الا وش رايك ما المفروض يغرم على تسريب بيارته
ويتحمل جزء من حوادث السيارات

المشاركة الأصلية كتبت بواسطة booky

اولا ما عهدنا موظفين او طباخين سعوديين في مطعم المنجف او بيت الشوايه
يكفي صاحبه سعودي قنوع
الحين انت قاعد تسب فلان و علان و لو الموضوع في يدك طردت كل اليمانية من البلد و شوي جالس تقول لي المنجف
اطرد كل عامل اجنبي جشع قذر ما يحترم البلد اللي ضفته

ترا كل المطاعم و المطابخ و شغل المندي عندهم ترا ما طبقوا السعوده على طباخين الرز و الذبايح
لا يطبقون السعوده اهم شي يطبقون الاسعار العادله

ممكن فكره مستقبليه و الله اعلم

ثانيا بيت الشوايه ما عنده مندي خخخخ

ما قلت الشواية عنده مندي
أقول المنجف عنده مندي ولا اطعم
والشواية امدح اسعاره وصاحبه السعودي
ارجع لكلامي وركز
(يمكن انك تستعجل بالقراية ,او تبي فقط تمدح اليمانية بأي طريقة )

والله قهر

تبي الصز عاد

تراه صاز بكل كلمة

حنا شعب يبلع لو تاصل الدجاجه 1000 ريال

خلونا واقعيين

اخخخ بس يالقهر

تسبدي تفرك من الحرّه

بالنسبه لي انا مقاطع جميع المطاعم بكبساتها ومعصوبها واسماكها من زمان

الا مطعم واحد كل يوم اشتري منه وجبه ( هارديز ) مغرم فيه بالرغم من غلاء سعره وان شاء الله راح اقاطعه


اعلم بان المهمه صعبه يا اخوان

لذا ارجو الاكثار من المواضيع التي تثقف المستهلك

وايجاد البدائل للسلع

مقاطع للرومانسية

و أنصحكم في مطاعم بيت الشوااية

هذي السالفه صارت لي ثاني يوم من عيد الاضحى الي فات:

بعد صلاة العصر وطاقني الجوع !!!

يعني بعد العيد من بيفتح من المطاعم وانا ما آكل الا لحم >>> يعني الدجاج خارج الحسبه!

المهم مريت الرومنسيه الي بشارع الاربعين بالنسيم وطلعت عند طلبات المحلي،

قلت له ابغى نفر لحم مندي ... بكم؟

قال ابو يمن: بـ 47 ريال النفر!!

قلت له: خييييييييييير ان شاء الله ؟؟ اول بـ 37 ريال ؟

قال : هذا السعر الجديد>>> على وزن تبي والا بلّط البحر!!

قلت له:طيب رح وصور معه :\

واطلع لاقرب بخاري يالله من فضلك وبـ 17 ريال نفر اوصال مع الرز!!

يعني الى متى الاستغلال؟؟

المشاركة الأصلية كتبت بواسطة فهد2007

بسم الله الرحمن الرحيم

السلام عليكم ورحمة الله وبركاته،

موظف الكاشير في مطاعم الرومانسية في شارع خالد بن الوليد بعد مارفعوا اسعارهم قلت له ياخي حرام عليكم هذه الاسعار انتم ربحانين حتى مع ارتفاع الاسعار، والله لاكتب عنكم في منتدى مقاطعة واشهر فيكم عند الناس عشان يروحون للبديل لكم، فقال لي بالحرف الواحد انتم يالسعوديين : ما تطولون كلام وكلام وكلام وماراح نشوف الا كلام، وشفت اللي يقولون قاطع وغير ذلك تلقاهم يمكن اللي ياكلون داخل منهم. والله لو نحط الدجاج بمئة ريال راح تاخذونها يالسعوديين راح تاخذونها لانكم ماتتفقون على شئ ، غنيكم ماله دخل بفقيركم، واللي ميسور اهم شي عنده سعادته ولايهمه تعاسة الاخرين.

واقول انا: كذبت يامطاعم الرومانسية ان السعوديين متفقين وسوف ترى المقاطعة وماتسببه لك من خسائر والايام القادمة هي الحكم. اللهم وفق المسلمين على الاتفاق على الخير لما تحبه وترضاه.

صدق اليماني حينما قال غنيكم ماله دخل بفقيركم، واللي ميسور اهم شي عنده سعادته ولايهمه تعاسة الاخرين.
ومع احترامي لك كلامك غير صحيح في أن السعوديين متفقين والله لو فيه الحد الأدنى من التكافل ومن ثقافة المقاطعة لما وصلنا لهذا الحال من تكالب التجار علينا

شرهتك على اللي عمره اخذ منهم

من يومي وهو ماخش مخي

لكن بالنسبة لسعر 24 كل الحين المطاعم صارت كذا اسعارها

اجل ... شايف مشويات الرافدين .. كان نفر كباب 15

والحين 20 ..حسبي الله على من رفع السعر

رومانسية اجل .........من زين المطعم وراعي المطعم كم مره اتصلت فيه مايرد

قاطعووووووووووووووهم افقرهم الله

ارخصوها بالاستغناء.

ما اتوقع الكاشير قال كذا من كثر الزحمه يمكن انت جايه بعد الفجر