هذه القصة كتبها العضو "راسبوتين" في منتدى هوامير البورصة عن تجربته الشخصية مع حماية المستهلك في الإمارات:

***************************************


كنت راجع من من دوله اسيويه كبيره سوف اكتب عن زيارتي لها لاحقا فجلست ترانزيت في دبي 3 ايام لرغبتي في ذلك البلد الساحر المهم اشتريت تلفزيون سوني 55 بوصه 3دي ب13000 ريال المهم رجعت لبلدي الجهاز اشتريته من محلات جاكيس في دبي مول ولاانصحكم ابدا من الشراء منه بل اشترو من محلات جامبو لانه الوكيل وافضل مليون مره منه لانه كان هناك نواقص في الجهاز اكتشفتها بعد رجوعي السعوديه وطالبتهم بها المهم الجهاز بعد شهر من الشراء اصاب شاشته خلل وصارت سوداء بدون اي مسبب خارجي اتصلت على جاكيز دبي قالو ا وده لسوني السعوديه لان الضمان دولي كلمت سوني الحراميه وقاالو لي الضمان ماحنا مسؤليين عنه تبي نكشف على الجهاز ونعلمك شفيه بس ب200 ر يال قلت ياولد مافيه مشكله يمكن ان شاء الله شي بسيط ولايحتاج انه يصلح برا البيت المهم وصل الفني بعد اسبوع من الاتصال كشف على الجهاز قال شوف جهازك خربان ولازم يصلح في الوكاله المهم سوا تقرير وبعد يومين اتصل فيني وقال الجهاز يكلف 6000 ريال قلت لهم بس الضمان دولى قالو ماعلينا دامك اشتريته من برا روح صلحه برا على ضمانهم ماعلينا منك المهم قلت لهم طيب ممكن جاكيز دبي يرسلون لكم القطعه وانتوا تركبونه قالو مافيه مشكلة بس نركبها بفلوس قلت مافيه مشكله كلمت جاكيس دبي عطوني رقم اتصل عليه وايميل المهم كلمت وكيل سوني بدبي قال لا ماراح ارسل لك قطعه وانت جب الجهاز لدبي ونصلحه المهم بعد ايميلات واتصالات وزحلاقات وتهرب طلعت انه مافيه فايده لابد اودي لهم الجهاز الجهاز لو كان ب5000 ماهتميت بس ب13000 الف وتوه جديد حرقة قلب والله اخيرا قررت التوكل على الله والسفر لمسافة 8 ساعات الى دبي بالسياره لارجاع الجهاز وتصليحه على الضمان وانا في الطريق تفاجات باتصال من سوني يقولون لى ترى القطعه ماراح تجي الا بعد 8 ايام خل جهازك عندنا اذا جيت هم اتصلوا لاني قبل امشي خبرتهم عن سفري اتصالهم جاء وانا على حدود الامارات بدخل منفذ الغويفات تخيلوا اسودت الدنيا بوجهي شسوي معقوله احط الجهاز ةارجع بعد 8 ايام مره ثانيه وش هالغربال ضاق خلقى وتغيرت الواني وش الحل ياولد شسوي ارجع واسلم امري لله وادفع6000 ريال بس حرام والله المهم قبت راسي وفكري حتى هداني الله وفرجها على بفكره وهي اتصال على راديو دبي قلت راديو دبي يحل مشاكلهم ليش ماتصل انا يمكن ان شاء الله يحل مشكلتى المهم اتصلت على استعلامات دبي واخذت رقم اتصل راديو دبي واتصلت ردت علي حرمه وحولتني الى مسؤؤله عندهم وقلت لها قصتي قالت لي شوف انا ماقدر اطلعك على الهواء بس راح اوصل مشكلتك الى المسؤليين شكرتها وسكرت الخط ومازلت في وضع ضيقة خلق وياس بعد ريع ساعه جاني اتصال من جوال اماراتي الو .............مين .........سلام عليكم عليكم السلام من معاي وهنا المفاجاة اللى ماراح تصير ببلدي مع الاسف من المتصل تخيلو

الدكتور هاشم النعيمي مدير إدارة حماية المستهلك بوزارة الاقتصاد


هاشم النعيمي

والله العظيم هذا من اتصل على المهم اكمل لكم المحادثه اللي جرت بيني وبينه :

