تعطيها الفلوس على اساس ان كل حبه بريالين ونص

قامت قالت الموظفه الحبه بربعه ( ب4 ريال)

خييييييير وش يبون ذولا انهبلوا صدق

يعطونا هالمكافئه من هنا ويلهطها هالكفتريا من هنا

بس ماقلت لكم وش سوت اختي الله يبيض وجهها

دخلت فلوسهها ببوكها وقالت خلاص شكرن

تقول اختي قعدت تناظرني نظرات احتقار (يعني عقب ماطلعتي فلوسك ترجعينها)

بس احسن اختي عطتها ركبه

ايه هذا اللي متعودين عليه ان الوحده عقب ماتطلع فلوسها لو يقولون لها ب500 عطتهم تستحي ترجعهم

بس حنا اللي نستحي مادري ورى هم مايستحون ينهبونا وعيوننا طايره

ووصلني خبر ان العصير (بالبطحا)ب4 ريال مادري عاد صدق والا لا

ياليت اختي سألتها عن العصير بس ياعمري انصدمت وانحاشت

من هالمنبر اطالبكم يابنات تبدون بالمقاطعه من اليوم حتى لو كنا نقدر ترى فيه عالم مايقدرون

وعلى الله ثم على هالمكافئه

وخوذوا فسحكم من البيت وعلى قولت وحده بمنتدى الجامعه روحي لاقرب ماركت واشتري

كرتون عصير وكرتون حلاو وبطاطس وسندوتشات هرفي واحشيها

شرط ماتكلف 80 ريال شهريا

واللي بتشتري منهم الله يعينها لو هي على المكافئه بقريح

بس وش تسوي بطوابير الدَيانه اللي عند بابهم

انشر رررررررررررررررررررررررر تؤجر ررررررررررررررر ررررر بإذن الله



========================
كما وصلني
ونعم بهذه الفتاة واعلانها للمقاطعة
قاطعوا كل من رفع أسعاره ..
البدائل موجوده ومتوفره ..

سنكرس توكس جلكسي

الله يكرم النعمه

الحبه بريالين ونص على ويش!!!!

انا من صار بالدعوى انصاف وانا تاركهم اصلا اسناني متسوسه.

وشلون لو صار باربعه

تدرون مكمن المشكله؟؟

المشكله ان فيه هبل يشترون وما همهم

ايه هذا اللي متعودين عليه ان الوحده عقب ماتطلع فلوسها لو يقولون لها ب500 عطتهم تستحي ترجعهم

بس حنا اللي نستحي مادري ورى هم مايستحون ينهبونا وعيوننا طايره

صحيح والله ، بس المشكلة لو معك واحد وتبي تباشرله وتعزمه (قسما بالله صعبة ترد فلوسك لمحفظتك)

كرتون عصير وكرتون حلاو وبطاطس وسندوتشات هرفي واحشيها

شرط ماتكلف 80 ريال شهريا

صح كذا الاقتصاد ولا بلاش وأسواق تموينات (الجملة) في كل مكان ، بس للأسف هالأغراض مواد حافظة وغير صحية

ووصلني خبر ان العصير (بالبطحا)ب4 ريال مادري عاد صدق والا لا

مدري والله وش تقصد الأخت ؟ هل تقصد علب العصير أبو ريال تباع بأربعة ريالات ؟ ولا تقصد عصائر المطاعم والبوفيهات ؟

عموما حتى شركة الخليج للتموين - الشركة الممونة لجامعة الملك سعود - برضو حرامية وأسعارهم غالية

حسبي الله على هالتجار عيونهم حتى على مكافآت الطلاب

شكرا جمرة غضى على النقل بارك الله فيك

المشاركة الأصلية كتبت بواسطة يوسف بن أيوب

سنكرس توكس جلكسي

الله يكرم النعمه

الحبه بريالين ونص على ويش!!!!

انا من صار بالدعوى انصاف وانا تاركهم اصلا اسناني متسوسه.

وشلون لو صار باربعه

تدرون مكمن المشكله؟؟

المشكله ان فيه هبل يشترون وما همهم

لانهم لا يعلمون عن المقاطعة ودورها في خفض الأسعار
انشروا ثقافة المقاطعة ومفهومها
قاطعوا كل من رفع سعره

المشاركة الأصلية كتبت بواسطة المهندس مقاطع

صحيح والله ، بس المشكلة لو معك واحد وتبي تباشرله وتعزمه (قسما بالله صعبة ترد فلوسك لمحفظتك)

صدقت وهنا تجد أن القهاوي والمطاعم تستغل هذه النقطة
وخاصة الكافيهات ..
وننبه هنا أن الكافيهات
إذا لم يرفعوا السعر بشكل صريح .. عمدوا على الغاء الكوب الصغير ويجبرونك على الكوب الكبير أي تدفع أكثر




صح كذا الاقتصاد ولا بلاش وأسواق تموينات (الجملة) في كل مكان ، بس للأسف هالأغراض مواد حافظة وغير صحية

إن كان للغلاء المعيشي حسنة
فحسنته الوحيدة أنه زاد من وعي المواطن
المقاطعة لا تعني" الـحرمان " بل ابحث عن البديل
"منتج اخر.. أو التسوق من محل آخرى"
ومثلك
أنا لا أشجع على هذه الأطعمة الفقيرة بالمغذيات ..
فهي "سعرات فقط "


مدري والله وش تقصد الأخت ؟ هل تقصد علب العصير أبو ريال تباع بأربعة ريالات ؟ ولا تقصد عصائر المطاعم والبوفيهات ؟

وعند جهينة العلم اليقين
الأكيد أن طالبات هذه الجامعه يعلمن

عموما حتى شركة الخليج للتموين - الشركة الممونة لجامعة الملك سعود - برضو حرامية وأسعارهم غالية
رفع أسعار واغذية فاسدة
https://www.mqataa.co/vb/showthread.php?t=19615

حسبي الله على هالتجار عيونهم حتى على مكافآت الطلاب
لم يسلم الطفل الرضيع منهم اشتركوا معه بشرب حليبه !

شكرا جمرة غضى على النقل بارك الله فيك

حياك مهندس