جوله المتاعب على شركات السيارات والعروض الخرافيه اللي شفتها بالمنتدى وخلتني ابيع سيارتي الفورد قبل مايطيح سعرها بالتراب ( وصلت الى الحضيض حاليا ) وقلت اشوف العروض وهذي المحصله النهائيه للعلم ان الجوله بدأت من منتصف شهر 3 الى اليوم 12 شهر 4 تقريبا ( مافيني حيل اتاكد )...

سيارات 2008 مافي من شركه تويوتا وكلها تصرفت بالمقابل لو تروح نيسان تلقى كل المعروض 2008 واسعار مو خرافيه وبس الا فوق الخرافيه...

حبايبي التيدا والصني حاليا موديل 2008 بنيسان سعرها 53 الف ريال كاش وبالمقابل اليارس تبدأ من 43 الف لمواصفات الشركات وتوصل الى فوق 50 الف للمواصفات الاعلى والكورولا قريبه من سعر الصني وتبدا من 50 الف مع العلم ان اليارس والكورولا موديل 2009 ...

اخذ كورولا 2009 والا صني 2008 والسعر تقريبيا واحد ؟؟؟؟ ومن المعلوم ان نيسان مشهوره بقربعه سياراتها بعد مضي فتره بسيطه عليها تحت الخدمه ماتتعدى 4 سنين وتسمع الاصوات من كل اتجاه..

سوزوكي كانوا منزلين عروض ممتازه بالنسبه لقسم التأجير المنتهي بالتمليك وانتهى العرض الان مع العلم ان العروض كانت نازله على موديلات 2009 برضه وبصراحه فات علي عرضهم وراح الفيتارا علي وانا اقول بينخفض السعر تخيلوا الفيتارا بابين كاش بـ60 الف وبالـتأجير المنتهي بالتمليك القسط 988 ريال لمدة 48 شهر ودفعه اخيره 25 الف بمجموع اجمالي 72 الف ريال..

يعني الفرق بين الكاش والتأجير 12 الف ريال فقط والسياره في اي وقت ماتبيها رجعها للشركه من دون اي مطالبات ماليه منهم وطبعا في امكانيه لتقسيط الدفعه الاخيره في حالة التزامك بالسداد...

الان طلبت العرض قالوا انتهى بنهاية شهر 3 والسياره اصلا منتهيه مافي عندهم ولازم ينتظر الشخص من اسبوعين الى 3 حتى توصل الدفعه الجديده وبنظام الاقساط مع العلم ان الكاش ارتفع سعرها 3 الاف ريال وبالتقسيط زادت الحسبه للفيتارا اربعه ابواب 8 الاف ريال ....

سيارة سوزوكي التو ( مشهوره حق توصيل الطلبات للمطاعم في الغالب وصغيرونه ) كان قسطها الشهري 555 ريال فقط ....

راحت عروض سوزوكي والشركه رفعت اسعارها بعد انتهاء الربع الاول من السنه والسيارات من نوع jemmy وغراند فيتارا بابين ( حق البلديه والاماره وبعض الادارات الحكوميه الاخرى ) غير موجوده نهائيا بالشركه ومقدمين لها طلب ولازم تحجز لو تبي لان ( الحكومه طالبه زياده ) وبصراحه سوزوكي جيده ومتماسكه لكن يعيبها انه مافي الا وكيل واحد لها وهالشي رفع سعر قطع غيارها شوي...

شركة هوندا مافي عندها اي سياره من موديل 2008 والاسعار مبالغ فيها بشكل خيالي وطبعا معروفه عيوب قطع الغيار بهوندا وغلاها وزادت اسعارها الان اكثر...

دايهاتسوا من عبداللطيف جميل التيروس 5 ابواب دفع رباعي نظام تأجير بـ 1580 ريال كقسط لمدة 42 شهر ودفعه اخيره تقريبا 18 الف بحيث يصير اجمالي السياره تقريبيا 85 الف ( في اقساط يعفوك منها ).

