اليوم انصدمت كثيرا عندما ذهبت لمطعم بيت الكباب واعتقد الكثير منكم يعرفه
المهم طلبت صحن طاووق المعروف انه اول سعره 14 ريال ويكون معه نوعين مقبلات انت تختاره بكيفك
المهم اليوم اتصلت عليهم يجهزون لي صحن كالعادة ويوم جيت اختار المقبلات اللي تجي معه قال لي الموظف ان لك نوع واحد فقط من المقبلات تختاره وان سعرنا زاد ريال ليصبح 15 ريال
عاد انا ما صدقته وقلت اكيد انه يستهبل علي قلت له انتم ضربتم على المطاعم الثانية بجشعكم يعني ما يكفي انكم زايدين السعر ريال وبعد بنوع واحد من المقبلات قال لي ان كل شي زاد وانت عارف الوضع
وقتها يا شباب وبدون شعور طرى علي هذا الموقع وقلت بيني وبين نفسي والله لاشرشحكم يا جشعين انتم المهم قلت للرجال والله انتم مبالغين جدا باسعاركم قال هذا اللي عندي

المهم قلت له اوكي جهز طلبي ورحت اخذه وتفااااااجأت والله
لاول مرة ادخل هذا المطعم ولا القى ولا زبون عندهم شكل المطعم يخوف ما تعودت اشوفه كذا
والله واطير في الكاشير انتم طماعين وجشعين وما تخافون الله انهبل السوري وقال طول بالك علينا
قلت له اغلب المطاعم زادو اسعارهم بس مو مثلكم وهذا اللي خلى الزباين يطيرون من عندكم وانا اول المقاطعين لكم من الحين وربي ما اخذ منكم بعد كذا
وقلت له بعلم عليكم منتدى مقاطعة الكاشير عاد ما استحمل مني كلمة زيادة لاني كنت منفعل بزيادة عطاني الباقي ودخل
لازم كلنا نقاطعهم يا شباب ونعلمهم ان الزياااااااااااده البسيطه تطير عليك زباين كثيييييير

اسف على الاطاله وسلامتكم

علم بارك الله فيك
من الان يدخل قائمة المقاطعه
يرفع للشرفاء

انا والله ما قد شريت من هذا المطعم
بس امس جاني اعلان من نفس مطعم ان صحن كباب + حمص + تبوله + ببسي = 30 ريال
هل هو عرض فعلا ام ان سعر مرتفع .
ارجوا افادتي وشكرا ً

محمد الله يبارك فيك ويخليك ومشكور على موقفك ضد الجشعين

الاخ ستيف اول كان عندهم نفس العرض هذا بدون ببسي بـ 14 ريال فقط

الحين مزودين بيبسي فقط وزايدين السعر 16 ريااااااال

شفت انهم نصابين جدا

هذا المطعم لي أكثر من ثلاث سنوات . . . . والسبب انه صارت لي قصة معه

وهي

اني ذهبت انا وابن خالتي وطلبنا كذا نوع من الكباتب والاوصال وبعدما جاء الحمص

وبعض المقبلات وبدأنا با الاكل والله العضيم وجدت صرصور يمشي على الطاولة

وقمت وهددت صاحب المطعم ان ما اعطاني فلوسي راح افضحه اما الموجودين

واسترد فلوسي. . . وأنا أعرف ان تصرفي غلط لكن وقتها كنت صغير ولا اعرف وتصرفت بغباء

لا يا علاج تصرفك مو غلط

المطعم يجب ان يتحمل مسؤولية تقصيره في مستوى النظافة

اللي انت سويته اكبر صح في نظري

. وأنا أعرف ان تصرفي غلط لكن وقتها كنت صغير ولا اعرف وتصرفت بغباء

اجل نأكل وصرصير تتمشى على الطاوله
اخذ فلوسي وطقهم هوشه شايفينا وسخين مثلهم

و ياليتك بعد جبت البلديه امممممممم اذا كان فيه بلديه

لا تجاره ولابلديه
ولاهم يشيلكم يا الاجانب من عندنا
ماغيره ربي قادرعليكم

من زينه بيت الهباب
طلبت من اللي في الخبر أيام عطلة الأوبك وش لحمهم هذا لاهو بقر ولاهو غنم
على فكره شيش كباب أفضل منهم