بسم الله الرحمن الرحيم... وبه نستعين
والصلاة والسلام على اشرف الانبياء والمرسلين
اخواني واخواتي هذا اول موضوع لي في هذا المنتدى وبصراحه منتدى ممتاز يحاكي واقعنا المرير هاليومين بارتفاع الاسعار الجنوني واشكر القائمين عليه .. الامر الاخر هو هاجسنا اليومي وهو ارتفاع الاسعار الجنوني في جميع المواد الاستهلاكيه والايجارات وقطع الغيار والاجهزه بشتى انواعها حتى المطاعم ياجماعه رفعت اسعارها في هذا الموضوع ارغب الحديث عن نقطتين وهي كالتالي :-
1- ارتفاع اسعار كثير من المواد الاستهلاكيه في العاصمه الرياض دون المدن الاخرى وهنا اوضح انني قد اكتشفت هذا الامر من احد اصدقائي كان يقيم في المدينه المنوره وانتقل هذه الايام الى الرياض ولاحظ الفرق الشاسع في الاسعار للمواد التموينيه وحتى حليب الاطفال ولم يقف الامر عند هذا الحد فقط بل لاحظ فرق السعر حتى في شرائط قياس السكر وفرق مو بسيط يعني اللي كان ياخذها في المدينه المنوره ونفس المنتج بسعر 90 ريال اخذها هنا في الرياض بمبلغ 98 ريال اي بزيادة 8 ريال يعني شي مو معقول .

2- في شركات كثيره كبرت بسببنا حنا يالمواطنين المستهلكين يعني احنا يالسوق المحلي زي المراعي مثلا وكنا داعمين كبار لها الشركه وركزنا عليها بشكل كبير وقت مقاطعة المنتجات الدنماركيه ويوجد عندنا شركات كثير غيرها نقدر نستفيد منها فالمراعي الحين شافت نفسها بغنى عنا ورفعت اسعار منتجاتها اللبن والحليب الطازج زودو فيه فماذا ننتظر .... وبعدين اذا كان عذرهم سعر الصرف والدولار وهالكلام ابي اعرف وش دخل المراعي بهالحكي كله العمليه كلها عندنا بقر ومزارع واعلاف يعني مافي شي من برا عشان نعذرهم هم وغيرهم كثير ياناس والله مصخره حتى مطعم ماما نوره رفع اسعاره يعني قمة اللامبالاة بالمواطن قمة الاستهتار باقي الخبز المفرود والصامولي نتحراه يرتفع . اخواني واخواتي ارجوكي البحث عن البدائل واذا مالقينا بدائل الله يعينا على جنونهم


وسلامتكم

هلا والله وغلا بابو احمد والله يحييك والله

باقي الخبز المفرود والصامولي نتحراه يرتفع

فال الله ولا فالك ..

واذا مالقينا بدائل الله يعينا على جنونهم

ولله الحمد عندنا من كل منتج عشرات الشركات والبدائل .. بس الفرق اننا تعودنا على طعم وشكل معين .. لذلك المبادرة لازم تكون مننا .. نضحي بشي ونكسب أشياء

وياليت بالله تذكر اسم شركة المنتجة لشرائط قياس السكر والبديل لها ان امكن ليتم ادراجها ضمن المقاطعة