ياجماعه حنا مقدمين على خدامة من رمضان تقريبا من ذيك االسنة الي راحت ومااخذنا وصل ولاشيء وهو ماانكر ذا الشيء لان دايم ناخذ منه خدامات بس ذا المره ماطل وتغير اسلوبه ...
من رمضان الىا الان ماجاتنا الخدامة وخدامتنا الي عندنا سوينا لها تمديد وخلص التمديد وقالو الجوازات ادفعو 850 واستغربنا حتى نسوي لها اقامة على ماتجي الخدامة الجديدة بعدين قلنا لراعي المكتب روح سو اقامتها قال لازم توكيل وماادري ايش مع انه قبل يسويها من غير اي توكيل المهم اتعبو الاهل وراحو يسونها اطلبو من اخوي وكالة لانها بااسم الوالد والوالد مريض المهم اطلبو تقرير طبي وحاله وراعي المكتب ماراح يسويها واشقانا في ذا الدوائر مع انه سبب في التاخير ...
وقدمنا عنده على سائق ويوم جابه طلع مايعرف يسوق وقال بياخذه يدربه ويعلمه وجلس عنده شهر وبعدها هرب من عنده وراح راعي المكتب قدم شكوى بهذا الخصوص عن الهرب وقال بيجيب واحد غيره كل هذا كان تقديمنا عليهم الخادمة والسائق من رمضان
..

اتمنى منكم اخواني الكرام الافادة وطريقة التصرف مع صاحب هذا المكتب ومن يستطيع المساعدة لايبخل لاننا نبي نرجع فلوسنا ومانبي منه شيء لاننا خسر الكثير وخسرنا شهور عديدة في الانتظار وبالاظافة الى التعب والمعاناة في الجوازات بسببه وهو مرتاح ....

ابدوية

الأخت الكريمة أسعد الله المساء

عليكم بمكتب العمل قدموا عليهم شكوى وتاخذون حقكم منهم ان شاء الله تعالى
انا قدمت عن طريق مكتب استقدام عمالة وبعد مدة بسيطة راجعتهم ولقيت مراجعين مثلي عندهم وقال لنا هالمكتب عندهم ازمة مالية ولا يقدرون يجيبون الشغالة ولا هنا فلوس..
ورحت لمكتب العمل / ادارة مكاتب الاستقدام الاهلية وقدمت عليهم شكوى وبعد اسبوعين راجعتهم في مكتب العمل واستلمت شيك بفلوسي من صاحب مكتب الاستقدام ...

مع أطيب تمنياتي

العقد شريعة المتعاقدين فكيف يقدر الواحد يشتكي المكتب وهو مايملك اي شي يدين هالمكتب وعلى فكره حتى لو عندك مايثبت
اعتقد في ظل الوزير الحالي no way
هالوزير متفرغ لخدمة المكاتب وخدمة العماله
شوفي هالقرار الجديد


القصيبي : نظام جديد يخفف من سلطة الكفيل، و لا نيه لتغيير أنظمة العمل

أكد وزير العمل غازي القصيبي أمس الثلاثاء أن وزارته لا تنوي الآن تغيير أنظمة العمل المعمول بها في السعودية، مشيراً إلى أن جهوداً تبذل الآن لتفعيل قرار صدر قبل سنوات من مجلس الوزراء بإزالة كلمة "الكفيل" تدريجياً من كل ما يتعلق بأوراق العمالة الأجنبية ليحل محلها عبارة "عقد عمل".

وأوضح القصيبي أن وزارة العمل ومع صدور نظام العمل الجديد قبل ثلاث سنوات تقريباً لم تعد تستخدم كلمة "الكفيل"، ولا نعترف بها في أدبياتنا، لأنها تدرك أن هناك صاحب عمل وعامل فقط، مؤكداً عدم وجود نية الآن لتغيير أنظمة العمل المعمول بها في السعودية.

وتأتي تصريحات القصيبي لتزيل كل التكهنات والتوقعات حول نية الحكومة السعودية لإلغاء نظام الكفيل أسوة بتجربة البحرين.

وأضاف القصيبي أن الوزارة أصبح بمقدورها أيضاً أن تنقل كفالة العامل من صاحب عمل إلى آخر رغماً عنه إن كان متعسفاً بحق العامل.

وأشار إلى أن أسوأ الأشياء التي ترتبط بنظام الكفيل هو عدم قدرة العامل على التحرك والانتقال إلا بإذن من صاحب العمل، وكل هذه الأشياء أزيلت الآن، وبإمكان العامل أن ينتقل من بلد إلى آخر لأنه يحمل إقامة لا يمكن لصاحب العمل تجريده منها
http://burnews.com/news-action-show-id-6677.htm

هلا بك ابدوية ... ماقصر المتفائل .. وياليت تذكرين إسم المكتب لتنبيه الأعضاء منه
-----------------------------
متى نخلص من المكاتب ومن مشاكل الإستقدام ؟..
اتمنى تفعيل قرار الشركات المتخصصة بتأجير العاملات علينا بدل الإستقدام باسمائنا

الله يعينكم .. في حل ثاني لو مانفع مكتب العمل

خلي اخوانك ... ان كانهم شقردية ... يمسكون

صاحب المحل ولا احد يشوفهم عشان ما كو شهود .. ويمردغونه مردغه لين تفل العافيه

ويروحون طبيعي للبيت ولا كأنه صار شي او شافهم احد حتى لو اشكتى ..ماعنده شهود جاي يتبلى

وعلى هالحال كل مدة يجي واحد ويفقع وجهه ... ثم يرد الفلوس وفوقهم بوسه بعد

وعلى فكره تراها من واقع تجربه ... مو كلام

لان نحن في بلد لا قوانينة تحترم اصحاب القرار فقط والاجنبي ..