شركة هيونداي مافي عندهم شي اسمه 2008 وطلبت سيارة توسكان دفع رباعي ( اعتقد كذا اسمها ) وقالوا منتهيه وفي احتمال تجي بعد 4 الى 5 اسابيع وسألت عن سعرها قالوا مانعرف الان لكن الاحتمال انها بتزيد شوي؟؟؟؟

بالبيد شطح فوق فوق فوق بالاسعار وخفض بسعر السيارات ( كعادته كل سنه ) لان الدفعه الاولى تجي اسعارها زياده شوي فينزل بعد شهر مبلغ 5 الاف تقريبا ويثبت على هالسعر وبرضه طلبت 2008 قالوا شوف قسم المستعمل ( السيارات المضمونه )....

بالبيد للسيارات المستعمله المضمونه عنده كم حبه لومينا ماشيه 1000 كيلو ( test drive ) يعني ماشيه على السير كسيارات اختباريه سعر القسط حقها 1670 ريال تقريبا لمدة 48 شهر مع دفعه 6 الاف ريال ( اولى او اخيره بكيفك ) بحيث يصير اجمالي السياره 87 الف ريال تقريبا للومينا تعتبر فئه تحت الفل لكن موب استاندر...

تويوتا الان منزلين عروض هالشهر ( 4 ) على يارس وكورولا وكامري تأجير الكورولا الستاندر جير توماتيك من دون دفعه اولى ولا قسط اول ولا رسوم اداريه ( استلم السياره وامشي ) يطلع قسطها تقريبا 1680 والدفعه الاخيره 19 الف ريال تقريبا بحيث يصير اجمالي السياره 89 الف بنظام التأجير...
للمعلوميه تويوتا سيكويا فل كامل كاش سعرها 197 الف ريال وبالتأجير توصل الى 302 الف ريال ؟؟؟

شركة مازدا عندهم عرض على المازدا3 موديل 2008 فل كامل قيمتها كاش تقريبا 58 الف ريال بالاقساط على بنك الرياض لمدة 60 شهر القسط يكون 1270 ريال والدفعه الاخيره 8 الاف ريال باجمالي يصل الى 84 الف ريال للفل الكامل...

المستعمل الان لاتبييييييييييييييييييع لان الشريطيه لاعنين السوق ولما تبيع السعر تحت ولو تبي تشتري من المعارض تلاقيهم اغلى من الشركات هههههههههههههههههه

هذي العروض اللي وجدتها الان على السيارات الجديده وبعض المستعمل والمخزن واتمنى افادتكم...

توقعاتي:
نيسان بتنزل عرض التقسيط بسعر الكاش بالذات لوجود سيارات 2008 بكثرة عندهم وتحسبا للتكديس قبل نزول 2010...

تويوتا جالسه تصرف سياراتها على الشركات ومكاتب التأجير واللي يطاردوا عروض الاحلام واذا غيرت موديلاتها على 2010 بتعاني كثير رغم ان المعروف عن الوكيل انه ماينزل اي سياره بنفس السنه ينتظر الموديل الجديد ياخذ سنه بامريكا وبعد كذا يجيبه هنا ومن المحتمل يشتغل على الاستكرات والشمعات والاسطبات ويقول هذي موديل 2010 ...

ويش اللي بيصير ياجماعة الخير ؟؟؟

راح علي عرض سوزوكي ولكن قدر الله وماشاء فعل والحمدلله رب العالمين..

<<<< هذا العضو يبي اي سياره من دون دفعه اولى وماتكون قاصمه للظهر مثل الكورولا اجل ادفع قريب من 90 الف على كورولا ستاندر بس جير اوتوماتيك ؟؟؟

اعطونا العروض اللي تشوفوها قدامكم واتمنى تفاعلكم

ومن يتق الله يجعل له مخرجا / أنى يستجاب لنا / حسبي الله ونعم الوكيل / القبر يجمع الغني والفقير /

اشكرك كيموس على هذا التقرير

واتمنى أن المواطن والمقيم لا يستعجل بعد سماع التخفيض حتى لو كان التقسيط بسعر الكاش ،

الثقل صنعة ، خلهم كلهم يقسطون بسعر الكاشر مثل الي عطوه لشركة ذيب مو كاش المواطن والمقيم المسكين .

فيه فرق بين كاش الغلابا وكاشي الهوامير
وشركة ذيب نموذج

السلام عليكم ورحمة الله وبركاته

هالشركات مافيها خير اصلا.

ولو واحد كسر حاجز وباع السيارات سعر الفائدة وبيكسر ظهر جميع الوكالات.

جزاك الله خير