السلام عليكم ورحمة الله وبركاته

محل i STORE بحي النخيل الغربي على طريق الأمير تركي الأول(مخرج2)بالرياض نزل دعايه له في جريدة الرياض بالعدد15500يوم الأربعاء25ذوالحجه1431هـ صفحة42

ذكروا فيها إذابة الأسعار وحطوا أسعار الأجهزه كثيره وعلى سبيل المثال جهاز بقيمة5549ريال وعليه تخفيض الأن ليصبح بقيمة3999ريال.

ولما راجعتهم بعد مرور يومين من الإعلان لنفس الجهاز إلي بنفس القيمه قال لي ماعليه تخفيض ؟؟ قلت له طيب إعلانكم هذا؟؟....تلخبط المصري وقالي هذي أجهزه كانت عندنا قديمه وخلصت؟؟قلت له معقوله تخلص في يومين؟؟؟هذا الجهاز نفسه وهذا سعره وهذا تخفيضه بالجريده إلي إنتم معلنين فيها؟؟؟

قال لي هذي أجهزه قديمه وخلصت من الشركه والمحل؟؟

وصار ماسك فيها؟؟؟وزعل وسوا لي كم حبه من حركات النصب وتغيير الموضوع؟؟

ومعليش ياباشا؟؟

وبص حضرتك؟؟

المهم رحت وتركت المحل وقمت بالتبليغ عنهم في وزارة التجاره الغش التجاري8001231616وقدمت الشكوى وأعطوني رقم وقالوا رح راجع بالوزاره؟؟؟

وياليل ماأطولك؟؟

طيب الحين هذا العرض وهذا المحل قدامكم ولمده محدوده فقط؟؟يعني متى جات الوزاره بعد إجراءاتها الطويله بالأشهر والله أعلم..كان المحل قد خلص...وباع ...وراح الموعد... ومال الناس الضعوف طار..سبحان الله العظيم

حسبي الله ونعم الوكيل؟؟

يعني كل شخص يعلن ويكذب بالجرايد وفي الإعلام السعودي ولا أحد حولك؟؟

أنا أبي الخير للبلد والشعب وأسلوب الوزاره خلاها لي هم فوق همومي الخاصه

ملاحظه
(ماتلاحظون كثرة المصريين .. وظهور نصبات مثقفه ومرتبه بالبلد)
لا حول ولا قوة إلا بالله

الله يعطيك العافيه على التبليغ ,, المشكلة في هالوزارة انهم يطلبون منك مراجعتهم ومتابعة البلاغ و كأنك تطالب بحق خاص لك! الموضوع حق عام ويفترض أن البلاغ يكفي ويقومون بواجبهم بالتحقق ومحاسبة الغش والتدليس في اعلانات التخفيض خاصة ان التخفيض لا يعلن عنه الا بموافقة الوزارة كما اعلم .

وزارة بيروقراطية بكافة اداراتها ,, و بمعاملتها هذه تسعى لتطفيش المواطن من تقديم البلاغات ضد المخالفين .

لو كل مواطن قام وشكا وعمل ماعملت كان محد تجرا وغش ولا رفع سعر

يوووه ياكثر هالحركات اصلا مايترزقون الا منها

ذكرتني قبل فتره اختي راحت الحكير وملت كوبونات وحطت اسمي ورقمي

ولايدق علي مصري موظف بالحكير الو الاخت فلانه موجوده قلت انا خير

مبروووك سعتك فزتي بقايزه الف الف مبرووك انا هنا وقف قلبي قلت اكيد سياره

طموووحي كبير واجلس الف يمين يسار يابن الحلال قل وش هي الجايزه قال لا

تعالي واستلميها وسويت ازعاج وحاله فزت فزت وقعدت اوزع المبالغ الي باخذها

واحلام كلها دارهم وبالاخير سحبت سي السيد ورحت لمهم ويقرق علينا حول ساعه

وزوجي يقول ابي الزبده اختصر قال تتدفعون حول 3000 اشتراك لمدري كم فرد

لمدة سنه لعب قلت ماابي اشتراك هات الجايزه الا نشترك غصب

بالاخير طلعت يومين اقامه بفندق بمكه لا وياخذون نصف التكاليف ههههههههه

وش الفايده احس اني شطحت شطحه قويه عن موضوعكم

الزبده اي محل كبير من هالمحلات يجيبون لهم كم نصاب ولسانه متبري منه

وهاااتك نصبات وارانب ويمشي سوقهم

معليش ياباشا خيبرها بغيرها وانت مزعل نفسك ليه هو انت اول واحد بتتسرق بالبلد دي
انا من البلد دي انا من البلد دي
اقول الله الله الله يستر لا يطابونك الحين بالتشهير مادام ما قدرة تشتري ابلعها وتوكل على الله ولا تزعل نفسك

طوّل لي بالك الله يخليك ...

صاحب المحل لو علم انه سيحاسب ماتجرأ على الاعلان ...

يعني ضامنها ...

المثل يقول ... من صادها عشّى عياله