احذروا أسعار زيوت التشحيم

**khashash** · 01-04-2009, 07:01 AM

لقد انخفض سعر النفط ولكن..
لم تنخفض المشتقات لدينا...
الكرتون لايتجاوز 220 ريال أي 9 ريال للعلبة
السعرفي السوق 15 ، 16 ، 17 وهكذا ...
قاطعوا محلات البنشر وغيار الزيوت واضغطوا عليهم ليعلموا أننا لسنا إمعات !!!

**موادع الشرقية** · 01-04-2009, 08:14 AM

الحل
كل واحد يشتري كرتون ويغير الزيت في بيته
ترى الشغلة مايبيلها شي
ولا منة ابو يمن

**alzuhary** · 01-04-2009, 08:26 AM

أتمنى أن يستلم الشباب السعودي محلات البنشر سواء العمل فيها أو الاشراف عليها ،
لماذا تكون محلات البنشر والكفرات حكرا على اليمنيين ؟!

مشكلتنا أننا نريد مكتب وكرسي دوار ، ونكون مرهونين براتب آخر الشهر تشاركنا فيها شركة الاتصالات والكهرباء والماء وبنده والعثيم ، والجوزات والمرور وغيرها .. بينما العمالة تكسب في اليوم مثل راتبك من التجارة والأعمال الحرة .

**البوك** · 05-04-2009, 05:53 PM

لو استلموها السعوديين بيستغلونك أكثر

او نسيت ان التجار اللي مستغلينك كلهم سعوديين ؟!

**mr.vague** · 20-04-2009, 04:57 AM

الحمد لله لي سنة والزيت اغيرة بنفسي!!!!!!!
زيت تويوتا بـ 10 ريالات واغيرة بنفسي!!!!
وانظف الفلتر عن ابو يمن ببلاااااش (ابو يمن وانقهر)

**tahoe ltz** · 20-04-2009, 02:57 PM

طيب والي راعي خطوط كل ربوع وهو راجع لديرته وش يسوي يعني لازم بعد الدوام يمشي بيقعد يغير زيت هو فاضي اصلا

مشكلتي ومشكلة الشباب كلهم اننا نعجز او نثيقل هذا الموضوع يارجل

**خالدشعبط** · 20-04-2009, 10:22 PM

كلام سليم انا اشتري زيت بالكرتون اوفر حوالي 200 ريال في سعر الزيت واغير الزيت عند البنشر مع تغيير الفلتر وتنظيف بالهواء للمكينة والفلاتر ب 10 بعشره ريال فقط وتطلع علي العلبة ب 8 ريال وعند البنشري ب 16 ريال يعني دبل قيمة الكرتون 195 ريال واذا أباشتريه بالحبة يفرق في الحبة 8 ريال
فانا اولى بالفرق من البنشري وهو ياخذ عشره حق التغيير سواء شريت من عنده الزيت او من عندك الزيت

إحسبها صح وانت الكسبان

**هدد** · 21-04-2009, 12:17 AM

نعم مشكلة ترى لنا .. راعين الخطوط على قولت اخونا اللي سبقني

مافي اصلا وقت .. ولو قلت ضبط امورك قبلها بيوم ...

اقول اوك .. بس مشكلتنا مانفطن غير اذا جت المشية

وبعدين الحل .. اشتر كرتون .. وعطه عشره ريال يغير الزيت والسيفون

ولا تغير اقل من 7 الاف بالصيف و10 بالشتاء

دمتم بود

**paramdic** · 21-04-2009, 12:50 AM

طيب دلوني علي بنشري ياخذ عشرة ريال علي تغير الزيت والفلتر بالرياض بحي السويدي او بالشفا ومن بكرة اروح لصناعية القديمة واشتري كرتون واوفر يااخوان جزاكم الله الف خير لاني تعبت وانا كل ما رحت لبنشري واقولة ازيت معي يقولي ما يصير دور محل غيري او يقول عشرين ريال وكذا انا ما استفدت
وتقبلوا خالص تحياتي