ليش المطاعم تبع المقاطعه

**@@محبة المقاطعه@@** · 25-08-2007, 04:07 AM

السلام عليكم ورحمة الله وبركاته
احييكم جميعا
مداخلتي هي
ليش شانين حمله على المطعم اذا كان الرز ارتفع والدجاج وكللل شي
من باب اولى انهم راح يرفعون الشاورمات والبرجر والمشويات
يعني هم ضحية رفع الاسعار
وحنا ضحية العيد #$%^&ههههههههههههههه
لكن سؤالي مو اعتراض انا مالي خبره في شيئ ابد والموقع اخذت الرابط من المنتديات
لكن تضامنن معاكم
شكرا لكم جميعا

**المقاطعه الوطنيه** · 25-08-2007, 04:23 AM

؟؟؟؟؟؟؟
استغربت حقيقة من كلامك!!!! تقول الإرتفاع طبيعي في المطاعم؟؟
أعطيك مثال بسيط :

رحت انا وصاحبي لشركة الجميح للسيارات لشراء سيارة (معينه) بقيمة تتجاوز 130 ألف ريال ,,, كاش ,,, وفي حالة الأقساط (أكثر من 40 ألف فوائد) مع إن المقدم تقريبا 85 ألف ريال كااااش!!!!!!! يالللله شوف التلاعب!

المهم ,,,

تركناهم واتجهنا لشركة أخرى ,,, الآن شركة الجميح عملت عرض بخصومات تصل إلى 15 ألف ريااااال!!!! تخيل! وهو كسبان كسبان ,,, أتوقع بأن مكسبه على السيارة الواحده كان 60 ألف فقال نجدع منها 15 ألف ونكسب كم زبوون!!!!!!!!!اتوقع!
إن كان المخصوم بهالقيمة فكم قيمة المكسب؟؟؟؟؟ ياللللله!

أنا ممكن غيرت الموضوع بس كان قصدي إن صاحب المحل (أي محل) متأكد من مكسبه مليوون بالميه ,,,,
ممكن تفسر لي سبب ارتفاع أسعار المراعي ؟؟؟ والشركات الأخرى لا؟
أو يمكن البقر اللي عندهم لها أجنحة

أو مدلعينها مثل البقر اللي نشوفها بالدعايات (زبدة لورباك!)

,,,,,,,, المطعم يضع أسوأ أنواع الرز والدجاج ومع ذلك يرفع الأسعار!!!!

أسعار الهمبرجر (لحم أو دجاج) وأسعار الحمص والمقبلات وغيرها ,,, فيها أشياء ما إرتفعت وانشالله ماترتفع ,,, لييييش يرفع سعرها المطعم؟

أحد الأخوان بهالمنتدى يقول إن فيه شورما بـ45 ريااااااااااال؟؟؟؟؟؟

يالللله !

وعلى فكرة كلنا بخير ونعمة بس مانحب أحد يضحك عليها بهلله وحده فمابالك بريال!؟!

تصبحون على خير .

**ملهية الرعيان** · 25-08-2007, 04:27 AM

يختي معليش !!

الحين اللي يشوفك يقول ياحليل المطاعم والله مساكين

ترا من قبل وهم بايعين علينا بمكسب

الطمع الزايييييييييييييييييد ليش ؟!

**@@محبة المقاطعه@@** · 25-08-2007, 04:32 AM

المقاطعه الوطنيه
ملهية الرعيان
اشكر لكم مرور كم
لكن انا ماعندي علم بشيئ ابد بعني حبيت استفسر وش الاسباب
شكرا لكم من جديد

**ملهية الرعيان** · 25-08-2007, 04:44 AM

السبب ياعزيزتي نبي نوقف بوجه كل طماع جشع

ونقول له يكففففففففففففي

بخصوص توقيعك

فعلا اعجبني حلو

لكن برضو فكري بشغلة ثانية

غير اننا الحمدلله ماعلينا قاصر .. ونقدر نشتري

اوكي صح انو شي حلو اتعاون مع غيري لأجل انه مايقدر يشتري هالسلعة

لكن برضو .. انتي بالله ماتحسين شي جواك يرفض انك تكونين تحت استغلال شخص يتلاعب باحتياجاتك !!

**مؤيد لكم** · 25-08-2007, 05:36 PM

حتى لو أرتفعت أسعار الرز بـ 20% كيف يرفعون السعر إلى 4 ريال بمعدل 33%
كلام غير منطقي من أول وهم يضحكون علينا حتى صار صاحب أصغر بوفيه من أصحاب روؤس الأموال الكبيرة
الآن لازم نوقف الوضع عند حده
نسأل الله التوفيق لنا ولكم ولجميع المسلمين

**نـظرة حـنون** · 26-08-2007, 06:59 PM

سلاااام محبة المقاطعة المشكلة مو في ارتفاع الاسعار و لكن المشكلة في المبالغة فيها

**صاحبة موقع توفي 2008** · 26-08-2007, 10:33 PM

اقتباس:

المشاركة الأصلية كتبت بواسطة المقاطعه الوطنيه

أحد الأخوان بهالمنتدى يقول إن فيه شورما بـ45 ريااااااااااال؟؟؟؟؟؟
.

صدز !!!!

خخخخخخخخخخخخخ لا مو معقول !!!!

وش اسم هالمطعم !!!

**كرستيانو** · 27-08-2007, 02:41 AM

عليهم عليهم

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري