سلام يا رجال


ياطويلين العمر انا شخص قدر الله علي اني اكون سعودي ..


موظف براتب معقول الحمد لله , وماعندي سياره .. ولا حبه ,


وفي يوم من الايام شفت لي شخصه حلوه وطلقه واهلها طيبين وعاجبتني مره , اسمها بورش بنت كايين ال المانيا , طبعا لما شفت ان الشركه بورش توقعت ان السياره بتكون غاليه فـ قلت ياولد لا تاخذ نوع عالي ووفر فلوسك , وخذ اقل نوع او النوع اللي فوقه , المهم يوم ورى يوم وانا ابني امالي اني اخذها وافوز بقلبها ,قصدي محركها , وقلت ياولد لازم تفر النت شوي وتشوف الاسعار ..


لما شفت الاسعار في امريكا باشرت في تأدية طقوس العرضه السعوديه لأن الاسعار كانت معقوله .. 2008 مستعمل نظيف اقل نوع تقريبا يتراوح مابين 130 الى 180 الف ريال ماكس .. << لاحظ اني قنوع ومسكين وراضي بالمستعمل تمام الرضا لو اشيله على ظهري ..(بس ما يكون خربان) .. المهم قلت الخطوه القادمه اني اروح الوكيل في جده واشوف بكم .. ورحت الوكاله ومن كثر الفرحه اخذت معي تفاريق في جيبي على بالي اني باخرج متأبط كفر الكايين ..



تفاجأت يا جماعة الخير ان المستعمل غالي بشكل مخيف .. 2008 ماشي ((60 الف
))بـ 230 الف ريال سعودي .. و2009 (اس مو اقل نوع)مدري كم ماشي بـ 300 الف ريال سعودي ..



والجديد يبدأ بـ 300 الف تقريبا ويمر بأسعار خياليه توصل للـ 500 ويمكن تتعداها ..


بعدها جتني صدمه نفسيه لدرجة اني بغيت اشتري شيول واستخدمه كسياره خصوصي لكن رجعت لرشدي ..


وبما ان هذا المنتدى الجميل اللي يدل على بدء الوعي عند المستهلك السعودي اللي نتفوه الهوامير , ملئ بالشريطيين والشيبان واصحاب الخبره والحنكه والدهاء حاب اتشرف بمعرفة آراءكم في الموضوع وايش رايكم لو اخذه من برا .. وايش السلبيات والايجابيات ..

وهذي الروابط للاسعار في امريكا(لاحظوا كم ماشيه) :

http://cgi.ebay.com/ebaymotors/Porsc...#ht_500wt_1189



http://cgi.ebay.com/ebaymotors/Porsc...t_19208wt_1172



http://cgi.ebay.com/ebaymotors/Porsc...ht_9879wt_1172


وهذي بيتين لكم


يا ربعنا العالي الصروح في عيشتك عز و هنا
و المجد في أرضك يلوح يا ربعنا يا ربعنا




وهذا علمنا وسلامتكم ..

الله يسلمك رأيي اذا وجدت من تثق به فالخارج لاشك افضل

خلي تجارنا يشبعوا و يغصوا ببضايعهم.

إن عندك وسيلة أو طريقة للحصول على إحتياجاتك من الخارج و بأقل الأسعار فتوكل على الله.

بس بصراحة .. خسارة البورش في شوارعنا .. خصوصا لو إنت في جده.

خذ لك همر عسكري أو نصف مجنزرة يادوب تمشي.


على العموم .. إليك هذا الموضوع لعله يفيدك في بحثك:

موقع استيراد السيارت‏

والله يعطيك خيرها ويكفيك شرها مقدما.

اهلين عبودي ...

عندي لك .. بورش كايين اس ..
8 سلندر
2004
ماشي 79000 كم
السعر 133000 ريال

للمزيد من المعلومات راسلني على الخاص

تراني ماني شريطي .. بس الموتر للبيع

هذى موقع مزااد و انا اخوك و السعر واصل للبورش الاول موديل 2008 -- 6 سرندل 30 الف و انت اذا عاجبك ممكن تزيد و بعدين صاحب السياره يشوف عااد يرضيه السعر ولا لا

عموما ربي يكتب لك اللي فيه الخير والصالح