اما المواطن >>> من ذراعك او مت


اي والله ماهو اسم المكتب ...

هدد
حلك مثالي في هالزمن الاغبر

دمتم

اخي المتفائل لااعلم انت اين قدمت شكواه عند اي منطقه انا بالشرقيه وكلمت مكتب العمل بالدمام ورد الموظف بااسلوب وقح وقال ماعندكم عقد ولافاتورة احمدي ربك انه بيرجع لكم جزء من المبلغ والباقي عوضك على الله مانقدر نسوي لك شيء وقفل السماعه بقوله ماراح تفهمون علي وعطلتوني عن عملي ...
وموظف اخر رد بقوله قدمو شكواكم بقسم الشكاوي في المكتب ونحولها للامارة وردد ياليل مااطولك ...
وصاحب المكتب له سنه ماجاب لنا خادمه ولا شيء وقال بعطينا جزء من المبلغ وفيه مبالغ للحكومه تخصها راحت وبعدين قال يمكن اجيب الفيزة بعدين بدالها كيف يجيب فيزة وهي الخادمه ماجات والمبلغ ناقص وماعندنا عقد ماندرس كيف نتصرف ومانبي شكاوي ووجع راس وتعب نبي جهة معينه توقف معنا وترد كيد الظالمين في نحورهم وللاسف مافي موظفين مضبوطين يوقفون بصفنا ...
وش الحل ماادري ؟؟؟ الله يعين وبس وحسبي الله ونعم الوكيل ...

كثرت مواضيع الشغالات في هذه الايام

واصحاب المكاتب اصبحنا نسمع مشاكلهم في المجالس والمنتديات - وعلى كل هذه علامة من علامات الترف والغنى في اي مجتمع و أعني ظاهرة استقدام العمالة المنزلية

على كل ما دفعني للتعليق هو سؤالك ما هو الحل !!

اساسا فكرة وطريقة الاستقدام بهذا الشكل هي من اساسها مشكلة وجزء من مشكلة وبالتالي فمن الطبيعي ان تحدث مثل هذه الوقائع
والحل في ايدي العقلاء هنا بايقاف الاستقدام بهذا الشكل المنفلت وحصره على اصحاب الضرورات ونزع الصلاحيات من اصحاب المكاتب وجعلها في يد مؤسسة واحدة تكون مسؤولة عن الاستقدام ومحاولة توفير عمالة منزلية محلية من داخل البلد سواء من المواطنين او المقيمين

على كل هذا الكلام النظري كله هو حل على المدى البعيد


و كما ذكرت مشاكل اصحاب المكاتب كثيرة لكن صاحب المكتب هذا ان كان كما ذكرت فهو متفرعن بدرجة كبيرة !!

احدالزملاء اقترح عليك البلطجة واستخدام العنف !! ورغم ان كلامه طريف لكن نهايته في الحاير او ابو زعبل

***
انا ما عندي خبرة معينة بامور الاستقدام لكن الذي شجعني على طرح اقتراحي هو ردود الزملاء بالاعلى فهي مثل ردي هذا تدور على العموميات

لكن اقترح عليك ما تقوم به الدول المتقدمة هناك بعيييييييييد , حيث يقوم المواطن المتضرر بعرض القضية على محام واذا وافق المحامي عليها يتولاها ويرفعها الى المحكمة

فاذا كان لديكم القدرة المالية واردتم اخذ حقكم من المكتب تواصلوا مع احد المحامين وخذوا رايه في الموضوع

واذا لم يكن هناك ضرورة ملحة فاصرفوا النظر عن الموضوع

المشكلة اذا ماعندك اوراق تثبت انكم معطينه المبلغ وبينكم اتفاق
يعني لو سويتوا شكوى اكيد بيجحدكم بالاخير
وبيروح تعبكم على الفاضي
انا اقول حاولوا تسايسون الامور وتحلونها وديا
يعني بالود رجعوا دراهمكم
دزوا عليه ناس من معارفه او شي من هالقبيل
اذا ما نفع هالحل
استخدموا الحل الأكيد "حل هدهد" وهو المردغه حتى يعض الأرض
وصدقيني من بكره تكون دراهمك جاهزة ان شاء الله
اهم شي لايكون فيه شهود انتبهي
والسلام

حسبي الله على مكاتب الاستقدام ،، ياناس احذروا مكتب استقدام (اعمال السعودي الدولي) اللي في النسيم تراهم يجبيون شغالات مايصلحووووووووون ،، من واقع تجربة