ضروري فيه أحد يقدر يدلني؟

**الشاهين الحر** · 06-02-2008, 01:38 PM

بمناسبة نجاح أعزاءنا الطلاب ومع غلااااااء الأسعار من يتكرم يدلني على محل رخيص لبيع ألعاب الأطفال بالرياض وان شاء الله الفائدة تعم الجميع

**جمرة غضا** · 06-02-2008, 01:45 PM

اقتباس:

المشاركة الأصلية كتبت بواسطة الشاهين الحر

بمناسبة نجاح أعزاءنا الطلاب ومع غلااااااء الأسعار من يتكرم يدلني على محل رخيص لبيع ألعاب الأطفال بالرياض وان شاء الله الفائدة تعم الجميع

على البركة نجاحهم
ان كنت تبي محل رخيص ما عندك غير رامز (يشمل العاب وغيرها )
الالعاب عنده ارخص من محلات الجملة اللي بالديرة

**لاتدف** · 06-02-2008, 01:48 PM

كلامك على ماتمه يالعميده وان بغيت ارخص شف شارع السويلم او شارع العطايف بالديره ترى رامز وطقتهم يشترون منهم

**جمرة غضا** · 06-02-2008, 01:56 PM

اقتباس:

المشاركة الأصلية كتبت بواسطة لا تدف

كلامك على ماتمه يالعميده وان بغيت ارخص شف شارع السويلم او شارع العطايف بالديره ترى رامز وطقتهم يشترون منهم

ما ضبطت معك يالاتدف

تبون الحق رحت قبل فترة وسعرت وقارنت بينهم رامز ارخص من السويلم
لكن السويلم اكيد العرض فيه اكثر

شي مهم لاتنسون بيع الجملة اوقات يكون خدعة

**لاتدف** · 06-02-2008, 02:03 PM

ممكن مقاطعتهم ومادامك سعرتي(حشى مفتشة بلديه) فكلامك هو الصح وكلهم ابويمن مافيهم بركه

**الشاهين الحر** · 06-02-2008, 02:19 PM

الله يعطيكم العافية على ردودكم ، بس بغيت أسأل وين فيه محل رامز ووصف شارع سويلم

**جمرة غضا** · 06-02-2008, 02:31 PM

رامز بشرق الرياض تعرف طريق خريص خل واجهتك شرق وامش يجيك على يدك اليسار خريص بلاز وجيان امش حتى يجيك على يدك اليمين شارع حسان بن ثابت ادخل منه و اكيد راح تكون واجهتك جنوب امش تلقاه على يدك اليمين
السويلم امسك طريق الملك فهد وتجه جنوب حتى مخرج الامير تركي اطلع منه وتجيك اشارة لف يسار و امش على طول تلقى شارع على اليمين قبل الاشارة هذا هو شارع السويلم فيه العاب ومكياج وشلون اجتمعوا !!!!!

**الشاهين الحر** · 06-02-2008, 02:36 PM

الله يعطيك العافية أختي وشكرا لك على الوصف

**لاتدف** · 06-02-2008, 03:03 PM

الشاهين الحر وصف العميده صح وعلى فكره رامز اللي بالنسيم وانت رايح شرق بعد مخرج 13 عد معاك اول نفق حق الروضه ثاني نفق حق انكاس ثالث نفق حق معارض النسيم قبل النفق الرابع اطلع مع الخدمه حتى الاشاره اللي فوق النفق لف يمين والاسم الشعبي للشارع شارع النخيل وحتى بالماريه فيه بنغالي عند الاشاره يبيع مناديل ابو نص ريال سارقهم من جيان شفه على يسارك!! المهم بعد ماتدخل من شارع النخيل 500متر يجي على يمينك .. بالنسبه لشارع السويلم خلك على وصف العميده لان بالعاده ادرعم لين اوصل شكرا لك

**جمرة غضا** · 06-02-2008, 03:19 PM

اقتباس:

بالنسبه لشارع السويلم خلك على وصف العميده لان بالعاده ادرعم لين اوصل شكرا لك

كل اهل الرياض يدرعمون في الديرة
انا متاكده منه بس شكيت بعد درعمت لاتدف
ياليت احد ياكد لنا الوصف لشارع السويلم

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري