اذا انت مُصرّ على شراء سيارة جديدة فإليك الحل .

**nail** · 07-08-2009, 02:46 PM

السلام عليكم ورحمة الله وبركاته

هل تملك قيمة السيارة كاش ؟

اذا كانت اجابتك نعم ...

اذهب واشترها من المعارض بسعر ارخص وفرصة افضل ، يعني على افتراض سيارة قيمتها 160 الف وتجدها مستخدمة شهرين او ثلاثة وقيمتها 145 الف
15 الف انت تستحقها اكثر من غيرك والسيارة بحالة وكالة ولافرق بينها وبين الوكالة .

أما اذا كانت اجابتك لا ..

يعني تبي تسلم رقبتك للاقساط الشهرية وشوف شهرين ثلاثة يطيح من سعرها بشكل عجيب .
يعني لو تبي تبيع السيارة (ممكن ) تكتشف ان الفارق مبلغ كبير ويعتبر خسارة وانت قاعد تقسط شهريا مبلغ قوي

الحل في اذا انك مجبور تشتري سيارة بالاقساط وماعندك كاش :

ارى وكل شخص له رأيه :
انك تاخذ مبلغ بسيط (تمويل من بنك سلفة من شخص او تمويل من شخص )تشتري سيارة مستخدمة ونظيفة وتمشيك واحمد ربك واقساط اقل واخف واقصر في المدة .

وعلى فكرة السيارات المستعملات دائما اذا اشتريتها بسعر السوق الحقيقي لها دائما يكون سعرها واقعي واذا فكرت تبيعها تجد ان خسارتها مناسبة ومعقولة بعكس سيارات الوكالة .

والسلام عليكم ورحمة الله وبركاته

**جمرة غضا** · 07-08-2009, 03:33 PM

هلا بك... صدقت
الجديدة شهرين وتصير قديمة ولا ينوبك منها إلا خسارة فلوسك

**قوانين** · 07-08-2009, 04:12 PM

كلامك سليم 100%

وازيد على كلامك انك اذا كنت حاط في بالك تشتري سياره بـ 100,000 ريال جديده

راح تلقى نفس اللي بتشري لكن بمواصفات اعلى بنفس مبلغك الشرائي وفرقها عن الجديد 20,000 ريال

**محمد1988** · 07-08-2009, 05:53 PM

من طرد الجديد تعب وخسر

**مقاطع بمعنى الكلمه** · 07-08-2009, 09:42 PM

^
يقولك قديمك نديمك ولو جديدك اغناك

**panadol** · 08-08-2009, 12:12 AM

والله يا اخواني اني كنت ناوي التيما جديده فل كامل 6 سلندر

بس انصدمت بقيمتها اللي تجاوزت 100 الف ريال

واستخرت وشريت سياره مستعمله بقيمة 25 الف ريال نظيفه وتمشيني ان شاء الله 3 سنوات واكثر

بلا جديد بلا بطيخ ^_^

**أبو ثامر** · 08-08-2009, 12:47 AM

بعض الأحيان عيال عبد اللطيف اللي في السوق وهم الشريطية عليهم أسعار على القرنبعات

تفوق التصور حرام والله حرام

السيارة لابد منها

**مقاطع نشيط** · 08-08-2009, 01:35 AM

حبيبي انا سمعت ان السيارة بعد السنة الاولى يطيح من قيمتها حوالي عشرين في المية وفي السنة الثانية يطيح من قيمتها اربعين في المية يعني الغالي في المستعمل هو الموديل الجديد للسنة الحالية والموديل الي قبله بس لاكن اذا فكرت تشتري سيارة فاشتر قبل سنتين من اخر موديل ستجدها جديدة وسعرها معقول اما الجديد فانا ارى انه سعر مبالغ فيه جداً جداً

وسلامتكم

**مقاطع بن علي** · 08-08-2009, 02:30 AM

ابشركم شريت سيارة

بس مو مصدية

فورد 2001 بـ 35ألف ريال أحسن من سياراتهم المصدية

سعر معقول وسيارة تقوم مقام الجديد ( عفواً المصدي )

وراح نواصل المسير حتى تصدي روسهم المليانه جشع وطمع

ادعو لي بخيرها

وخلوا سياراتهم تموت من الصدأ

**paramdic** · 08-08-2009, 02:52 AM

سيارتي لها معاي خمس سنوات 2002شريتها مستعملة 38الف والحين اكلتني بالطلبات ودي اغيرها وعندي قرض باقي فية 33الف 1555كل شهر والله يعين من ثلاث سنين وانا اسدد وودي اجيب لي سيارة غيرها ايش تشيرون علي يااخواني تكفون والله ابي راي سديد