مكتب عبدالعزيز الحمود بالخبر

**أبوريتال** · 10-06-2009, 01:51 AM

السلام عليكم ورحمة الله وبركاتة
أخواني في هذا المنتدى الرائع أحب أن أتكلم في موضوع مكتب عبدالعزيز الحمود للاستقدام
بلخبر في الشارع 10 وما فعل لي من معانة أستقدام خادمة من الفلبين ..
بداية القصة ..
رأيت أعلان هذا المكتب في أحد الجرائد وتم الاتصال علية وخبرتة أنني أود بستقدام خادمة فلبينية
وقال لي أنت (حظك حلو ) اليوم في عرض عندي أستقدم لك الخادمة ب 6500 أعجبني العرض
ويا ليت ما أجبني قال لي اخر يوم اليوم في العرض ذهبت بسرعة من الدمام الي الخبر وتم كتابة الاتفاقية وتفق على أن راتب الخادمة 800 ريال وأول شهر ما أدع لها راتب والمدة (120يوم)
ومرت الايام وساعت وأنا وزوجتي نعد الايام أنتهت 120 يوم أتصلت على هذا المكتب وقال لي معاملتك في السفارة بكرة بتخرج من السفرة وسوف تأتيك الخادمة بعد أسبوع قلت لة خير أنشاء الله أنتها الاسبوع أتصلت علية الي هو عبدالله الحمود قلت لة ها يا عبدلله بشر خلص الاسبوع متى موعد الوصول قا لي بعد ثلاث ايام انتظر اتصال من عندي اخبرك متى بتوصل الطائرة ..
وتم مسلسل المماطلة اسبوع بعد سبوع يا رايح من الدمام الي الخبر اشوف الموضوع ويا جاي ..
وسوبع يسحب اسبوع حتى وصلنا لشهر السادس من كتابتة التفاقية يعني زيادة 3 شهور وهو يماطل فيني ذهبت لها بعد ما فاض الكيل وقلت لة انا ما ابي خادمة من عندكم عطني الفلوس 6500 وعطني الفيزا قل لي انا بعطيك خادمة بديلة لين تصل خادمت قلت يلله عطني قال لي تاعل بكرة العصر وتكون الخادمة جاهزة قلت خير انشاء الله ورحت ابشر زوجتي فرحان انة بيعطينا بديل
جا بكرة ورحت لة قال ما عندي الحين خادمة بديلة تعال لي بعد سبوع قلت لة عطني فلوسي ما ابي خدم منكم قال لا انت صبرت وراح اخدمك مراح اضيع صبرك قلت ما ابي ابي الفلوس والفيزا ..
قالي دقيقة اتصل على المكتب الي في فلبين ولا ادري صادق ولا كاذب ووبعدها قال بكرة خادمتك بتوصل الساعة 10 المساء رح المطار وستلمها قلت خير انشاء الله بعد ما خرجت منة بساعة اتصل علي وقال اسف خادمتك بتوصل بعد سبوع وتم مسلسل المماطلة حسبي الله ونعم الوكيل على هذا الشخص ومماطلة حتى وصلنا لشهر الثامن بعدها ذهبت له المكتب وهددتة اني سوف أشتكي علية في الغرفة التجارية قال لي لا تشتكي ولا شي قلت له اكتب لي تعهد بموعد الوصول وكتب لي انة يتعهد بوصول الخادمة بعد سبوع واذا لم تصل سوف يرجع البلغ والفيزا وتعويض حسب الله علية ..خلص اسبوع رحت لة عبدالله ما جات الخادمة اعطني الفلوس وتعويض قا ل لي ابشر ولا يهمك عطني رقم حسابك وحول لك الفلوس بعد نص ساعة قلت له خير انشاء الله طبعا ما حول الفلوس ولا شي بعد يوم اتصلت علية ودعيت علية وهددتة بلغرفة التجارية حوليني على واحد اسمة بو عبدالله أرجل أخلاقة وأسلوبة ونعم فية وقلت له السالفة قال لي بكرة الفولس بحولها على حسابك وتعويض قلت خير انشاء الله جا اليوم الثاني وتصلت علية الي هو بو عبدالله قال لي تعال المكت وجب معك الاتفاقية والتعهد وستلم افلوسك رحت لة طبعا عطاني 6500 تعويض ما عطاني قلت في خاطري مو مهم اهم شي جت الفلوس من ناحية ومن ناحيت الفيزا قال لي رح مكتب العمل وستخرج بدل فاقد يعطونك على طول ..
وفعلا رحت مكتب العمل وستخرجت فيزا وسألت مكتب العمل هل الفيزا استخدمت يعني دخلت السفارة قال لي ولا شي يعني عبدالله الحمد كان يكذب علي كذب في كذب حتى انة من مماطلتة لي يكذب ويقول الخادمة الي حجزنها لك فيها فلونزا الخنازير وراح نبدلها لك ههههههه
كذب في كذب مريت في أنواع المماطله وأشكالها كلها ما ابي الطول عليكم وأذكر هذي الانواع من المماطلات والكذب
يعني مر 8.5 وانا في دوامة مع هذا المكتب المماطل
أنصحكم أنكم تقاطعون هذا المكتب وعشان ما تمرون في الي انا مريت فية
والله على ما أقول شهيد
وأي أحد يبي يكلمني على الجوال يراسلن على الخاص وعطية رقمي
تحياتي لهذا المنتدى الخادم لنا