حياك الله من معاي معاك الدكتور هاشم النعيمي مدير ادارة حماية المستهلك بدبي قل لى مشكلتك اخوي وانا تراني تحت امرك امرني امر قلت له المشكلة قال ولاتشيل هم وانا اعتذر لك باسم شعب الامارات على تعنيك وقدومك لبلدنا بسبب مشكلة ضمان تسبب لك فيها محل عندنا المهم قال لى اذا وصلت بالسلامه نام وارتاح وبكرا مشكلتك محلوله باذن الله اكرر اعتذاري مع السلامه انتهت المكالمه وانا مذهول مشلول التفكير بحلم بعلم جلست ربع ساعه غير مستوعب اللي حصل الرجال يقول هذا جوالي تحت امرك اتصل اي وقت على لو مانحلت مشكلتك المهم بعد شوي جاني اتصال رقم غريب ثاني من الامارات وانا بالطريق ماوصلت الو مين المتصل انا خالد اخوك من المغرب الشقيق واشتغل في حماية المستهلك بدبي وجانا اتصال من راديو دبي عن مشكلتك اخوي قول مشكلتك قلت له قال احنا كلنا نعتذر لك ونتاسف وانا اكلمك نيابه عن مدير حماية المستهلك بدبي لان عنده اجتماع الان وبيتصل عليك لاحقا اخوي موضوعك منتهي خلاص ولاتشيل هم اول ماتوصل اتصل على وانا اجيك باي مكان واروح معك الوقت كان متاخر وقلت مش من الذوق اعطل الرجال وهو بينتهي دوامه وانا مابعد اوصل باقى لي 3 ساعات المهم وصلت دبي نمت الصباح جاني اتصال من الدكتور هاشم النعيمي يعتذر عن تاخره بالاتصال لان ابنه مريض ومعه في المستشفى الحين وراح يرسل لى مندوب للمحل بعد شوي بعد نص ساعه الساعه 10 صباحا يتصل تلفوني الو مين معاك مدير حماية مستهلك دبي حياك اخوي اسف امس ماتصلت عليك لانه اجتماع عندي مشكلتك انا قال لى الاخ خالد عنها واعتبر موضوعك منتهي والحين بيجيك خالد المغربي في المحل وبيحل مشكلتك لا اتشيل هم الزبده رحت لمحل جاكيس والتلفزيون معاي جاكيس شافو حماية المستهلك من هنا وطاحوا تحت رجولى من هنا وش تبي وش يرضيك احنا اسفين غلطانيين اللى عنيناك طبعا وبخهم المسؤؤل عن حماية المستهلك على انهم خلوني اجي للامارات اعتذروا وقالو خلاص بعد شوي بنعطيك تلفزيون جديد بدل القديم وتنازل عن الشكوى اخذت الجديد ورجعت والله ثم والله بعد قبل واثناء وبعد انتهاء مشكلتى اتصل هاشم النعيمي ومدير حماية المستهلك والاخ المسؤول اللى من المغرب هاه خلاص طاب خاطرك خلاص مبسوط اكيد اذا مازلت زعلان بنسوي اللي يرضيك اخذت الجهاز ورجعت وانا احس اني بصحى من حلم مو مصدق والله اللى صار لى حقيقه وليس من نسج الخيال وكل شي مدون عندي من ايميلات واتصالات شرايكم انتم باللي حصل هل يحصل ببلدنا ؟؟


منقول بتصرف من هنا:
http://hawamer.com/vb/showthread.php?t=961253

كل القصص التي تروى لنا من جهات الإمارات الرقابية ثمثل للشعب السعودي خيال بل خيال علمي صعب المنال
كلي إحترام لشعب الإمارات و لجهات الرقابة فيه
وأقول لجهاتنا الرقابية ( إستحوا على دمكم شوي ) و لا أقول الضرب في الميت حرام .

الرجال رجال قول وفعل ............... مو أكل ومرعى وقلة صنعة

هذه هي حمـــــــــــــــــــــــــــــــاية المســـــــــــــــــــــــــــــــتهلك
الله المستعان عندنا الوكيل بيدفعه 6000 غير الكشف , وصدقوني حتى لو انه أخذه من السعودية راح يدفع للوكيل اللي هو نصف مبلغ الشراء , ويقولون له هذا خارج الضمان او يماطلونه لين يطفش , ويخلونه يدفع المبلغ لآنه بيقول هو صحيح انه مبلغ كبير ونصف قيمة الشراء تقريباً , ولكن ماذا افعل احسن من ان اخسر 13000 بدون فائده من الجهاز شوفوا اساليبهم , لأنهم عارفين بالأخير انه لا يوجد جهه تحميه وتحفظ حقوقه .
وما حصل من حماية المستهلك في الإمارات من المستحيل ان يحصل عندنا , فلهم اجمل تحيه وتقدير على القيام بواجبهم وتطبيق ما يحفظ حقوق المستهلك .

اااااااااااااااااااااه يالقهر

وربي العامل الهندي مانقدر نكثر الكلام معه نخاف يكون وراه ظهر ياكلنا
واصلي يابلادي
وربي صرت اخاف على مستقبل اولادي ومن تسلط الاجانب علينا
ناهيك عن تسلط ربعنا


حسبنا الله ونعم الوكيل

من زمان نفسي اسافر دبي
وان شاء الله قريبا اسافر لها

والله ياخوي لا خيال ولا شيء بس سيحدث هذا اذا كان عندك ناس تشتغل بذمة ولا عندنا انظمة هنا بالسعودية تحميك لكن اين الذي ينفذها ويتابع تطبيقها بعيدا عن المحسوبيات !

تحياتي

فعلا قصة مؤثرة جدا جدا ولقد تفاعلت نفسيا ومعنويا مع الأخ صاحب المشكلة لكن الذي أراحني وهدأ من غضبي هو تفاعل حماية المستهلك ممثلا برئيسها الأول وهو يعني الكثير والكثير جدا كدروس عملية ملموسة أحرى بأن تكون منهج طريق لدينا في جمعية حماية المستهلك أو وكالة حماية المستهلك بوزارة التجارة, وإن كنت أشك واستبعد أن يحدث مثل هذا التحرك السريع من أي مسئول في حماية المستهلك سواء بالجمعية أو الوزارة.

نحن نحتاج إلى وقت طويل لكي نصل إلى مستوى هذا التفاعل وذلك التحرك لأن المشكلة تكمن في الأنظمة والإجراءات ومصداقية الأشخاص وحرصهم على حماية المستهلكين بشكل عام.

المشكلة في تصوري أزلية وتحتاج إلى مزيد من الوقت وتحتاج بنفس الوقت لقرارات شجاعة لوقف أي تلاعب أو استهتار بحقوق الناس والمستهلكين من أي جهة كانت بعيدا عن المجاملات ودهن السير والتغاضي في سبيل مآرب ومصالح شخصية وليس كما هو حاصل حاليا : طز فيك يا مستهلك!!!

شكرا لك أبو هشام على هذا النقل الموفق والرائع جدا وتحية لجمرة غضا ولكل من أدلى يرأيه ودمتم بخير وعافية.