ألاحظ إزدياد عدد المشاركات التي تشير إلى إرتفاع أسعار المطعم الفلاني أو العلاني.

على هذه الوتيرة سنجد أننا في القريب العجل سنصل إلى مستوى الكافتريات و البسطات.

مقاطعة المطاعم أسهل مما تتصورون...

ليش أدفع مبلغ وقدره على مقاضي للبيت و في الأخير أكثر أكلي من المطاعم ؟؟

وحتى لو ما أقدر أستغنى عن أكل المطاعم ليش ما أحاول التخفيف من إعتمادي عليهم و بدل ما كل يوم أشتري أكل من بره أخليه مره أو مرتين في الأسبوع.

أسبوع واحد نمتنع فيه عن الشراء من هذه المطاعم سيضطرون إلى إعادة حساباتهم و تخفيض أسعارهم خصوصا و أن أكثر منتجاتهم كل يوم بيومه .. يعني سريعة التلف.

حتى العزوبية بإمكانهم البحث عن بدائل و بدل نفر رز ودجاج يمشي حاله بسندوتش من أي كافتيريا نظيفة.

والمطاعم الراقية وإللي شايفين نفسهم علينا ممكن نجيب أخشامهم الأرض بمقاطعتهم و تطنيشهم .. خاصة في رمضان .. يعني لازم أروح أفطر في الخيمة الرمضانية بذيك الحسبة؟؟ و في الأخير أكون فطرت على تمرة وقهوة أو لبن و شوية سمبوسة و فطائر ماتكلفني من أي محل أخر أكثر من عشرة ريال للنفر.

صدقوني حل إرتفاع أسعار المطاعم بأيدينا و لا يحتاج إلا للقليل من الجهد .. في البيت .. يعني بدل ما أشتري الأكل من برة البيت كل يوم أحلل المطبخ إللي صاير مجرد ديكور في بيوتنا و نطبخ فيه الوجبات اليومية و نخلي المطاعم ترجع زي زمان .. مجرد وسيلة للترفيه و تغيير الجو كل فترة و أخرى .. مرة في الأسبوع أو في الشهر مثلا.

تحياتي للجميع.

أقول للتجار الحلوين جعل ايامنا كلها صيام في صيام .

يا خوي ممكن هذا الكلام ينفع معاك انت لانك الظاهر متواجد مع الاهل
بس وش تقول للي معتمد على المطاعم لانه عزابي ومغترب عن الاهل للدراسة او عمل ؟

برضه هذول مانسيناهم...

حطينا خيارات لهم .. إما يستعيضوا عن ما إعتادوا عليه بالطبخ بأنفسهم في سكنهم (إذا كان يسمح لهم) أو يتجهوا للكافتريات أو أي وسيلة تضمن لهم بعض التوفير.

و ترى ذقت طعم الغربة .. و خارج المملكة وكانت تجي علي أيام ماعندي حق كيس خبز .. أقعد ألقط الفكات من هنا و هناك عشان أجمع حقه.

أحس طريقة هي الإعتماد على النفس و محاولة الطبخ في البيت إن أمكن .. لو بيض مقلي .. أوفر من أي مطعم.

معاااااااااااااااااك .....
وغلطان يا معاند الموج العاتي من الغاضبين...

ماذا جنينا من أكل المطاعم .. تسمم , صرف أموال .سمنة ( معظم أكل المطاعم غير صحي )
ياليت الواحد أذا دخل مطعم يلقي نظرة على المطبخ ..واللة أن تشعر بالغثيان !!!
ياليت نبدأ بحملة لتشجيع أكل البيت ( أنظف و اوفر )...
وممكن نروح للمطعم مرة أو مرتين في الأسبوع ,,,, أخوكم أبو زياد

المشاركة الأصلية كتبت بواسطة مستهلك ذكي

ماذا جنينا من أكل المطاعم .. تسمم , صرف أموال .سمنة ( معظم أكل المطاعم غير صحي )
ياليت الواحد أذا دخل مطعم يلقي نظرة على المطبخ ..واللة أن تشعر بالغثيان !!!
ياليت نبدأ بحملة لتشجيع أكل البيت ( أنظف و اوفر )...
وممكن نروح للمطعم مرة أو مرتين في الأسبوع ,,,, أخوكم أبو زياد

صدقت اخي ولكن الظروف تجبر في بعض الاحيان

المشاركة الأصلية كتبت بواسطة السيف

صدقت اخي ولكن الظروف تجبر في بعض الاحيان

ماقلنا شي...

قاطع إلين تجبرك الظروف .. و إن أضطريت للشراء من مطعم إقتصد .. حاول تأخذ الكمية التي تحتاجها بالضبط و تزود السلطات لملء الفراغ.

ماذبحنا و طير بركة حياتنا إلا الإسراف .. واحد جايه نفرين على العشاء يذبح لهم ذبيحة ليش؟؟

صحيح إكرام الضيف واجب لكن الإسراف و التبذير حرام بل قد ربط التبذير بالكفر والعياذ بالله.

"إِنَّ الْمُبَذِّرِينَ كَانُواْ إِخْوَانَ الشَّيَاطِينِ وَكَانَ الشَّيْطَان ُلِرَبِّهِ كَفُورًا"

يحكي لي عامل أجنبي يعمل في أحد المطابخ في منطقة حايل أنه يرى العجب من أمثال هؤلاء .. منها .. من يطلب كوزي حاشي لعشرة أشخاص قادمين لزيارته فقط ليثبت لهم إن الخير عنده كثير.

صدقت...والله يابو هشام..

انا أشهد انك ما كذبت..

و أنا عندي حل أكيد لمشكلة المطاعم..
المتزوج: يروح يراضي زوجته ويجيبلها كل اسبوع هديه من بوريالين على كم كلمة حلوة ...وأبشر بعدها بأنواع الطبخ.. أزين من هالمطاعم الخايسة...
حتى لو ما تعرف تطبخ ..اشتر لها من كتب الطبخ السهلة وخلها تتعلم واصبر عليها.. لأنها استثمار طويل الأجل موب زي المطاعم استثمار قليل الأجل بعد ساعة ولا ثنين وانت جيعان!!


والعزوبي يتعلم الطبخ..خصوصا الأشياء السهلة : بيض..شاهي...رز مسلوق..
ترى الشغلة باجماعة ما يبيلها فهلوه !!
واللي ما يعرف كلش كلش..يرسل لي على الخاص و يبشر بانواع الوصفات...خبرة عزوبية...خخخخخ

جزاك الله خير يابوهشام على ذا الموضوع..

تقبلو تحياتي..

كلام في الصميم
وجيت على الجرح لبعض المتزوجين اللي بالفعل المطابخ
عندهم عشش فيها العنكبوت وصدت !!
والسبب أكل المطاعم وتدليل الهانم