**nabiel** · 10-06-2009, 07:25 AM

كلهم (تقريبا
) كده

**عادل الدويحاني** · 10-06-2009, 07:35 AM

ياالله...؟

هذا مايستحي على وجهه..

اجل انفلونزا الخنازير هههههههههههه

طيب ليه كان يكذب..؟ اذا ماعنده يقول ماعندي

اذا مايقدر يقول ما أقدر

الحمد لله وانا أخوك رجعت لك فلوسك.. غيرك يروح حقه

وهو يناظر ولا يقدر يسوي شي

**ابو عبدالله 2009** · 10-06-2009, 08:12 AM

حياك الله ابوريتال في المنتدى ... وأسعدنا انضمامك ...

واشكرك جزيل الشكر على طرحك لمعاناتك مع مكتب الاستقدام ... وتحذير القراء والزوار من التعامل معه .

اتمنى من الاخوة الكرام ان يذكروا اسماء مكاتب تضرروا منها حتى نجمع هذه المواضيع في قسم او موضوع

خاص للتحذير من مكاتب الاستقدام ... لان دورنا ومهمتنا في هذا المنتدى توعية وتثقيف المستهلك ...

تقبل تحياتي

**جمرة غضا** · 10-06-2009, 09:55 AM

المفروض وزارة التجارة تضع عدد معين من المخالفات والشكاوي أن تجاوزها المكتب يغلق نهائيًا
حسبي الله عليهم . ..أجل انفلونزا خنازير !

**أبوريتال** · 10-06-2009, 11:35 AM

شكرا على مروركم وأشكر أخوي أبو عبدالله 2009 ومثل ما قلت أخوي يا ليت يذكر الاخوان اسماء المكاتب
تحياتي لكم

**ابو عادل22** · 10-06-2009, 01:53 PM

هذا المكتب واشكاله يستاهل المقاطعة ،، وانا ادعم اقتراح الاخوان ان كل واحد تضرر من مكتب استقدام انه يذكر اسمه بالمنتدى

**بندوري** · 10-06-2009, 03:08 PM

بس انت ماخذت حقك منه كيف ماطلك ها الفترة وسكت عليه
ارجع له وعلمه بكذبه وهدده بغضحه وفضح مكتبه
مينفع تاخذ فلوسك وتمشي
وراعي المكتب رجل بدون وجه اصلا ولافيه ذرة رجولة ولا خوف ولاحياء

**Abo thamer** · 11-06-2009, 02:30 AM

ارجو قراءة ما جاء في هذا الموضوع للعضو مواطن بالباطن لتعرف كيف تحصل على حقك

https://www.mqataa.co/vb/showthread.php?t=9455

اعانك الله...

**Abo thamer** · 11-06-2009, 02:33 AM

هذا هو موضوع العضو مواطن بالباطن كاملاً

يسمح لنا

هل..عانيت من مماطلة مكتب استقدام!

هل..حفرت الطريق رايح جاي تسأل عن شغالتك!

هل..ارتفع الضغط عندك ولعنت اللي عرفك على المكتب!

هل..اضطريت تخلي احد العيال ولا ام العيال في البيت واجلت ترم علشان الشغاله تأخرت!

كل هذا صار معي وكثيرين غيري مروا بنفس التجربه ...

المواطن دائما يفترض بعض الامور كمسلمات مثل

من اللي بيعطيني حقي!
جيزي من جيز غيري!
البلد سايبه!
ما عندك أحد!

واخر الليل يغني.... الصبر ما لي انا غير الصبر!

قصتي

قدمت على مكتب استقدام بالمنطقه الشرقيه...في شهر ذو القعده ..ابي شغاله من سريلانكا (ادور الرخص طبعا)...اعطيت المكتب الفيزا جاهزه وطلب مبلغ 4500 ريال وما رضي ينزل ريال واحد للعبد الفقير

العقد

(طبعا العقد يفترض يكون موحد من وزارة العمل)

المهم في العقد: احد البنود ينص انه في حالة تاخر وصول المستقدم عن المده المحدده يلتزم الطرف الاول بدفع 30 ريال عن كل يوم تاخير مالم تكن اسباب التأخير مبرره بمستند مكتوب صادر عن جهه رسميه داخل المملكه او خارجها(الكلام جميل طبعا)

لكن في نهاية العقد اضيف بند بخط اليد ينص على (هذا الاتفاق لا يخضع لغرامة التأخير)
الموظف طلب اوقع تحت البند هذا بالذات اضافه الى التوقيع على العقد!!

قلت ماني موقع على العقد قال اذا مانت موقع مااقدر اخدمك..دور مكتب ثاني!
حاولت افهم الذكي ان العقد فيه بندين متناقضه...ما رضي يقول حنا ما ندفع غرامة تاخير وبعدين لا تخاف ما راح تتاخر..حنا غير!

...قلت الله يعين طيب المده قال 2-3 شهور بالكثير
قلت ممتاز اهم شي قبل المدارس .....الله يرحم والديك..قال اكيد ما فيه شك..روح البيت وانتظر اتصالنا وما يحتاج تشتغل معقب علينا..انتظر الاتصال بس

مر شهر.......شهرين.....3 شهور

ابتديت اتصل فيهم ...وانصدمت من الاستهتار بالمواطن..الموظف يقول ماندري ايش صار بشغالتك لكن بنرسل فاكس وننتظر الرد...(بعد 3 شهور تسأل يا...)

طبعا حاول يواسيني من باب الموت مع الجماعه رحمه قال مهو بس انت الوحيد كثير طالبين من سريلانكا وبعضهم مقدمين قبلك ولا جت شغالاتهم!!

و(كعربي)....وجريا على العاده في مثل هذي المواقف...تركت الزمام لحنجرتي..وبدأت اعزف باعلى صوتي سيمفونية الفنان مواطن بالباطن.....لكن اكتشفت في النهايه ان الموظف اكتفى بمقطع بسيط وقفل الخط!

اتصلت فيه مره ثانيه...حاولت اكمل المعزوفه ولكن مارضي.. وقته من ذهب طبعا..عنده معاملات ناس والاحساس بالامانه يناطح السحاب..قولوا ماشاء الله..تفاني واخلاص

مر الشهر الرابـــــــــــــــــــــــع

كلمت...وكلمت...والبحث مازال جاري عن المتهم.. قصدي الشغاله

رحت المكتب..قلت افرد عليهم كم عضله لعل وعسى...فردت كل العضلات ماهو كم عضله...ورجعت طبعا ما دروا عني

اليوم الثاني كلمت صاحب المكتب..الراس الكبيره(الذي علمهم السحر)
بكل ادب..شكيت وضعي..وطلبت غرامة تأخير
قال ...حنا ما نعطي غرامة تاخير...وانت وقعت على البند اللي ينص على ان العقد ما يخضع لغرامة تاخير
قلت..انت مخالف للنظام..والعقد الموحد ينص على الغرامه..
قال ماحد قالك توقع!! القانون لا يحمي المواطنين!!!

مر الشهر الخامس

قررت اني اجرب الاسلحه غير التقليديه..واقدم شكوى لوزير العمل...وويش انت من لحيه يا قصيبي...سبع ولا ضبع!!!

قدمت الشكوى على موقع الوزاره بالنت مع انه كان بالامكانيه اقدم في مكتب العمل بالشرقيه...
كل من درى عن هذي الشكوى...لمح على قصةالمواطن قصدي الحمار والربيع المعروفه...ووين عايش يابوالشباب

مالكم في الطويله..

المفاجأه...اتصل علي شخص من مكتب الوزير وقال لي شكواك تحولت لمكتب الشرقيه برقم وتاريخ....والله ماكنت مصدق اني باسمع صدى لصوتي الضعيف كمواطن يطلب حق

مريت على مكتب العمل واعطوني ورقه لاستدعاء خصمي صاحب المكتب...

صاحب المكتب يوم درى قال بعطيك 500 عن تاخير الشهرين قلت سبحان الله..القضيه ماهي الفلوس.....المسأله مبدا يا عديمه!!

حضرت الجلسه واخذت 1800 ريال عن تاخيرالشهرين(حق خاص)...وقدمت شكوى حق عام على المكتب لعدم التزامه بالعقد الموحد ....(اعتبر البند اللي ينص على ان العقد لا يخضع لغرامة التأخير بند ملغي لمخالفته للنظام الصادر من مكتب العمل والعمال وهي مخالفه صريحه للنظام تستوجب العقاب)

الله يكثر من امثالك يا القصيبي

وبعد اسبوعين من الجلسه وصلت بالسلامه الشغاله لكن بعد ايش....راح الترم الدراسي!

حبيت اشارك بالموضوع هذا لتعم الفائده ...والسلام عليكم